Nehemiah 1:9 - Bible Ni Thothup

⁹ Ma fa’an gimed ra sul ngog ngu’um folgad ko tin gog ngomed ni ngu’um rin’ed, ma gu ra fulwegmed ko gin gag e kug turguy ni ngu’un liyor ma yibe meybil ngog riy, ni yugu aram rogon ni kam wergad kam mada’gad ko gin ni mus e fayleng ngay.’

Nehemiah 1:9 Σταυροειδείς Αναφορές

1 Kings 8:48

Fa’anra riyul’ ni kar ra kalgad ngan’gad kar pi’ed keru’rad ko kireb u lan e re nam nem miyad meybil ngom ni kar sapgad ko re nam ney ni kam pi’ ngak pi chitamangirad ni kakrom, nge re binaw ney ni gur e mu turguy, nge re Tempel ney ni kug toy ni fan ngom,

1 Kings 9:3

Me ga’ar SOMOL ngak, “Ku gu rung’ag e meybil rom. Re Tempel ney ni kam toy e ku gu tay nike mang Tempel rog ni ngu’un meybil ngog riy ndariy n’umngin nap’an. Bay ug matanagiy ma gu be yoror riy ni gubin ngiyal’.

1 Kronicles 16:35

Nge lunguy ngak, “Got ni Tabyul romad mu ayuwegmad; mu kunuymad nga ta’bang; mu ayuwegmad u pa’ e pi nam, ya nge yag ni gu pininged e magaer magmad mathangeluwolnag fithingam nib thothup.”

Ezra 6:12

Fare Got ni ir e duwgiliy ni yu Jerusalem e eram e gin ni ngu’un liyor ma yibe meybil ngak riy e mang e yigi thirif u but’ e re pilung fa re nam nra darifannag e re bugithin ney ma be guy rogon ni nge kirebnag fare Tempel u rom. I gag Darius e kugog e re bugithin ney; ma dabisiy ni ngan fol riy.”

Psalms 106:47

SOMOL ni Got romad, mu ayuwegmad, ngam fulwegmad nggu chuwgad u fithik’ e pi nam, ya nge yag ni gu pininged e magaer magmad pining e sorok nga fithngam nib thothup.

Psalms 107:3

ke chuwegmed ko pi nam ni gathi nam romed, ke fulwegmed u lan e ngek nge ngal, ngu lan e lel’och nge yimuch.

Psalms 147:2

I SOMOL e be fal’eg rogon yu Jerusalem ni nge sulweg nga rogon; be fulweg e girdi’ ni ur kalbusgad u bang.

Isaiah 11:12

I Somol e bay i n’uf bang i flak ngalang ni nge dag ko pi nam ni be kunkunuy bayay nga ta’bang fapi girdi’ nu Israel ngu Judah nra werwergad ko fa aningeg i tabthung ko fayleng.

Isaiah 27:12

Rofen nem, e feng Got e girdi’ rok ni be’ nge be’ ni tabab u Eufrates ngeb ko mathil nu Egypt, ni bod e parde’ wheat nma ki’eg lemmun ko keru’.

Isaiah 56:8

SOMOL ni Th’abi Tolang ni fek e girdi’ rok nu Israel ni u ra kalbusgad u wuru’ e nam rorad nga taferad, e micheg ni bay ki fek boch e girdi’ nge chagiy ngorad.

Jeremiah 12:15

Machane tomuren ni ku gu chuwegrad, mra yib e runguy rog nga dakenrad; mug fulwegrad ni reb e nam nge reb ko but’ rok nge binaw rok.

Jeremiah 3:14

“Mu sulod ngog, gimed e girdi’ ni dam yul’yul’gad; yab mil famed ngog. Bay gu mel’eg ta’ab gimed u ra reb fa yochi binaw nge lalag’ruw i gimed u ba kan e girdi’, nggu fulwegmed ko burey nu Zion.

Jeremiah 31:10

Be ga’ar SOMOL, “Mmotoyil gad e pi nam ngog mi gimed weliy e thin rog ko pi nam nib orel nib liyeg e day. I gag e gu wereg piyu Israel i yan, machane bay gu kunuyrad, mu gu matanagiyrad ni bod ba tagafaliy e saf ni be matanagiy e saf rok.

Jeremiah 32:37

I gag e nggu kunuy e girdi’ u gubin e nam ni gu weregrad riy u fithik’ e damumuw rog nib almarin, ni aram e nggu fulwegrad ngaray ngar pired ndariy ban’en nra buch rorad.

Jeremiah 6:22

Be ga’ar SOMOL, “Girdi’ e be yib u ba nam ni bay ko lel’och; ba nam nib gel ma ba orel e be fal’eg rogon ni fan ko mael.

Ezekiel 14:6

“Ere chiney, e ngamog ngak yu Israel ni Gag fare SOMOL ni Th’abi Tolang e gu be ga’ar: Mu kalgad ngan’med mu sulod mi gimed pag e pi liyos romed ni sunsonogor.

Ezekiel 36:24

Bay gu chuwegmed u gubin e nam mu gu fulwegmed ko nam romed.

Levitikus 26:3

“Fa’anra um pired nrogon ko motochiyel rog mi gimed tay u gil’ e tin kugog,

Zekariah 8:7

Bay gu chuweg e girdi’ rog ko pi nam ni kan fekrad ngay,

Matthew 24:31

Ma fare rappa ni ba ga’ lungun e bay non, ma aram e bayi l’oeg e engel rok ko fa aningeg yangi n’en u fayleng nma thow e nifeng riy, ma aram miyad kunuy e girdi’ rok nike mel’egrad u baraba’ e fayleng nge yan i mada’ nga baraba’.

Deuteronomy 12:21

Ma fa’anra kayigi palog fa ta’gin’en ni tagil’ e liyor, ma aram e demturug e ngiyal’ ni gimed ba’adag, mrayag ni mu li’ed reb e garbaw ara saf nike pi’ SOMOL ngomed, mrayag ni mu koyed e ufin riy u tabnaw, ni bod ni kugog ngomed.

Deuteronomy 12:5

Gi nam ni bayi par e pi ganong romed riy e bayi turguy SOMOL bang riy ni ir e ngu’um mu’ulunggad ngay ngam ted fan SOMOL mi gimed meybil ngak.

Deuteronomy 30:1

“Kug pagfan ngomed ni gimed e ngam duwgiliyed ko fel’wa’athan fa buchwa’athan e nge yib ngomed. Nap’an nra yib e pin’ey ngomed ni gimed be par ko pi nam i yan ni SOMOL ni Got romed e ke weregmed riy, ma nge yib ngan’med e pi thin ney ni kugog.