Nehemiah 10:1 - Bible Ni Thothup

¹ Pi’in nra sayingad nga but’ e Nehemiah ni governor nib mo’on ni fak Hakaliah, nge Zedekiah,

Nehemiah 10:1 Σταυροειδείς Αναφορές

2 Kings 23:3

Me yan i sak’iy fare pilung nga to’oben ba duga’ me micheg ngak SOMOL ni bay i fol rok, ni aram e ngi i fol ko urngin e pi motochiyel rok u polo’ i laniyan’ ngu polo’ i leam rok, ma bay i tay nga tagil’ fare m’ag ni bod rogon ni ka ni yoloy ko fare ke babyor. Ma urngin e girdi’ nra micheged ni ngar folgad ko fare m’ag.

Ezra 10:3

Ere chiney e thingar da micheged ngak e Got rodad ni bay da n’iged e pi ppin ney nge pifakrad ngar chuwgad u roy. Bay gu rin’ed e n’en ni ga be yog nge fa tinef e girdi’ ni riyul’ ni yad ma tay u gil’ e motochiyel rok Got e karoged ngomad ni nggu rin’ed ni aray rogon. Bay gu rin’ed e n’en ni bay ko motochiyel rok Got.

Ezra 2:63

Governor ko Jew e yog ngorad ndab ra ked e ggan ni kan pi’ ni maligach ngak Got nge mada’ ko ngiyal’ ni bay ba prist nrayag ni nge maruwel ko fare Urim nge Thummim.

Nehemiah 1:1

Thin rok Nehemiah nib mo’on ni fak Hakaliah. U lan fare pul ni Kislev ko duw ni reliw’, ngiyal’nem e gu bay u Susa ni aram e tochuch.

Nehemiah 10:2

Serayah, Azariah, Jeremiah,

Nehemiah 10:30

Dab gu mabgolgad ko girdi’ nu boch e nam ni yad be par u lan e nam romad.

Nehemiah 7:65

Governor ko Jew e yog ngorad ni dab ra ked e ggan ni kan ognag ngak Got nge taw ko ngiyal’ nike yag reb e prist nrayag ni nge maruwel ko fare Urim nge Thummim.

Nehemiah 7:70

Bo’or e girdi’ nra ayuwgad i pi’ puluwon fare Tempel ni ngan toy bayay: Governor 270 ounces e gol 50 raba’ e dabiy ni yima fanay ko madnom bowl 530 madan e prist Lolgen e yuke girdi’ 337 e pawn e gol 3,215 pawn e silber Tin kabay e girdi’ 337 pawn e gol 2,923 pawn e silber 67 madan e prist

Nehemiah 8:9

Fa’ani rung’ag e girdi’ e tin be yog e Motochiyel ni dabisiy ni ngan rin’, miyad tabab ko meyor. Mi Nehemiah, ni ir e governor, nge Ezra, ni fare prist ni ir e ba tamilangan’ ko Motochiyel nge pi Levite ni yad e ur weliyed fan fapi Motochiyel ngak e girdi’ e lungurad, “Bin daba’ e rran e ba thothup ni fan ngak SOMOL ni Got romed. Ere dabi kireban’med ma dab mu yorgad.

Nehemiah 9:38

Bochan urngin e pin’en nike buch romad ma gamad e girdi’ nu Israel e kug yoliyed ba m’ag ni nge par, ma pi’in yad ma yog e thin romad, nge pi Levite romad, nge pi prist romad e kar ted e hang rorad ngay.

Exodus 24:4

Me yoloy Moses nga but’ urngin e tin keyog SOMOL ni nge rin’ e girdi’ nu Israel. Me od Moses nri kakadbul, nge ubung ba altar u enggin fare burey, me suweg ragag nge l’agruw i malang, nra reb fapi malang ma fen reb fa ragag nge l’agruw i ganong nu Israel.