Mikah 2:1 - Bible Ni Thothup

¹ Ke riya’ e pi’in dar mol owcharad i luguy nag e kireb! Ma ra yan i kadbul, nap’an ni yugu ra bung rogorad ni ngar rin’ed fapi kireb ni ur luguy niged, miyad rin’.

Mikah 2:1 Σταυροειδείς Αναφορές

Genesis 31:29

Bay gelngig nrayag ni nggu li’em, machane fowngan e Got rok e chitamam e yog ngog ni dab gu rin’ ban’en nra k’aring e marus ngom.

1 Kings 21:7

Me ga’ar Jezebel, “Mog, gur e pilung fa gathi gur? Mu chuw u chob ngam fal’eg lanin’um ma ga abich. Bay gu fek e gi woldug nem rok Naboth nggu pi’ ngom!”

Ester 3:8

Aram me yog Haman ngak fare pilung ni ga’ar, “Bay bmit i girdi’ ni yad ba wear u daken gil’ilungum ni ga’ngin ni yira piri’egrad u lan urngin yang e pi nug ni ga ma gagiyegnag. Pi yalen rorad e yug ba thil nga yalen gubin e girdi’. Ma ku reb e darir ma folgad ko pi motochiyel u lan gil’ilungum, ere de fel’ ni ngam fek owchem rorad.

Ester 5:14

Ma aram e ba’aray e n’en ni yog le’engin nge pi tafager rok ngak, “Mangfan ndab mog ngan chamey ba fen e mo’ochol, ni medlip i ragag nge lal e fit tolngin? Me gabul ni kadbul ma gog ngak fare pilung ngan uchuluy Mordekai riy, ngemu’ ma ga yan ko mur ni ga ba felfelan’.” Me leamnag Haman ni bfel’ e re thin nem, ma aram me yog ngan chamey fare fen e mo’ochol.

Ester 9:25

Machane yan Ester ngak e en pilung, me yoloy fare pilung e tin ngan rin’ ni Haman e nge aw fare gafow ngak ni tanomnag ni nge aw ko pi Jew, ir nge pifak ni pumo’on e ni uchliyrad ko fare tafen e mo’ochol

BABYOR NI JOB 15:35

Irera’ e girdi’ nma leamnag e kireb ma yad ma rin’ e kireb. ma ba sug gum’ircha’rad ko sasaliyab ni gubin ngiyal’.

BABYOR NI JOB 24:14

Ra puf e woch me od e en ma thang e pogofan nge yan ni nge thang e fan rok e gafgow, me nep’ me moro’ro’.

Psalms 36:4

Ma t’ar liyben e tin kireb nnap’an nra thig nga chob; dariy ban’en ni bfel’ nma rin’, ma dariy reb e kireb ni dar l’eg pa’ ngay.

Psalms 36:5

SOMOL, t’ufeg rom ni dabimus e ke t’aw ko pi tharmiy; ma fenam yul’yul’ e ke mada’ nga lanelang.

Psalms 58:3

Pi’in kireb e leam rorad e go’ tin kireb e yad ma rin’ nap’an e yafos rorad. yug nap’an nni gargalegrad miyad tabab ko sasalap l’ugun.

Proverbs 12:2

I SOMOL e bfel’ u wan’ e girdi’ nib manigil, machane ma gechignag e pi’in yad ma t’arliben e kireb.

Proverbs 14:22

Ra pagan’uy ngom me tay e girdi’ fam ni fa’anra um maruwliy e tin ni bfel’; ma fa’an ga ra muruwliy e tin nib kireb, ma ga be oloboch.

Proverbs 3:27

Demturug e ngiyal’ nrayag rom, ma ga pi’ e ayuw ko pi’in ke t’uf e ayuw rorad.

Proverbs 4:16

Girdi’ nib kireb e dabi mol owcharad ni fa’anra dawor ra ngongliyed ban’en nib kireb. Dabiyag ni ngar molod ni fa’anra dawor ra gafgow niged be’.

Isaiah 29:20

Aram e tomur rok pi’in ur gafgow niged boch e girdi’ ma yad be dariy fannag Got. Urngin e pi tadenen ni bay ni thang owcharad.

Isaiah 3:14

I SOMOL e ke fek e pi’in pi’lal nge pi’in tayugang’ ko girdi’ rok ko pufthin. Me yog e tin ka ra bucheged ni ga’ar: “Kam giliw naged e pi milay’ ko grape, ma pi naun romed e ba sug ko pin’en ni ka mu feked ko pi’in gafgow.

Isaiah 32:7

Ir be’ nib kireb mma rin’ e kireb; ma lifith l’ugun ni aram e be ngongliy e makath ni nge gafgownag e pi’in gafgow nge dabiyag ngorad mat’wunrad.

Isaiah 5:8

Gafgow gimed! Gimed be chuwi’iy e naun nib yo’or nge yungi flang ni ngam puthuyed ko tin kabay romed. Dabki n’uw nap’an ma dakriy e gin nge par be’ ngay, nge par ni go’ gimed e ngam pired u lan fare nam.

