Mikah 4:1 - Bible Ni Thothup

¹ Tin bay fini yib e rran e fare burey ni bay e Tempel riy e bayi par ni ir e th’abi tolang u fithik’ e pi burey, ni bay nga daken gubin e pi burey. Bo’or e pi nam ni bay ra thelep gad i yan ngay

Mikah 4:1 Σταυροειδείς Αναφορές

Genesis 49:1

Me pi’ Jakob e thin nge yan ngak fapi pumo’on ni fak ni be ga’ar, “Mmu’ulunggad, nggog ngomed e n’en ni bayi yib ngomed ko tin kabay e rran nga m’on:

Genesis 49:10

Fare sog ko pilung e dabi chuw rok Judah, ma ku dabi chuw fa lay i ren ni fen e gagiyeg u thilin e rifrif u ay; nge mada’ ko ngiyal’ ni bay yib e en ir e fen, ma bay i fol e girdi’ rok.

Psalms 110:3

Rofen ni ga ra cham ngak e pi to’ogor rom e ra ognag e tirom e girdi’ ngom ni ngar uned ngom. Rogon e wa’angachal ni bay nri kakadbul, e aram rogon e pi’in pagel ni girdi’ rom ni bay rabad ngom nga daken fapi burey nib thothup.

Psalms 22:27

Gubin e nam ni bay ra leam niged SOMOL. Gubin yang u roy u fayleng ni bay ra sulod ngak; gubin e girdi’ nu fayleng ni bay ra liyorgad ngak.

Psalms 48:1

I SOMOL e ba ga’ ma ngan pining e bin th’abi tolang e sorok ngak u lan fare binaw rok e Got rodad, ngu daken e burey rok nib thothup.

Psalms 86:9

Gubin e nam ni kam sunmeg e bay rabad ngar siro’gad ngom, miyad pining e sorok nga fanam gil.

Isaiah 27:13

Ra taw ko rofen nem, ma bay ni thoy e rapa ni nge pining nge sul gubin e girdi’ nu Israel ni yad ba kalbus u lan yu Assyria ngu Egypt. Ma aram e bay rabad ngar liyorgad ngak SOMOL u lan yu Jerusalem, ko fare burey rok nib thothup.

Isaiah 43:6

Bay gog ko lel’och ni nge pagrad, mu gog ngak e yimuch ni nge dabi telrad. Ya pi nam nib orel e nge sul e girdi’ rog riy, ni gubin yang u fayleng ni ngar sulod riy.

Isaiah 49:6

I SOMOL e ga’ar ngog, “Bay reb e maruwel ni ba ga’ ni ngam ngongliy i gur e tapigpig rog. Gathi kemus ni bay mfulweg e tin ke magey e girdi’ nu Israel nga rogorad, ya bay kug gagiyeg nigem ngam mang ba magal ngak e pi nam, ya ngan nang u fayleng ni ga’ngin kanawo’en mi ni thap ngog.”

Isaiah 54:2

Mu ga’nag e tent ni ga be par u langgin! Mu n’uwnag gafan ma ga gelnag richiben u but’!

Isaiah 56:7

“Bay gu fekmed i yan nga Zion, ko fare burey rog nib thothup, mu gu pi’ e felfelan’ ngomed u lan e naun rog ni yima meybil riy, me fel’ u wun’ug e maligach ni gimed be pi’ u daken e altar rog. Tempel rog e bay ni pining fithingan ni naun ko meybil ni fen e girdi’ u gubin e nam.”

Jeremiah 16:19

SOMOL gur e cha’ ni gama yoror rog ma gama pi’ gelngig; gama aywegneg u fithik’ e gafgow. Pi nam e bay rabad ngom u gubin yang u fayleng ngar ga’ar gad, “Pi chitamangimad e dariy ban’en rorad machane got ni go’ bogi ban’en e bay, ni bogi liyos nib m’ay fan.

Jeremiah 26:18

“Nap’an ni Hezekiah e pilung nu Judah, me yog Mikah ni profet ni be’ u Moresheth ngak urngin e girdi’ ni SOMOL ni Gubin ma Rayag Rok e ke ga’ar, ‘Yu Zion e bay ni gi’ e but’ riy ni bod bangi milay’; ma yu Jerusalem e bayi bod ba ulung i malang, ma fare burey ni bay e Tempel riy e bayi par nike mang bangi gerger.’

