Mikah 2:8 - Bible Ni Thothup

⁸ Me fulweg SOMOL ni ga’ar, “Gimed be cham ko girdi’ rog ni bod e pi to’ogor. Ra sul e pumo’on ko mael, ni yad be leamnag ni aram e dabki buch ban’en rorad u tabnaw, ma gimed bay ni gimed be son ni ngam iringed e thal ni wuru’ e mad u dakenrad.

Mikah 2:8 Σταυροειδείς Αναφορές

2 Samuel 20:19

Re binaw romad ney e rib manigil, reb e tin nth’abi gapas mab yul’yul’ u lan yu Israel. Ere mangfan ni ga beguy rogon ni ngam gathay? Mog, gab adag ni ngam kirebnag ban’en nib milfan ngak SOMOL?”

Psalms 55:20

En immoy nri gamow e ke cham ngak pi fager rok; ke thilyeg e tin ni micheg.

Isaiah 9:21

Girdi’ nu Manasseh nge girdi’ nu Efraim e yow be togopluw ngorow, mi yow cheal ngar togopluw gow nga Judah. Ni aramrogon e chiney ni damumuw rok SOMOL e daworimus; ni pa’ e ka ba k’iy ni nge gechig.

Jeremiah 12:8

Girdi’ ni gu mel’eg e karchel gad ka ra togopluwgad ngog; yad bod e layon u lan e loway, yad be tolul ngog, ere ku gu fananikayrad.

Mikah 3:2

machane dabumed e tin ni bfel’, ya ba t’uf romed e tin nib kireb. Gimed be fathiy e biyach u downgin e girdi’ ni ka yad ba fos ma gimed be fathiy e ufin ko yil rorad.

Mikah 3:3

Gimed be longuy e tirog e girdi’. Gimed be fathiy e biyach u dowrad, ma gimed be t’et’ar e yil u dowrad, gimed be th’eth’abrad ni bod e ufin ni ngan tay nga th’ib.

Mikah 7:2

Dariy ta’abe’ nike magey u daken e re nam ney nder sasaliyeb, ma dariy be’ riy nib yul’yul’ ngak Got. Ya yad gubin ni karm’ad. Urngin e girdi’ nra be’ ma yugu be son ni gomanga yigi bung rogon nge thang e pogofan. Gubin e girdi’ nra be’ ma be guy rogon nge aw be’ ko wup rok, ni be’ ko nam rok.

Mikah 7:3

Ri yad ba salap i ngongliy e kireb. Pi tolang nge pi tapuf oloboch e yad be ning pulworad ni ngu’ur sasalap gad. Pi’in ni ba ga’ lungun e yad ma yog ngorad e tin yad ba’adag, miyad luguy nag u ta’bang.