Isaiah 59:3

Bbuch e rom ko mululfith l’ugun, nge mod yargael, nge mathang pogofan.

Jeremiah 18:18

Ma aram me ga’ar e girdi’, “Marod ngad rin’ed ban’en ngak Jeremiah! Ya gubin ngiyal’ ni bay e pi prist ni yad ra fonow niged gadad, nge girdi’ nib gonop ni yad ra pow’iydad, nge pi profet ni yad ra weliy e thin rok Got ngodad. Ngad olobochgad ngak ma dab ku da motoyilgad ko tin be yog.”

Ezekiel 11:2

Me ga’ar Got ngog, “Fak e girdi’, pi pumo’on ney e yad ma makath nag e kireb ma yad ma pi’ e fanow nib kireb u lan e re binaw ney.

Ezekiel 33:26

Gimed be toer ko pi saydon romed. Ngongol romed e kar gu dabuy. Ra be’ ma yow be par be’ ni gathi mabgol rok. Uw rogon ni gimed be leamnag ni re nam ney e ke mil suwon ngomed?

Ezekiel 38:10

Irera’ e n’en ni be yog SOMOL ni Th’abi Tolang ngak Gog: “Nap’an nrataw ko ngiyal’ i n’em ma bay mu tabab i tanomnag e kireb.

Ezekiel 46:18

Fare pagel ni fak e pilung e ri dabi fek bang e binaw u pa’ be’. Re gi binaw ni nge pi’ ngak reb e pagel ni fak e dabisiy ni bang i binaw nni duwgiliy ni ir e nge par rok, ya nge dabi gafgownag reb e tirog e girdi’ ni nge fek e binaw rorad.”

Mikah 6:12

Pi’in yo’or ban’en rorad u lan binaw e yad be bannag e pi’in gafgow u puluwon e chugum. Ya gimed urngin ni gimed ma lifith l’ugunmed.

Nahum 1:11

Nineveh, uwur e yib be’ riy nib sug ko sasalap, ni i makath nib togopluw ngak SOMOL.

Zekariah 7:10

Dab mu gafgow niged e pi’in ke yim’ figirngirad, nge pi’in kanim’ rorad, fa girdi’ nu bang ni yad be par u fithik’med, ara be’ nike t’uf e ayuw rok. Ma dab umu t’ared liben ni ngam gafgow niged bigmed.’

Mark 15:1

Ma nap’an ni yigi kadbul me mu’ulung nib gur e pi tolang ko prist nge pi’in pi’ilal, nge pi tamchib ko Motochiyel nge urngin girdi’en e mu’ulung ngar puruy’gad. Miyad yin’ e chen ngak Jesus ngar feked i yan ngar pi’ed ngak Pilate.

Luke 20:19

Fapi tamchib ko Motochiyel nge pi tolang ko prist e ra guyed rogon ni ngar koled Jesus ngar feked ni ka chingiyal’ nem, ya kar nanged nike weliy e re fanathin nem ni yad e ba togopluw ngorad; machane yad be tamdag ngak e girdi’.

John 19:11

Me fulweg Jesus ngak ni ga’ar, “Bay mat’wum ni ngam gagiyegnag e n’en ni ngan rin’ ngog ni bochan e Got e ke pi’ ngom. Ere cha’ ni ir e ke pi’eg nga pa’am e ri ka ba ga’ ba denen nike ngongliy.”

Acts 23:12

Me reb e rran riy ni kakadbul me mu’ulung piyu Israel ngar turguyed e n’en ni ngar rin’ed. Miyad ognag u mit Got ndab ra ked ban’en ara ra garbodgad nge mada’ ko ngiyal’ ni kar thanged e fan rok Paul.

Acts 23:15

Ere gimed nge girdi’en e mu’ulung e nga mol’iged e thin nge yan ngak fare pilungen e salthaw nu Roma nge fek Paul i yib ngomed nga pe’ning, ni susun e gimed be guy rogon ni ngar mu nanged e tin riyul’ ni murung’agen. Machane bay gu fal’eged rogomad ni nggu thanged e pogofan rok ndawori taw ngaray.”

Roma 1:30

ma yad be thibthibnag e girdi’; ma yad e to’ogor rok Got, ma ba kireb e thin rorad, ma yad ba tolngan’, ma yad ba ufanthin; ma yad ma leamnag bo’or e kanawo’ ni ngar ngongliyed e kireb riy; ma darir folgad rok e gallibthir rorad;

Deuteronomy 28:32

Ra ki gimed be sap min pi’ pifakmed ni pumo’on nge ppin ngak e girdi’ nu boch e nam ngar manged sib. Urngin e rran ma bayi magaf owchamed ko changar, ni gimed be sapnag pifakmed ni ngar sulod ni m’ayliyab.