Jeremiah 3:17

Nap’an nra taw ko ngiyal’nem, ma bay nog ni yu Jerusalem e ‘Gil’ilungun SOMOL,’ ma urngin e nam e bayi mokun ngaram ni ngar liyorgad ngog. Ni bay dab ku ra ngongliyed e n’en ni be yog lanin’rad ni gelan’ nge gumircha’rad ni kireb ngorad.

Jeremiah 31:12

Bay rabad ngar tang niged e felfelan’ u daken e burey ni Zion, miyad felfelan’ ko pi tow’ath rog ngorad, ni grain nge wayin nge gapgep ni olive, nge saf nge garbaw. Bay ra pired ni yad bod bangi milay’ ni bfel’ rogon ni yibe tarannag, ma aram e bayi yag ngorad gubin e tin ba t’uf rorad.

Jeremiah 48:47

Machane pi rran ni bay yib e bayi gagiyegnag SOMOL yu Moab nge sul e flaab rok nga tagil’ bayay. Gubin e pin’ey ni yog SOMOL e aram rogon nra taw ngay u puluwon yu Moab.

Ezekiel 38:16

Bay mu cham ko girdi’ rog nu Israel ni bod bang i nifeng nib gel ni be th’ab daken fare nam. Nap’an nra taw ko ngiyal’ i n’em, ma bay gu l’oegem ngam giliwnag e binaw rog ni fan e nge gagyel ko pi nam ko gag Mini’, me dag fanag thothup ko n’en ni kug rin’ u dakanam.

Ezekiel 40:2

U lan e changar rog ni pilyeg e fekeg Got ko binaw nu Israel nge teg nga daken bburey nib tolang. Puluwon owcheg e gguy ban’en ni bod bbinaw nib ga’ nib sug ko naun.

Ezekiel 43:12

Irera’ yalen fare Tempel: Gubin yang nib liyeg charen u daken p’ebgul fare burey e ba tabgul mab thothup.”

Daniel 10:14

Ku gub ni nggu tamilangnag lanin’um ko tin bayi rin’ e girdi’ ko nam rom. Fa pin’en ni kam guy e bogi n’en ni bay fini yib.”

Daniel 2:28

Machane bay ba Got u tharmiy, nma dag e pin’en nda nnang. Nebukadnezzar ni Pilung, i Got e keyog ngom e n’en ni bay yib i m’ug. Ba’aray fare lik’ay, ni tin ni mu guy ni nap’an ni ga be mol.

Daniel 2:35

Ka chingiyal’nem me muchubu’ fapi wasey, nge fapi but’, nge fapi wasey ni bronze, nge fapi silber, nge fapi gol nge yan i par ni bod e fiyath u daken bangi n’en ni yima gunugunuy wom’ngin e grain riy ko ngal’an e gowel. Me yib i aw e nifeng ngay nge changegnag ni gubin, nde pag buchu’uw i chabungen. Machane me ga’ fare malang nge yan i par nike ngal’ nib burey nike upunguy e fayleng ni ga’ngin.

Daniel 2:44

Ngiyal’ ni bayi gagiyeg e pi pilung nem, e aram e bayi sunumeg Got nu tharmiy reb e gagiyeg ndariy e rofen nra mus. Ma binem e gagiyeg e dariy be’ nra gel ngay bi’id, machane bayi thirif u but’ urngin e pi pilung nem nge gagiyeg ni yad be tay me mang fa birok e gagiyeg e i par ndariy n’umngin nap’an.

Daniel 7:14

Min pi’ mat’wun ko gagiyeg ni nge tay ma ngan tay fan, ma nge par ni ir e pilung, ya girdi’ u urngin e pi nam, nge pi racha’, nge pi thin e ngu’ur folgad rok. Ma mat’wun ko gagiyeg ni nge tay e bayi par ndariy n’umngin nap’an, ma gagiyeg rok e dabimus.

Daniel 7:18

Ma girdi’ ko fare Got ni Ir e Th’abi Tolang e bay yib gelngin ngorad nge par rorad ni dariy n’umngin nap’an.”

Daniel 7:22

Me yib fa’anem ni kab kakrom ni immoy nge yib i pufthin nagrad me fol ngak e girdi’ rok Got ni Ir e Th’abi Tolang. Ya aram e ke taw nga nap’an ni girdi’ rok Got e ngan pi’ gelngirad ngar pired ni yad e ngar manged pilung.

Daniel 7:27

Gelngin nge buguwan nge gagiyeg rok e pi pilung nu fayleng e bay ni pi’ ngak e girdi’ rok fare Got ni Ir e Th’abi Tolang. Gelngirad ni kar manged pilung e dabimus, ma urngin e pi pilung nu fayleng e bay ur pigpiggad ngorad ma yad be fol ko thin rorad.”

