Mikah 1:3 - Bible Ni Thothup

³ I SOMOL e ke chuw u tagil’ nib thothup; bay yib nga but’, ngi i yan u p’ebugul e pi burey.

Mikah 1:3 Σταυροειδείς Αναφορές

BABYOR NI JOB 40:12

Mu sap ngorad ngam fulwegrad nga but’; mu pirdi’iy e pi’in nib kireb ko gin ni yad ba sak’iy riy.

Psalms 115:3

Got romad e bay u tharmiy, ni be rin’ e tin ni be finey.

Isaiah 25:10

I SOMOL e bayi yororiy e Burey ni Zion, machane girdi’ nu Moab e bay notrad nga but’ ni bod rogon e pan ni kanot nga fithik’ i t’ay e gamanman.

Isaiah 26:21

I SOMOL e be yib u tharmiy ko gin ma par riy ni nge gechignag e girdi’ nu fayleng ko pi denen rorad. Pi mthang pogofan ni un rin’ nib mith u roy u fayleng e ra m’ug, ma but’ e dabki mithag e pi’in nthang e pogofan rorad.

Ezekiel 3:12

Me gagiyeg nigeg fare kan thothup rok Got nggu muf u but’ ngalang, mu gu rung’ag ba lam nga keru’ug ni ba ga’ laman ni ga’ar, “Ke sorok SOMOL ni bay u tharmiy nga feni malup’lup’.”

Amos 4:13

I Got e ir e cha’ ni ngongliy e pi burey me ir e sunumeg e nifeng. Me ir e gagiyegnag nge nang e girdi’ e leam rok; me ir e be gagiyegnag ngi i rran ma be nep’. I ir e ma yan u pe’bugul e fayleng. Ba’aray fithingan: ni SOMOL ni Got ni Gubin ma Rayag Rok!

Amos 9:5

I SOMOL ni Th’abi Tolang ma Gubin ma Rayag Rok e math ko fayleng, me durru’; ma urngin e girdi’ ni yad ma par u rom e yad ra yor. Ma fayleng ni polo’ e ra i puw ngalang me mul nga but’ ni bod e lul’ ni Nile.

Habakkuk 3:19

I SOMOL ni Th’abi Tolang e ma pi’ gelngig. Ir e ma machregnag tungun eg ni bod ba gamanman ni deer, me teg ni dabi buch ban’en rog u daken e pi burey.

Zekariah 14:4

Rofen nem e ra sak’iy nga daken fare Burey ni Olive, ni bay ko ngek u Jerusalem. Ma aram e fare Burey ni Olive e bayi sey ko ngek i yan ko ngal nge ruw raba’, me aw ba loway nib ga’ u thilin. Barba’ fare burey e ra kan, ko lel’och, ma barba’ riy e ra kan ko yimuch.

Deuteronomy 32:13

“I pagrad ngu’ur gagiyeg niged e yungin th’abi tolang, mu ur ked e pin’en ni be tugul u daken e pi flang, ur pir’eged e honey ni bay u thilthilin e war; ma yu ke olive rorad e i tugul ni bfel’ rogon ko but’ ni pire’ e malang riy.

Deuteronomy 33:29

Israel, rib fel’ wa’atham! Dariy be’ ni bod gur, ni ba nam ni SOMOL e ke ayuweg. I SOMOL e ir e shield rom me ir e saydon rom, ni nge ayuwegnem rok e to’ogor rom me gagiyeg nigem ngam gel ngorad. Pi to’ogor rom e bay ra bad ni yad be wenig ngom ni ngam runguyrad, ma bay mu yot’yot’rad nga but’.