Nahum 3:3 - Bible Ni Thothup

³ Girdi’en e yan u os e kar thay gad nga m’on ni cham, ma be mat ra’en e saydon nge sarey! Pi Idow e ke burey u but, ni bogi yam’ ni dabkiyag i the’eg urngin — be tun ay e girdi’ ngorad!

Nahum 3:3 Σταυροειδείς Αναφορές

Genesis 3:24

Nga ba’ ni ngek ko fa gi woldug me tay e kerubim nge bangi saydon ni be daramram ni urngin yang ni be cheal ngay. Ran’ey e nge tay e girdi’ u urel nge dabi chugur be’ ko fare ke gek’iy nma pi’ e yafos.

2 Kings 19:35

Re nep’ i n’em e yan ba engel rok SOMOL ko gin be par e salthaw nu Assyria riy nge thang e pogofan rok 185,000 i yad. Ma fa’ani puf e woch ma go’ yad ba yam’ ni yad bay u rom.

Isaiah 34:3

Pi ldow rorad e dab ni k’eyag, ma bayi par downgirad u but’ nge meal nge kireb bon; pi burey e bayi row ko racha’ rorad.

Isaiah 37:36

Re nep’ i n’em e yan ba engel rok SOMOL ko gin be par e salthaw nu Assyria riy me thang e pogofan rok 185,000 e salthaw. Ma fa’ani puf e woch ma yad gubin ni yad bay u but’ ni karm’ad.

Isaiah 66:16

Nifiy nge saydon e bay i gechignag gubin e girdi’ ngay nu fayleng nike pir’eg nib buch e rorad, ma bo’or i yad e yira thang e fan rok.

Ezekiel 39:4

I Gog nge raba’ i salthaw rok nge pi’in karmanged ngak e bay ra thiggad ni karm’ad u daken fapi burey nu Israel, ma bay gu pag e ldow rorad nge mang ggan ko urngin e arche nge gamanman ni malboch.

Levitikus 26:37

Bayi oloboch aymed ngu’um dol’gad ndariy be’ ni be tulufmed, nike m’ay gelingmed ni dabkiyag ni ngam chamgad ngak e pi to’ogor romed.

Nahum 2:4

Pi chariot rorad e be mil nib mus mirin u daken e yupa’ i kanawo’, ni yad be yan ngu’ur sulod nib math’ marin u lukngun e binaw. Be matmat ra’en e pi chariot nem ni gowa mol’ ni be gachgech u but’ ni gowa uluch.

Habakkuk 3:11

Nap’an ni mat ram’en gan e gat’ing rom ni thay nib machreg, me galgal e sarey rom, me tal e yal’ nge pul u tagil’.