Mikah 5:14 - Bible Ni Thothup

¹⁴ Bay gu t’ar fa yu ley i gek’iy ni kam reg nga fithik’ e but’ u lan e nam rom ni fan ko fare got ni bpin ni Asherah, mu gu kirebnag e pi binaw rom.

Mikah 5:14 Σταυροειδείς Αναφορές

2 Kings 17:10

U daken urngin yang e ted ngu tanggin urngin kaen e gek’iy nib taglul’ ni kar n’ufed e yu raba’ i malang riy ngalang nge bogi liyos ni ya’an fare got ni bpin ni Asherah,

Psalms 149:7

ngar li’ed e pi nam miyad gechignag e girdi’;

Psalms 149:9

ngan gechignag e pi nam ni bod nike yog Got. Irera’, e gel ni fen pi girdi’en Got. Ke sorok SOMOL!

Exodus 34:13

Ya thingar mu buthug e pi altar rorad, ma ga kirebnag e pi malang ni kar suwegged ngalang nib machmach ma ga th’ab nga but’ e pi pow rok Asherah ni fare got ni bpin.

Isaiah 17:8

Bay dab ku ra paged e taga’ ko pi altar ni rfel’egned nga pa’rad, ara lagan’rad ko pin’en ni yad ma chamey nga pa’rad ni bogi ya’an Asherah ni fare got ni bpin nge altar ni yima urfiy e incense riy.

Isaiah 27:9

Kemus ni ta’reb e kanawo’ nrayag ni ngan n’agfan e kireb nge denen rok yu Israel riy: Thingar ra buthuged e pi altar ni malang rok yug boch e kan ngar bilbilged nge yochyang ni bod e chalk, nge dabki par reb e altar ko incense ara reb e pow rok Asherah ni fare got ni bpin.

Jeremiah 12:17

Machane fa’anra reb e nam ni dabi fol, ma aram e ri bay gu pug lik’ngin nggu kirebnag. I Gag SOMOL e gu be non.”

Lamentations 2:2

I Somol e gathay gubin e yochi binaw u Judah ni de runguyrad Me buthug nga but’ e yungin kan yororiy nib gel ni fan ko mael u lan fare binaw. Me m’aynag fan nge thiyernag e binem e lung nge pi tagagiyeg riy.

Nahum 1:14

Irera’ e n’en ni duwgiliy SOMOL u murung’agen yu Assyria: “Dabi yib owcharad ni nge ululiy ngachalrad iyan. Bay gu kirebnag e pi liyos ni bay u lan e Tempel ko pi got rorad. Gu be fal’eg rogon ba low ko yam’ ni fan ngak yu Assyria — dariy rogon ni ngkur pired ni yad bfos!