Mikah 5:2 - Bible Ni Thothup

² Be ga’ar SOMOL, “Bethlehem Efrathah, i gur reb fapi binaw nth’abi achig u lan yu Judah. Machane be’ u wur e bay gu fek nggu tay ni nge gagiyegnag yu Israel, ni be’ ni bay e tha’ ko tabnaw rok i yan nga tomur ko tin kakrom e rran.”

Mikah 5:2 Σταυροειδείς Αναφορές

Genesis 35:16

I Jakob nge chon e tabnaw rok ni rchuwgad u Bethel, nap’an ni kayad bay nga orel u Efrath, me taw nga nap’an ni nge gargel Rachel, ma be momaw’ rogon ni nge gargel.

Genesis 35:19

Nap’an ni yim’ Rachel min k’eyag nib chuchugur ko kanawo’ ni sor nga Efrath, ni aram yu Bethlehem e chiney.

Genesis 48:7

Kug rin’ e re bugithin ney ni bochan e gu sul u Mesopotamia, ni dawor gu taw nga Efrath, me yim’ e chitinam i Rachel, ni aram e ke yim’ u lan e nam nu Kanaan, ri ba ga’ ba kireban’ ni gu tay. Gu k’eyag u rom ni gadad be sor i yan nga Efrath.” (Efrath e aram yu Bethlehem.)

Genesis 49:10

Fare sog ko pilung e dabi chuw rok Judah, ma ku dabi chuw fa lay i ren ni fen e gagiyeg u thilin e rifrif u ay; nge mada’ ko ngiyal’ ni bay yib e en ir e fen, ma bay i fol e girdi’ rok.

1 Kronicles 2:54

I Salma ni ir e sunmeg yu Bethlehem, ma ir e chitamngin e girdi’ nu Netofath, ngu Atroth Beth Joab, ngu Zorite, ni yad ba ta’reb ko fa gal ke girdi’ nu Manahath.

1 Kronicles 5:2

Ma aram e fare ganong rok Judah e par ni ir e th’abi gel me ir e pi’ ba tagagiyeg ni fan ngak urngin fapi ganong.)

Psalms 132:6

Gu rung’aged murung’agen fare Kahol ko M’ag u lan yu Bethlehem, mu gu pir’eged u daken e ted u Jaar.

Psalms 90:2

U m’on ndawor mu sunumeg e yochi burey, u m’on ndawor mu sunumeg e fayleng, ni gur ba Got ni urun, ma gur e Got ni dariy n’umngin nap’an.

Exodus 18:21

Ma tin kabay ni ngam rin’, e ngam mel’eg boch e pumo’on u fithik’ e pi girdi’ ney, ni bay madgun Got u wun’rad, ma rayag ni nge pagan’uy ngorad, ma daburad e sasalap. Ma ga ta’rad ni yad e ga’ ko yu ulung i girdi’ ni yu biyu’, nge yu ra’ay, nge yu wugem, nge yu ragag.

Exodus 18:25

Me mel’eg Moses e pumo’on nrayag e re maruwel ney rorad, me dugliyrad ni yad ba ga’ ko yu biyu’ nge yu ra’ay, nge yu wugem, nge yu ragag.

Isaiah 11:1

Pi’in owchen David ni uranod nga luwan nguur pilunggad e yad bod ba ke gek’iy ni kan toy; machane rogon ba noef ni thay ko ley nike magey u fithik’ e but’, e aram rogon ba pilung ni bay yib u fithik’ e pi’in owchen David.

Isaiah 53:2

I SOMOL e turguy ni fare tapigpig rok e nge ilal ni bod ba ke woldug ni tugul ko but’ nib mlik’. Ir e gathi bod be’ nib tolang ara bfel’ ya’an ni ngad adaged ni ngad changargad ngak. Ra ni guy ma dabi unan’uy ngak dariy ban’en nib gamog rok nra fael owchedad ngak.

Isaiah 55:4

Gu gagiyegnag nge yog e thin me tay murung’agen e pi nam, mu daken e gu dag ngorad riy gelngig.

Isaiah 7:14

I SOMOL e bayi pi’ ba pow ngomed. Be’ ni bpin ni ka ba rugod nike diyen. Bayi gargel ni bochi pagel ma bayi tunguy fithingan ni Immanuel.

