Nehemiah 12:25 - Bible Ni Thothup

²⁵ Tin ba’aray e matnag nu Tempel e ba milfan ngorad i matnagiy e pi senggil ni tafen e cha’ar ni bay u charen e fapi garog ko Tempel: Mattaniah, Bakbukiah, Obadiah, Meshullam, Talmon, nge Akkub.

Nehemiah 12:25 Σταυροειδείς Αναφορές

Isaiah 21:8

Me tolul fare matnag ni nge ga’ar, “Siro’, ku’ug sak’iy ni gu be matnag u luwag ni rran nge nnep’.”

1 Kronicles 26:15

Obed Edom e duwgil e bin yimuch e garog ni nge matanagiy, ma pi pagel ni fak e duwgil ni ngar matanagiyed e pi senggil ni yima cha’ar riy.

1 Kronicles 26:12

Pi matnag ko fare Tempel e nki’egrad nge l’agruw ulung, ni yu tabnaw, min pi’ e maruwel ngorad u lan e Tempel, ni bod ni i rin’ boch e Levi.

1 Kronicles 23:32

Yad e ni pagfan ngorad fare Tent rok SOMOL nge fare Tempel ni ngu’ur ayuweged, ma ku yad be ayuweg e girdi’ rorad ni pi prist ni pi’in owchen Aron, ko liyor u Tempel.

2 Kings 7:10

Miyad pag fapi tent ko salthaw nu Syria ngranod ko garog ko binaw miyad pining fapi matanagen e garog me lungurad, “Kug warod ko gin ni bay e tent ko salthaw nu Syria riy ma dariy be’; ma pi os nge dongki e ka rogon ni kani m’ag gafan, ma pi tent e kayug rogon ni pag e salthaw nu Syria.”

1 Kronicles 26:17

U ba’ ni ngek e ra reb e rran ma nel’ e matnag riy, ba’ ni lel’och e aningeg, ma ba’ ni yimuch e ku aningeg. Aningeg e matnag ko pi senggil ni tafen e cha’ar ni gubin e rran, ni lal’agruw ni’ nga reb e senggil ni tafen e cha’ar.

2 Kronicles 8:14

Me fol ko pi motochiyel nike ngongliy e chitamngin i David, me yarmiy rogon e maruwel rok fapi prist u reb e rran nge reb ma ku er rogon pi yu Levi ni yad ma ayuweg fapi prist ko tang nge pi maruwel rorad. Miki yarmiy girdi’en e matnag u Tempel ni fan ko pi maruwel rorad u langan e pi garog ni yu rran, ni bod rogon nike yog David, ni fare pumo’on ni bay Got rok.