Mikah 7:9 - Bible Ni Thothup

⁹ Kad denen gad nib togopluw ngak SOMOL, ere chiney e thingar da lubeged e damumuw rok boch ngiyal’. Machane tomur riy e bayi n’uf dad me yal’uweg e pi kireb ni ka ni ngongliy ngodad. Bayi chuwegdad u fithik’ e lumor nge fekdad ko tamilang, gadad ra par ni gadad bfos nge taw ko ngiyal’ nikad guyed nike thapeg dad make mat’aw nagdad.

Mikah 7:9 Σταυροειδείς Αναφορές

2 Samuel 24:17

Me guy David fare engel ni be thang e fan rok e girdi’, me ga’ar ngak SOMOL, “I gag e ba kireb e rog. I gag e kug rin’ e kireb. Mang e ke bucheg e pi girdi’ ni gafgow ney? Susun e gag nge tabnaw rog e ngam gechignag.”

BABYOR NI JOB 23:10

Yug aram rogon ma Got e manang gubin yay ni gu be yif’ eg; ra sikeng nigeg, ma ra pir’eg ni gu ba machalbog.

BABYOR NI JOB 35:14

Job, ga be yog ni damur guy Got; machane makdan’um ngam son — ya oloboch rom e bay u peowchen.

Psalms 119:154

Mu rungrunguyeg ko oloboch rog, ngam pithig u puluwog; mu ayuweg e pogofan rog, ni bod nim micheg.

Psalms 37:6

me gagiyegnag pangim nib mat’aw nge gal ni bod ram’en e yal’ ni misiw’.

Psalms 43:1

Got, mu gagiyeg ngan nang ndawor gu bucheg ban’en, ma ga ayuwegneg u pa’ e pi’in nde mich Got u wun’rad; mu ayuwegneg rok e girdi’ ni yad ma lifith l’ugunrad ma yad ba kireb!

Psalms 7:6

SOMOL, mu sak’iy u fithik’ e damumuw rom, mu togopluw ko damumuw rok e pi to’ogor rog, mu od ngam ayuwegneg. Tin nib mat’aw e ir e ga be ta’chiylen,

Psalms 94:15

Tin nib mat’aw e yira pir’eg bayay u lan tafen e puf oloboch; ma gubin e pi’in bmat’aw ma yad ra tedyad ngay.

Isaiah 42:16

“Girdi’ rog ni yad ba ma’ew e bay gu pow’iyrad u daken yu pa’ i kanawo’ ndawor ra milekaggad riy. Lumor ni yad be par u fithik’ e bay gu pingeg nge ngal’ ni tamilang, ma yungi n’en nib mododongol ni bay nga m’on rorad e bay gu pacheag. Pin’ey e gu micheg, ni ri gu ra rin’.

Isaiah 42:7

Bay mu bing lan mit e pi malmit, ma ga chuweg u kalbus e pi’in yad be par riy u fithik’ e lumor.

Isaiah 46:13

Rofen ni nga ni gel e kug chugurnag, daki mal’af. Gel ni bay gu tay e dabi sowath. Bay gu chuweg yu Jerusalem u pa’ e to’ogor rok, mu rom e bay gu gagiyegnag yu Israel riy ngan tay farad.”

Isaiah 51:22

I SOMOL ni Got romed ni be n’ufegmed e be ga’ar, “I gag e nggu chuweg fare kap ni gu pi’ ngomed u fithik’ e damumuw rog. Bayi dab kum unumed fare wayin nma thigthig nagmed.

Isaiah 56:1

I SOMOL e ga’ar ko girdi’ rok, “Mu rin’ed e tin ni bfel’ ma ba mat’aw, ya dab kin’uw nap’an mu gub ni nggu aywegmed; gelngin e ayuw rog e yira guy u ga’ngin yang u fayleng.

Jeremiah 10:19

Girdi’ nu Jerusalem e yad be yor ngalang ni yad be ga’ar, “Kaygi almarin e maad’ad ni kadted! Ma’ad’ad u dowdad e dabi fos. Ya ud leam niged ni irera’ ban’en nrayag nda athamgiliyed!

