Mikah 7:10 - Bible Ni Thothup

¹⁰ Ma aram e bayi guy e pi to’ogor e ren’ey miyad tamra’, ni fapi to’ogor rodad ni ur moning gad ngodad ni be lungurad, “Bu uw fa’anem i SOMOL ni Got romed?” Bay da guyedrad ni kar waergad, ma yibe yot’rad nga but’ ni yad bod e rungdu’ u lan e kanawo’.

Mikah 7:10 Σταυροειδείς Αναφορές

2 Samuel 22:43

Kug pirdi’iyrad kar pired ni yad bod e fiyath; gu be yit’yit’rad nga but’ ni bod e rungdu’ u daken e kanawo’.

Psalms 109:29

Mang e yigi mathrow e pi to’ogor rog ko tamra’; mang e yug ro’ned e tamra’ nga dakenrad ni bod ba wuru’ e mad nib n’uw.

Psalms 115:2

Mang ni be fithmad e pi nam ni yad be ga’ar, “Bu uw e Got romed?”

Psalms 18:42

Kug parsiyrad, kar ngal’gad ni ab nra thoyrad e nifeng miyad chuw. Gu be yot’yot’rad ni bod e bar u lan yupa’ i kanawo’.

Psalms 35:26

Mang e yigi waer me wagagay lanyan’ e pi’in yad be felan’ ko gafgow ni kug tay; Mang e yigi polo’ i tamra’ me ma’fan e pi’in yad be yog ni yad bfel’ boch ngog.

Psalms 42:10

Kug parde’ ko thin nib kireb ni be yog e pi to’ogor rog ngog, ya kar pired ni yad be fith ngog ni be lungurad, “Bu uw e Got rom?”

Psalms 42:3

Gu be yor ni rran nge nep’, ma lu’ e ke mang ggan ngog; gubin ngiyal’ ni be fitheg e pi to’ogor rog ni be lungurad, “Bu uw e Got rom?”

Psalms 58:10

Ra felan’ e pi’in nib mat’aw ko ngiyal’ ni yad ra guy e pi tadenen ni kan gechig nagrad. yad ra maluknag e rifrif u ayrad nga racha’en e pi’in kireb.

Psalms 79:10

Mangfan ni be fithmad e pi nam, ni yad be ga’ar, “Bu uw e Got romed?” Mu gagiyegnag ngguyed ni kam gechignag e pi nam ni bochan e yad be po’ug rachaen e pi tapigpig rom.

Psalms 92:12

Pi’in nib mat’aw e bay ra dommalgad ni bod e gek’iy ni palm; yad ra ilal ni bod e cedar nu Lebanon.

Isaiah 26:11

Pi to’ogor rom e dar nanged ni ga ra gechig nagrad. SOMOL, mu tamra’ nagrad ma ga pagrad ngar gafgowgad; mu pagrad ngar gafgowgad u tan e gechig ni ka mu fal’eg rogon kam tay. Mu dag ngorad feni t’uf rom e girdi’ rom.

Isaiah 41:25

“Kug turguy be’ nib mo’on nma par ko ngek; bay gu gagiyegnag nge yib u lel’och i cham ngomed. Bay i yot’yot’ e pi’in yad ma gagiyeg ni gowa yad e rungdu’, ni bod be’ nma ma’ th’ib ni be yot’yot’ e but’.

Jeremiah 49:15

Bayi me’waer nagmed SOMOL, ni dakuriy be’ nra tay famed.

Jeremiah 51:24

Be ga’ar SOMOL, “Bay mu guyed gag ni nggu sulweg taban’ ngak yu Babylon nge girdi’ riy gubin fapi kireb nrin’ed nga Jerusalem.

Jeremiah 51:51

Gimed be ga’ar, ‘Kandariyfan nagdad ma kan tamra’ nagdad; kug nanged ni kari m’ay gelingmad ni bochan e pi milekag e yad e ke gel farad ko yungin nib thothup u lan fare Tempel.’

