Nehemiah 13:10 - Bible Ni Thothup

¹⁰ Kug pir’eg ni bin f’oth rok e pi Levite e da kunir pi’ ngorad; ma aram e fapi Levite nge girdi’en e tang ni bay e maruwel rorad, e ka ra milgad ni ra bagyad me yan ngi i ngongliy e flang rok.

Nehemiah 13:10 Σταυροειδείς Αναφορές

2 Kronicles 31:4

Miki yog fare pilung ngak e girdi’ nu Jerusalem ni ngar feked i yib e maligach ni bay mat’wun e prist nge pi Levite ngay ni ngan pi’ ngorad, ya nge puf puluworad nge yag nra rin’ed e tin nthingar rrin’ed nike yog e Motochiyel rok SOMOL.

Nehemiah 10:37

Gamad ra fek i yan ko prist nga Tempel e flowa nni ngongliy ko tin nga’on e grain nt’ar u reb e duw nge ku tin e maligach ni wayin, gapgep ni olive, nge gubin mit e wom’ngin e gek’iy. Magmad fek ragag e pasent ko grain romad i yan ko Levite ni yad e maruwel rorad ni yad ma kunuy ragag e pasent u lan e pi binaw romad.

Nehemiah 10:39

Girdi’ nu Israel nge pi Levite e ngar feked e f’oth ni grain, wayin, nge gapgep ko olive i yan ngalan fapi senggil ko cha’ar ni gin ni yima cha’riy tatalin e maruwel ko Tempel riy ma ku aram e gin ni bay riy e senggil ko prist ni yad ba maruwel, nge pi matnag u Tempel, nge ulung ko tang u Tempel. Dab da n’aged fare naun rok e Got rodad.

Nehemiah 12:47

Nap’an Zerubbabel nga ku nap’an i Nehemiah, e gubin e girdi’ nu Israel nma pi’ e tow’ath ni yu rran ni ayuw ngak girdi’en e musik u Tempel nge pi’in yad ma matnag u Tempel. Girdi’ e ma pi’ e maligach nib tabgul ngak e pi Levite, me mang e pi Levite e pi’ e girok fapi prist e f’oth.

Isaiah 43:23

Da ku um feked i yib ngog e saf ni maligach ni mo’oruf; da ku mur ted fag ko pi maligach romed. Da gu tomal nagmed ni nggu tuwasariymed nthingar mu pi’ed e maligach ngog, ara aw porawmed ni bochan e incense ni gu be yog ni ngu’um pi’ed ngog.

Malaki 3:8

Nggu fithmed, gur bmat’aw ni nge mororo’ be’ ngak Got? Dangay, machane gimed be mororo’ ngog. Ma gimed be fith ni be lungumed, ‘Uw rogon ni kug mororo’ gad?’ Ko ragag e pasent ko tin bay romed nge tin ngam ognaged.

Numbers 35:2

“Mog ngak piyu Israel ni binaw rorad ni kan pi’ e ngar pi’ed boch e binaw riy ko pi Levite ngar pired riy nge yu yang u to’oben ni ngu’ur chugliyed e gamanman rorad riy.

Deuteronomy 12:19

Dab mpaged e pi Levite ni nge dab mpi’ed ngorad e f’oth rorad u n’umngin nap’an ni gimed be par u lan e nam romed.