Nehemiah 12:36 - Bible Ni Thothup

³⁶ Me lay boch i chon fare ke girdi’ rok Zekariah — ni aram Shemayah, Azarel, Milalai, Gilalai, Maai, Nethanel, Judah, nge Hanani — ni yad gubin ma yad be fek e pi talin e musik ni fa mitnem ni i chubeg David ni Pilung ni fare mo’on ni ba’ Got rok. Ezra ni fa’en ni rib skul ko motochiyel e gafaliy e re ulungney ko fare thelap ni yibe tay.

Nehemiah 12:36 Σταυροειδείς Αναφορές

Nehemiah 12:24

U tan e gagiyeg rok Hashabiah, Shrebiah, Jeshua, Binnui nge Kadmiel e ni yu ulungnag e pi Levite ni yu l’al’agruw e ulung ni ngu’ur tang niged e sorok ngak Got ma yad be ognag e magaer ngak, ni bod rogon ni tay David ni pilung chiylen ni fare mo’on ni bay Got rok.

2 Kronicles 8:14

Me fol ko pi motochiyel nike ngongliy e chitamngin i David, me yarmiy rogon e maruwel rok fapi prist u reb e rran nge reb ma ku er rogon pi yu Levi ni yad ma ayuweg fapi prist ko tang nge pi maruwel rorad. Miki yarmiy girdi’en e matnag u Tempel ni fan ko pi maruwel rorad u langan e pi garog ni yu rran, ni bod rogon nike yog David, ni fare pumo’on ni bay Got rok.

1 Kronicles 23:5

ma aningeg bbiyu’ e ba milfan e matnag ngorad, ma aningeg bbiyu’ e ngu’ur pininged e sorok ngak SOMOL ni yad be chubeg e pi talin e musik ni thagnag fare pilung ni fan ko biney e gam’ing.

Amos 6:5

Gimed ba’adag ni ngu’um tunguyed e tang, mi gimed chubeg e harp, ni bod ni i rin’ David.

Ezra 8:1

Irera’ fithingan e pi’in lolgen e yuke girdi’ ni urmed ni yad ba kalbus u lan yu Babylonia mar sulod ni yad Ezra nga Jerusalem ko ngiyal’ ni Artaxerxes e pilung:

Ezra 7:1

Pire’ e duw nga tomuren ko ngiyal’ ni Artaxerxes e pilung nu Persia, ma bay be’ ni Ezra fithingan nib mo’on ni fak Serayah, nib mo’on ni fak Azariah, nib mo’on ni fak Hilkiah,