Jeremiah 30:21

Cha’ ni nge gagiyeg nagrad e be’ ko re nam rorad nem, ma fare mo’on ni fak e pilung rorad e kabagyad. Ra yib ngog ko ngiyal’ ni gu ra pining, ya bu uw rogon be’ ni nge yib ni dawor ni pining? Bay ra manged girdi’eg, ma bay gu mang Got rorad. I Gag SOMOL e kugog e pi thin ney.”

Hosea 6:3

Ngad guyed rogon ngad nanged SOMOL. Bay yib ngodad ni bod feni muduwgil nma puf e woch ara bod e n’uw nma aw u ngal’an e n’uw.”

Amos 9:11

Be ga’ar SOMOL, “Girdi’en e tabinaw rok David ni yad be par ni bod ba naun nike puth e bay gu fulwegrad nga rogorad e rofen nem. Bay gu fal’eg rogon e rungrung riy, mu gu fulweg nga rogon. Bay gu toy bayay nge yan i par ni bod kakrom.

Mikah 4:10

Gimed e girdi’ nu Jerusalem, um leapleapgad ma gimed be gel’gel’ ko amith ni bod be’ ni bpin ni nge gargel, ya chiney e thingar mu chuwgad u lan binaw ngam marod mu pired nga daken e ted. Thingar mmarod nga Babylon, machane u rom e bayi gagiyeg nagmed SOMOL riy ngam chuwgad u pa’ e to’ogor romed.

Zekariah 13:7

I SOMOL ni Gubin ma Rayag Rok e ga’ar, “Saydon, mu od ngam cham ngak fare tagafaliy e saf nma maruwel rog! Mu li’ ngem’, nge wagey fapi saf. Bay gu cham ngak pi girdi’eg,

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

Matthew 2:1

I Jesus e ni gargeleg u lan e binaw nu Bethlehem, ni bay u lan e nug nu Judea, ko ngiyal’ ni Herod e pilung. De n’uw nap’an ni kan gargeleg Jesus me yib boch e girdi’ u ngek nga Jerusalem, ni girdi’ ni manang murung’agen e t’uf, miyad fith ni be lungurad,

Matthew 2:6

‘I gur e binaw nu Bethlehem, ni ga bay u lan e nug nu Judah, gathi gur e th’abi sobut’ u fithik’ e pi binaw ni pilung u lan yu Judah; ya gur e bay yib be’ rom ni ir e nge gagiyegnag e girdi’, ni ir e nge pow’iy e girdi’ rog ni yu Israel.’ ”

Matthew 28:18

Me chuchugur Jesus ngorad me ga’ar ngorad, “Kan pag fan urngin ban’en ngog u tharmiy ngu but’.

Luke 23:2

ni aram e gin nra tababgad i togopluwnag e thin ngak ni be lungurad, “Kug pir’eged e re mo’on ney ni be yog e tin ni gathi ir ngak e girdi’ romad, be yog ngorad ni dab ra pi’ed e tax ngak e Emperor nu Roma ma be yog ni ir Kristus, ni ir ba pilung.”

Luke 23:38

Ma pi thin ni ba’aray e ir e kan yoloy ngabangi ban’en kan richibiy ko kuruth u puluwon lolugen ngalang ni ga’ar: “Ireray fa’anem ni pilung rok yu Israel.”

John 7:42

Ya be yog fare babyor nib thothup ni fare Messiah e be’ ni owchen e ganong rok David, ma yira gargeleg u lan yu Bethlehem, ni fare binaw ni i par David riy.”

Deuteronomy 1:15

Are kug fek e pi tayugang’ ni kam mel’eged ko pi genong romed. Pi cha’ ney e yad ba gonop ma ke yo’or ban’en ni karanod u fithik’ u lan e yafos rorad. Kug tayrad ngu’ur gafaliyed gimed. Boch i yad e ngu’ur gafaliyed yu biyu’ i girdi’, ma boch i yad e yu ra’ay, ma boch i yad e yu wugem, ma boch i yad e yu ragag. Mu kug mel’eg boch e mitethin u fithik’ e pi genong romed.

Kolose 1:17

I Kristus e immoy u m’on ko ngiyal’ ndawori sum urngin ban’en riy, me ir e be tay urngin ban’en nra reb ma be par u tagil’.

Hebrews 13:8

I Jesus Kristus e ka rogon ni fowap, nge daba’, nge chiney i yan ngam’on ndariy n’umngin nap’an.