Ezekiel 7:18

Bay ron’ed e mad ni tutuw nga dakenrad miyad t’on nreb. Bay ni puy piyan lolugrad, ma bayi ma’ farad ni yad gubin.

Daniel 3:15

Ere nap’an ni yig gimed ra rung’ag lingan e rappa, nge tatelin e musik ni oboe, nge lyre, nge zither, nge harp, nge urngin e tin kabay e tatelin e musik, ma aram e ngam siro’gad ngam ted fan e re liyos nem. Ma fa’anra dab mu rin’ed, ma ka chingiyal’ nem e nga nin’med ngalan ba tafen e nifiy ni be daramram. Gimed be finey ma bay reb e got nrayag rok ni nge ayuwegmed?”

Joel 2:17

Pi prist ni yad be pigpig ngak SOMOL u lan e Tempel u thilin langan e mab nge altar e thingar ra yorgad miyad meybil ni lungurad, ’SOMOL, mu runguy girdi’em. Dab mu pag yugu boch e nam ngar darifan niged gamad mu ur moning niged gamad ni be lungurad, ’Bu uw e Got romed?’’

Obadiah 1:10

“Bochan e mororo’ nge thang pogofan ni um tay ngak pibe’ rom ni pi’in owchen Jakob, bay ni thirfem u but’ me m’ay fam ni manemus.

Obadiah 1:12

Thangri dab mu girig ngak pibe’ rom nu Judah ko buch wa’athan ni kar ted. Thangri dab mu felfelan’ e rofen nem ni pil nga pa’rad. Thangri dab mu minmin ngorad ko buchbuchan’ ni kar ted.

Mikah 4:11

Pire’ e nam ni kar mu’ulung gad ni ngar cham gad ngomed. Be lungurad, “Thingar ni thirif yu Jerusalem u but’! Bay da guyed nike mogothgoth!”

Mikah 7:8

Pi to’ogor rodad e dariy rogon ni ngar girig gad ngodad. Kad mulgad machane bay kud sak’iy gad bayay. Gadad be par u fithik’ e lumor e chiney, machane SOMOL e bayi pi’ e tamilang ngodad.

Zefaniah 3:15

I SOMOL e ke taleg e gechig romed; ir e ke chuweg e pi to’ogor romed ni gubin. I SOMOL, ni fare pilung nu Israel e be par romed; ere dakuriy tapgin ni ngam rusgad e chiney.

Zekariah 10:5

Piyu Judah e bay ur gelgad ni bod e pi salthaw ni yad ma yotyot e pi to’ogor rorad u fithik’ e rungdu’ u lan e yupa’ i kanawo’. Bay ra chamgad ni bochan SOMOL ni bay rorad, bay ur gelgad ni mus ngak fa raba’ i salthaw ni yad ba falu’ ni girdi’en e yan u os ma yad ra gel ngorad.

Malaki 1:5

Girdi’ nu Israel e yad ra guy e ran’ey nga owcharad, ma bay ra ga’argad, “I SOMOL e rib gel gelngin ma ku errogon u wuru’ e nam nu Israel!”

Malaki 4:3

Bay mu gelgad ngak e pi’in nib kireb, ma bay ra boded e fiyath u tan e rifrif u aymed ko rofen ni ba’aram ni bay gu maruwel.

Matthew 27:43

Ya ba pagan’ ngak Got ma be yog ni ir Fak Got. Ere mu son gad ngad guyed ko ra yib Got i ayuweg e chiney fa!”

Joshua 7:9

Piyu Kanaan nge urngin e pi’in yad bay u langgin fare nam e bay rrung’aged murung’agmad. Bay ra liyeged gamad ngar li’ed gamad ni gamad gubin nggu m’ad! Are mang e ga ra rin’ mu kum ayweg fanam gilbugwan?”

Revelation 18:20

Tharmiy, mu felfelan’, ya kan kirebnag! Mu felfelan’gad e girdi’ rok Got, nge gimed e pi apostel nge pi profet! Ya ke pi’ Got e gechig rok ni bochan e n’en ni rin’ ngomed!