Nahum 2:3 - Bible Ni Thothup

³ Pi salthaw ni to’ogor romed e karfeked yungi shield ni row ma karon’ed madan e salthaw nib row. Kar flaged rograd ni ngar chamgad! Pi chariot rorad e be mat ni gowa nifiy! Ma pi os rorad e der paslag ko bukey.

Nahum 2:3 Σταυροειδείς Αναφορές

BABYOR NI JOB 39:23

Talin e cham nma fek e pi’in yad bay u daken e pi os nem e ma garal lingan mma gal ra’en u tarama’en e yal’.

Psalms 80:13

ma be yot’yot’ e pi babiy ni malboch nga but’, ma gamanman ni malboch e be damunmun riy.

Isaiah 14:8

Gek’iy ni cypress nge cedar nu Lebanon e kar felfelan’gad ko fare pilung nike thay, ni bochan e dakriy be’ ni nge th’abrad nga but’, e chiney ni dakimo’!

Ezekiel 23:24

Bay ra chamgad ngom ko lel’och, ni kar feked barba’ i salthaw nib ga’ ni bay e chariot rorad nge wagon nma fek e chugum. Yad ra rungrung ko shield nge helmet ngarbad ron’ed gur nga longob. Ma bay gu pi’em nga pa’rad, ma bay ra pufthin niged gur u rogon e tirorad e motochiyel.

Ezekiel 26:7

I SOMOL ni Th’abi Tolang e be ga’ar, “Bay gu fek i yib ba pilung ni ir e th’abi gel gelngin u fithik’ uringin e pilung ni Nebukadnezzar nu Babylonia — ni nge mael nga Tyre. Bay i yib u lan e lel’och nib mu’un barba i salthaw ngak nib ga’, nge os nge chariot, nge girdi’en e yan u os.

Nahum 3:2

Motoyil! Nga lingan e pi dumow, nge tayapyap ni be grilril, nge lingan e titimo’og ni be tay e pi os, nge lingan e chariot ni be gril u kanawo’!

Zekariah 1:8

Gguy be’ ni be yan u daken ba os nib row. Yib i tal nga fithik’ yuke gek’iy ni myrtle u lan e loway, mu tomur rok e bay boch e os riy nib row, nge boch nib wupwupnun’, nge wechwech.

Zekariah 11:2

Gimed e gek’iy ni cypress mu yorgad nib ga’ lammed, ya ke aw fapi gek’iy ni cedar nga but’, fapi gek’iy ni immoy nrib fel’ ya’an e ke yim’! Mu yor gad mi gimed dololoy’ e gek’iy ni oak u Bashan, ya fare loway nib chuwo’ i gek’iy e kan th’ab nga but’!

Zekariah 6:2

Bin m’on ko fapi chariot e bogi os ni row e be girengiy, ma bin l’agruw e bogi os nib talmor,

Revelation 12:3

Miki m’ug reb e pow u tharmiy, ni ba dragon nri ba ga’ nib rowrow ni medlip lolugen ma ragag e gagey rok, nra reb i lolugen ma bay reb e te’eliyaw riy.

Revelation 6:4

Me yib ba os nib row, ni en ni bay u daken e kan pi’ gelngin ni nge fek e mael nga daken e fayleng, ni aram e ngi i cham e girdi’ ngu’ur li’ed yad ngu’ur m’ad; ma kan pi’ ba saydon ngak ni ba ga’.