Mikah 5:3 - Bible Ni Thothup

³ Ere SOMOL e bayi pag e girdi’ rok nga pa’ e pi to’ogor rorad nge mada’ ko ngiyal’ ni fare pin ni nge gargel e ke gargeleg fak ni pumo’on. Ma aram e girdi’en e nam rok ni yad bay u reb e nam ni yad ba kalbus e bay ra sulod ngar cheaggad ngak e tirorad e girdi’.

Mikah 5:3 Σταυροειδείς Αναφορές

1 Kings 14:16

Bayi digey SOMOL yu Israel ni bochan e ke denen Jeroboam ma ke waliy e girdi’ nu Israel nga fithik’ e denen.”

2 Kronicles 30:7

Dab mu boded e pi chitamngimed nge pi walagmed ni piyu Israel nda ur yul’yul’gad ngak SOMOL ni Got rorad. Ya ka mu guyed nike gechig nagrad nrib gel.

Psalms 67:3

Got, manga yigi pining e girdi’ e sorok ngom, manga yigi gubin girdi’ me pining e sorok ngom!

Isaiah 11:11

Rofen nem, e ra maruwel Somol nga gelngin nge fulweg e girdi’ rok nga tabinaw, ni pi’in nra magachgad u Assyria ngu Egypt, u lan fare nam nu Pathros ngu Sudan, ngu Elam, ngu Babylonia, ngu Hamath, nge pi binaw u charen e day nge pi donguch u lan e day.

Isaiah 49:6

I SOMOL e ga’ar ngog, “Bay reb e maruwel ni ba ga’ ni ngam ngongliy i gur e tapigpig rog. Gathi kemus ni bay mfulweg e tin ke magey e girdi’ nu Israel nga rogorad, ya bay kug gagiyeg nigem ngam mang ba magal ngak e pi nam, ya ngan nang u fayleng ni ga’ngin kanawo’en mi ni thap ngog.”

Jeremiah 23:5

Be ga’ar SOMOL, “Bayi taw nga bingyal’ mu gu duwgiliy be’ nib mat’aw nreb i owchen David ni nge mang pilung. Re pilung nem e bayi gagiyeg u fithik’ e gonop mi i rin’ e n’en nib yal’uw ma ba mat’aw u daken e re nam ney ni ga’ngin.

Jeremiah 31:1

Be ga’ar SOMOL, “Bay ba ngiyal’ ni be yib ni bay gu par ni kugmang Got rok urngin e pi ganong nu Israel, ma bay ra manged girdi’eg.

Ezekiel 34:16

“Bay gu changarnag e pi arorad nike malboch, mu gu fulweg e tin be sor ngabang, mu gu taflaynag e tin ke maad’ad, mug golnag e tin ke m’ar; machane tin sugsug ma yad ba gel e bay gu thangrad, ni bochan e gag ba tagafal saf ni n’en ni ba yal’uw e gu ma rin’.

Hosea 11:8

“Israel, uw rogon ni nggu pagem? Uw rogon ni nggu n’igem? Gur rayag ni gu thirifem u but’ ni bod ni gu rin’ nga Admah? Ara gu rin’ ngom e n’en ni gu rin’ nga Zeboyim? Dabiyag u ngorongreg ni nggu rin’! Ya ri gab t’uf rog!

Hosea 2:14

Ere nggu fek bayay nga daken e ted nder tugul ban’en riy; mu rom e bay gu weliy lanin’ug ngak riy nrib t’uf rog ma aram me sul ngog.

Hosea 2:9

Ere bayi taw ko ngiyal’ ni ngan kunuy e ggan nike yib ko woldug ni ngan tay nga naun mu gu fulweg e pi tow’ath rog ni grain nge wayin ni ug pi’ ngak, mu gu chuweg rok fapi bunu’en e saf nge fapi mad nib wech ni gu pi’ ni mad rok.

Amos 5:15

Mu fanenikayed e tin nib kireb, me t’uf romed e tin ni bfel’, ma ngam guyed ni tin nib mat’aw e ngan rin’ u tafen e puf oloboch. Ma SOMOL e sana ra runguy e girdi’ ko re nam ney ni pi’in kar mageygad ndar m’ad.

Mikah 4:4

Gubin e girdi’ ni bay ra pired u fithik’ e gapas u fithik’ fi’irad grape nge yu ke gek’iy rorad ni fig, ma dakuriy be’ nra k’aring e marus ngorad. I SOMOL ni Gubin ma Rayag Rok e ke micheg e pin’ey.

Mikah 4:7

Kar pired ni kar marwoth gad ma yad ba orel ko nam rorad, machane bay gu tabab i gagiyeg nagrad bayay, ngar manged reb e nam nib gel. Bay gu par u daken e Burey ni Zion ngu’ug gagiyeg nagrad e ngiyal’nem i yan nga m’on ndariy n’umngin nap’an.”

Mikah 5:7

Girdi’ nu Israel nra magachgad ni dar m’ad e bay ra boded e wa’angachal niki kakling bayay ni SOMOL e ke l’oeg ni fan nga bokum e nam, ni bod e n’uw nga daken e woldug ni be ilal. Bay ra toergad ngak Got ma gathi girdi’.

Mikah 5:8

Ma ku yad ra bod ba layon ni be gay e ggan ni nge kay u fithik’ e gerger ara gin bay e pan riy nma kay e gamanman. Bay i yan nga fithik’ e saf ngi i og ngorad nge popofrad, ma dariy be’ nra ayuwegrad rok.

Mikah 6:14

Bay um abichgad, machane damur fosgad. Bay um pired niki gimed ba yam’ ko bilig. Gimed ra fek boch ban’en, ma dabi magach u pa’med. Demturug e tin gimed ra cha’riy, ma gu ra kirebnag u fithik’ e mael.

Mikah 7:13

Machane binaw ni ga’ngin e bayi par ni bangi daken e ted nder tugul ban’en riy ni bochan e kireb ni be ngongliy e pi’in yad be par u daken.

Zekariah 10:6

“Bay gu pi’ gelngin e girdi’ nu Judah; ma bay gu ayweg e girdi’ nu Israel ni dabi buch ban’en rorad; ma bay i kireban’ug ngorad nggu fulwegrad nga taferad. Ni gowa dag fek owcheg rorad. I Gag SOMOL ni Got rorad; bay ug fulweg taban e meybil rorad.

Matthew 1:21

Ya bayi gargeleg bochi pagel ma ngam tunguy fithingan ni Jesus — ya bayi ayuweg girdi’en nge chuwegrad ko denen ni yad be ngongliy nge thapegrad ngak Got.”

Matthew 12:50

Ya en nra rin’ e tin nib m’agan’ e Chitamag nu tharmiy ngay e ir e walageg ni pumo’on, ma walageg ni ppin, ma chitinag.”

Matthew 25:40

Ma bayi fulweg fare pilung ni ga’ar, ‘Ngari gog ngomed, yu ngiyal’ ni um rin’ed e pin’ey ni fan ngak bagayad e pi cha’ney nth’abi sobut’ u fithik’ e picha’ ni pi walageg ney e kam rin’ed ngog!’

Roma 8:29

Pi’in ke mu’ i mel’egrad rok Got e ku errogon nike falrad ngabang ni ngar boded e cha’ ni Fak, ya nge par ni en ni Fak e ir e ba ilal u fithik’ e pi walag nem ni yad bpire’.