Jeremiah 14:7

Girdi’ rog e yad be yor ngog ni yad be ga’ar, ‘Yug aray rogon ni denen romad e ku gu affed riy’en, machane SOMOL, mu aywegmad ni bod ni mmicheg. Kug pi’ed keru’mad ngom nike yo’or yay; ma ku gu denengad nib togopluw ngom.

Jeremiah 51:10

Be ga’ar SOMOL, “Girdi’ rog mu tolulgad ni nge lungmed, ‘I SOMOL e ke gagyelnag ni gadad bmat’aw. Darod nga doged ko girdi’ nu lan yu Jerusalem e n’en nike rin’ SOMOL ni Got rodad.’”

Lamentations 1:18

“Machane SOMOL e ir e bmat’aw, ya gag e da ug fol rok. Mmotoyil gad ngog, gimed e girdi’ u gubin yang; mu guyed gag u fithik’ e amith rog. Pi’in pagel nge rugod rog e kan fek’rad nga bang ni yad ba kalbus.

Levitikus 26:41

mar k’aringed gag ngug cheal ngug togopluw ngorad nggu pi’rad ngar kalbusgad u lan e nam rok e pi to’ogor rorad. Mra tomur nike sobutan’rad ma kar gafgowgad u wenegan e denen rorad nge togopluw ni urted,

Malaki 3:18

Girdi’ rog e bay kur guyed bayay e n’en nib thil u thilin e pi’in yad mmat’aw nge pi’in yad be ngongliy e kireb, ngu thilin e en ni be pigpig ngog nge en nder pigpig ngog.”

1 Korinth 4:5

Ere dab mu turguyed e kireb nga daken be’ u m’on ndawori taw nga nap’an. Bin tomur e pufthin e thangri son nge yan i mada’ ko ngiyal’ ni bayi sul Somol riy ni ba’aray rogon: bayi fek nga tamilang e tin yibe mithag me dag nga tamilang e tin nib mith ni i leamnag e girdi’. Ma aram e ra be’ ni bay rogon ni nge pining Got e sorok ngak ma bayi pining Got e sorok ngak fa’anem.

2 Timothy 4:8

Me ere chiney e be son nigeg puluwog ko gel ni kug tay, ni aram fare te’eliyaw ko mat’aw ni ir e bayi pi’ fare Tapufthin nib mat’aw i Somol ngog e Chirofen nem — ni gathi go’ gag, ya bayi pi’ ngak urngin e pi’in nib t’uf Somol rorad ma yad be sonnag ni nge yib i m’ug.

Revelation 18:20

Tharmiy, mu felfelan’, ya kan kirebnag! Mu felfelan’gad e girdi’ rok Got, nge gimed e pi apostel nge pi profet! Ya ke pi’ Got e gechig rok ni bochan e n’en ni rin’ ngomed!

1 Samuel 24:15

I SOMOL e bayi pufthin, me duwgiliy ko mini’ e arodow nib kireb. Mang e yigi changar nga fithik’ e re pa’ i oloboch ney, me yoror rog, me ayuwegneg u pa’am.”

1 Samuel 25:39

Nap’an ni rung’ag David nike yim’ Nabal, me ga’ar, ‘Ngu’un pining e sorok ngak SOMOL! Ke fulweg taban e kireb ni rin’ Nabal ngog, ma ke teg I gag e tapigpig rok ni da gu rin’ ban’en nib kireb. I SOMOL e ke gechignag Nabal ko kireb rok.” Ma aram me pi’ David e thin nge yan ngak Abigail ni ngar mabgol gow.

1 Samuel 26:10

Miki ul ul David ngay nge ga’ar, “I SOMOL ni be par nib fos, e ir e bayi thang e pogofan rok Saul, ndemturug ko bay yim’ nrogon e yam fa bay yim’ u fithik’ e mael.

1 Samuel 3:18

Ma aram me weliy Samuel ngak ni urngin; nde mithag buchu’uw riy. Me ga’ar Eli, “I ir SOMOL; bayi rin’ e tin be finey ni ir e bfel’.”