Hebrews 7:14

Rib tamilangan’uy riy nni gargeleg ni ir reb i girdi’en fare ganong rok Judah; mi Moses e de weliy murung’agen e re ganong ney ko fa ngiyal’ ni weliy murung’agen e pi prist riy.

1 John 1:1

Gamad be yoloy ngomed murung’agen fare Thin ni murung’agen e yafos, ni ki immoy ko tabolngin: kug rung’aged, ma kug guyed nga owchemad; errogon, kug guyed, ma ke math pa’mad ngak.

Revelation 19:16

Ma daken e mad rok nge daken ay e kan yoloy fare ngachal ngay ni ga’ar, “Pilung ko pi pilung nge Somol ko pi somol.”

Revelation 2:8

“Mu yol ngak fare engel ko galesiya nu Smyrna ni nge lungum: “Ba’aray e thin nike pi’ fa’anem ni ir e en ni tabolngin ma ku ir e en ni tungun, ni ir e yim’ ngki fos ko yam’.

Revelation 21:6

Me yog ni ga’ar, “Ke m’ay! I gag fare Alfa nge fare Omega, ni aram e tabolngin nge tungun. En nike yib e belel ngak e gu ra pi’ e ran ndariy puluwon ngak nge unum, ni ran ni yib ko fare alublub ni ran riy e ma pi’ e yafos.

Judges 17:7

Ma ku ngiyal’nem ma immoy be’ nu Levi ni kab pagel ni i par ko fachi binaw nu Bethlehem u lan yu Judah.

Ruth 1:1

Pi rran nem ni pi’in tapuf oloboch e be gagiyegnag yu Israel e yib ba uyongol ko re nam nem. Mu Bethlehem, ni bay u lan e nam nu Judah, e yan be’ nib mo’on riy ko nam nu Moab ni nge par u rom ni bay n’umngin nap’an; me un le’engin nge l’agruw i pumo’on ni fak ngak ngranod.

Ruth 4:11

Pi’in yad ma yog e thin nge girdi’ ni yad bay u rom e ra ga’argad, “Errpgpm. gamad e kug manged mich riy. Mang e yigi ayuwegh SOMOL le’engim nge bod Roachel nge Leah, nra diyen nigew bo’or e bitir ku Jakob. Mang e yigi yo’or ban’en rom u lan fare ke girdi’ rok Efrath me gilbugwam u lan yu Bethlehem.

1 Samuel 10:19

I Gag e Got romed, I Gag e en gu chuwegmed u fithik’ gubin e gafgow nge tin nib mo’maw’ nma yib ngomed, ma chiney e kam pi’ed keru’med ngog ma kamogned ngog ni nggu pi’ be’ ngomed nge mang pilung romed. Ere kefel’, mmu’ulunggad nga p’eowcheg, nra reb e ganong ma nge par nga bang, ma ba kean e girdi’ me par nga bang.’”

1 Samuel 17:12

David e ba pagel ni fak Jesse, nib Efrath ni be’ ko fare binaw nu Bethlehem u Judah. Mi Jesse e meruk e pagel ni fak, ma ngiyal’ ni ba’aram ni pilung Saul e ke pilibthir Jesse.

1 Samuel 17:18

Ma ga fek e ragag yang i chis ni ba’aray i yan ngak e en ni pilungen e salthaw. Ma ga nang salpen pi walagem, ma ga fek ban’en i yib ni nge dag ni kam guyrad ma kabfel’ rogorad.

1 Samuel 23:23

Mu gayed ngam pir’eged e yungi n’en nriyul’ ni i mith riy, ma dabisiy ni ngam fulweged e thin riy ngog ni papey. Ma aram e bay gu un ngomed, ma fa’anra kabay ko gi nug nem, ma bay gu tuluf nggu kol, ndemturug rogon machane gu ra gey u lane e re nam nem nu Judah ni ga’ngin.”

1 Samuel 8:12

Bayi tay boch i yad ni nge mil fan 1,000 e salthaw ngak, ma boch i yad e nge me mil fan wugem e salthaw ngak. Ma pifakmed ni pumo’on e yad e ngu’ur gi’ed e milay’ rok, ma yad be kunuy wom’ngin, ma yad be ngongliy talin e cham rok nge talin e maruwel ni fan ko pi chariot rok.