Nehemiah 1:7 - Bible Ni Thothup

⁷ Ngongol romad e ba togopluw ngom, ma da ug folgad ko thin rom. Fapi motochiyel ni mpi’ ngomad u pa’ Moses ni tapigpig rom e da ug folgad riy.

Nehemiah 1:7 Σταυροειδείς Αναφορές

1 Kings 2:3

mu um rin’ e tin bayi yog SOMOL ni Got rom ngom ni ngam rin’. Um fol u urngin e pi motochiyel rok nge tin keyog ni ngu’un rin’, ni bod ni ka ni yoloy u lan e Motochiyel rok Moses, ya ngi i mon’og urngin ban’en ni bay um rin’ ko yungi n’en ni ga be yan riy.

2 Kronicles 25:4

Machane de li’ pifakrad, ya fol ko n’en ni yog SOMOL u lan e Motochiyel rok Moses ni ga’ar: “Gal labthir e dab ni thang e pogofan rorad ni bochan e kireb nike rin’ pifakrad, ma bitir e dab ni thang e pogofan rorad ni fan ko oloboch nike rin’ e gallabthir rorad; girdi’ e yira thang e pogofan rorad ni kemus ni fan ko pi oloboch ni yad e kar ngongliyed.”

2 Kronicles 27:2

Jotham e i rin’ e tin nib m’agan’ SOMOL ngay, nri bod ni i rin’ e chitamngin; machane de bod e chitamngin ni denen ni bochan e urfiy e incense u lan fare Tempel. Machane girdi’ e dar talgad ko denen.

Ezra 7:6

Ezra e chuw u Babylonia. Cha’ ney e be’ nib tamilangan’ ko fare Motochiyel ni SOMOL ni fare Got rok yu Israel e pi’ ngak Moses. Gubin ban’en ni i ning Ezra ngak fare pilung mi i pi’ ngak, ni bochan e fel’eg wa’ath rok SOMOL ni Got rok ngak.

Psalms 106:6

Kug denengad ni bod ni i rin’ e pi chitamangimad kakrom; ku’ug pired ni gamad ba kireb ma ba kireb e leam romad.

Psalms 89:31

miyad pi’ keru’rad ko fonow ni gu be tay ngorad, ma darir folgad ko tin kugog ngorad ni ngar rin’ed,

Psalms 89:32

ma aram e bay gu gechig nagrad ni bochan e denen rorad; bay gu pagrad ngar gafgowgad ni bochan e kireb rorad.

Isaiah 1:4

Ka mu riya’gad, gimed girdi’en ba nam ni gimed ba sug ko denen ma kam mak’gad nga but’ ko kireb! Ka mu n’iged SOMOL, ni ir fare Got nib thothup nu Israel, ma kam pi’ed keru’med ngak.

Daniel 9:11

Urngin piyu Israel ni kar th’abed e pi motochiyel rom ma kar siyegned ni ngar motoyilgad ko tin ni kamog. Kug denen gad nib togopluw ngom ma kam girengiy nga dakenmad fapi buch wa’athan ni bay ni kan yoloy u lan e Motochiyel rok Moses, ni tapigpig rom.

Daniel 9:13

Ke yib ngomad urngin fapi gechig ni bay murung’agen u lan e Motochiyel rok Moses. SOMOL ni Got romad, mus ko chiney ma dawor gu guyed rogon ni nggu pi’ed keru’mad ko denen ni gamad be rin’ nggu warod nga lanin’um ara gu folgad ko tin kamog ni aram e tin nib riyul’.

Hosea 9:9

Dakriy gam’ingrad nga bang nga farad kireb ko n’en ni yad be rin’, ni bod ni ur rin’ed u Gibeah. Bayib e denen rorad ngan’ Got me gechig nagrad ni bochan.

Levitikus 27:34

Irera’ e tin ni yog SOMOL ngak Moses u daken e Burey ni Sinai ni fan ngak e girdi’ nu Israel.

Zefaniah 3:7

Ere gu leamnag ni aram e bay yib madgug u wan’ e girdi’ rog me m’ag u wan’rad e fanow rog, me siy ra paged talin e n’en ni kug fil ngorad. Machane de n’uw nap’an miyad ngongol nib gel e kireb riy ni bod kafram.

Malaki 4:4

“Mu leam niged e pin’en ni i machibnag e tapigpig rog i Moses, ni fapi motochiyel nge fonow ni gu pi’ ngak u daken e Burey ni Sinai ni fan ngak urngin e girdi’ nu Israel ni ngar folgad riy.

Deuteronomy 4:1

Me ga’ar Moses ngak e girdi’ nu Israel, “Ngu’um folgad u urngin e pi motochiyel ni ba’aray ni nggu fil ngomed, ni ngu’um pired ni dabi buch ban’en romed, mi gimed par u lan fare nam ni SOMOL ni Got rok pi chitamangimed e bayi pi’ ngomed.

Deuteronomy 4:5

“Kug fil ngomed urngin fapi motochiyel nrogon ni yog SOMOL ni Got rog ngog ni nggu fil ngomed. Ngu’um folgad riy u lan e re nam ni ba’aram ni ngam koled ngam pired riy.

Deuteronomy 5:1

Me pining Moses urngin fapi girdi’ nu Israel nga ta’bang me ga’ar ngorad, “Girdi’ nu Israel, motoyilgad nga urngin e pi motochiyel ni nggu pi’ ngomed e daba’. Mu filed ma nopa’med ni ngu’um folgad riy.

Deuteronomy 6:1

“Irera’ urngin fapi motochiyel ni SOMOL ni Got romed e keyog ngog ni nggu fil ngomed. Ngu’um folgad riy u lan e re nam ni ba’aram ni ngam marod ngay ngam pired riy.

Revelation 19:2

Ba riyul’ ma bmat’aw e gechig nma turguy! Ya ke gechignag fare pin nib gilbuguwan nma pi’ ir ni chuway’ ni i kirebnag e fayleng nga ngongolen e darngal ni i rin’. I Got e ke gechignag ni bochan e li’ e pi tapigpig rok ngarm’ad.”