Hosea 3:5

Ma bayi tomur me cheal piyu Israel bayay ngar sulod ngak SOMOL ni Got rorad, nge ngak be’ ni owchen David ni ir e pilung rorad. Ma aram e bay yib madgun SOMOL u wun’rad me yag ngorad e pi tow’ath rok ni bfel.

Mikah 3:12

Ere yu Zion e bay ni gi’ e but’ riy ni bod bangi ted ni yibe gi’ ni nga ni yung e woldug ngay ni bochan e kireb romed, ma yu Jerusalem e bayi par ni go’ ke puth e naun riy, ma gin nib tolang ni bay e Tempel riy e bayi par ni ba chuwo’ i gargaer.

Zekariah 14:10

Fagi binaw ni ga’ngin ni mus u Geba ko lel’och, nge mada’ nga Rimmon ko yimuch e bay ni pacheg nge ta’reb foyen. Yu Jerusalem e bayi tolang ngak urngin e pi binaw nib liyeg. Fare binaw nu Jerusalem e tabab ko fare Garog ni Benjamin nge mada’ ko fare Garog ni Tabthung, ko fa gin ni immoy ba garog riy kakrom, miki yan ko fare Wulyang rok Hananel, nge mada’ ko fare n’en ni yima udiy e wayin rok e en pilung riy.

Zekariah 2:11

Re ngiyal’ i n’em e ba yo’or e nam nra yib ngak SOMOL ngar manged girdi’en. Bayi par u fithik’med, mi gimed nang ni ir e ke l’oegeg kugub ngomed.

Zekariah 8:3

Bay gu sul nga Jerusalem, ni fare binaw rog nib thothup, nggu par u rom. Re binaw nem e go’ bay nnang ni aram fare binaw nib yul’yul’, nge fare burey rok SOMOL ni Gubin ma Rayag Rok ni bay u nog ni fare burey nib thothup.

Malaki 1:11

Girdi’ u gubin yang u fayleng e yad be liyor ngog. Gubin yang ni yad be urfiy e incense riy ngar pi’ed ngog ma yad be pi’ e tin ni bfel’ e maligach. Yad gubin ni yad be liyor ngog!

Acts 2:17

Ke ga’ar Got, Ba’aray e n’en ni bay gu rin’ ko tin tomur e rran: Bay gu pu’og fare Kan Nthothup rog nga daken urngin e girdi’; ma pifakmed ni pumo’on nge ppin e bay ur yi’iygad, ma pi pagel ni pifakmed e bay ni piliyeg owcherad ngar guyed bogi ban’en ni bayi dag Got ngorad, ma pi’in pumo’on ni kar pilibthirgad e bay ra lik’ayniged bogi ban’en ni Got e gagiyegnag.

Hebrews 1:2

machane tiney e rran ni ir e tomuren e rran e ke non ngodad u l’ugun e en ni Fak. Ir fa’anem ni pa’ e maruwel Got ngay nge sunumeg e fayleng nge urngin ban’en ni bay riy, me ir fa’anem ni Got e ke duwgiliy ni nge mil suwon urngin ban’en ngak ko tomur.

2 Peter 3:3

Bin som’on e thingar mu nanged ni tin tomur e rran e bay yib i m’ug boch e girdi’ riy ni tin ni yad be yim’ ni bochan e ir e be gagiyegnag pangirad. Bay ur mon’oggad ngomed

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”

Revelation 15:4

Somol, i mini’ e dabi yib madgum ngak? Mini’ e en nra siyeg ni nge dabi weliy murung’agem nib sorom? Ya kemus ni go’ gur e gab thothup. Ya urngin e nam ni bay rabad ngar ted fam miyad siro’ ngom u p’eowchem, ya ngongol rom nib mat’aw e urngin e girdi’ ni kar guyed.”

Revelation 20:4

Ma aram mu gguy tagil’iy nge pi’in ni kar pired nga daken ni ka ni pi’ mat’awrad ni ngar pufthingad. Ma ku gguy e pi’in nli’rad ngarm’ad ni bochan e ur weliyed fapi thin nib riyul’ ni yib i yog Jesus ngan nang nge fare thin rok Got. Ma dar ted fan ma dar meybilgad ngak fare gamanman ara nga ya’an nni ngongliy ni liyos, fa reb e ntay e pow ko fare gamanman nga daken peri’rad ara rifrif u pa’rad. Ra fosgad mu ur pired rok Kristus ni kar manged pilung ma yad be gagiyeg ni reb e biyu’ e duw.