Mikah 1:12 - Bible Ni Thothup

¹² Girdi’ nu Maroth e dakurir ayalgad nga but’ i sonnag e yal’uw, ya SOMOL e ke fek e gafgow nrib gel i yib nga charen yu Jerusalem.

Mikah 1:12 Σταυροειδείς Αναφορές

BABYOR NI JOB 30:26

Ug nameg e felfelan’ nge tamilang, ma gafgow nge lumor e yib.

Isaiah 45:7

I gag e gu sunumiy e tamilang nge lumor; gu ma fek e fel’ rogon nge gafgow i yib. I Gag SOMOL e gu be rin’ urngin e pin’ey.

Jeremiah 14:19

SOMOL, mog, kari mu n’ag e girdi’ nu Judah? Kam dabuy daken e girdi’ nu Zion? Mangfan ni ka mu maad’ad ngomad nib almarin ndabkiyag ni ggolgad? Gamad be gay e gapas, machane dariy ban’en ni bfel’ nike yib i m’ug; gu fineyed ni bay ggolgad, machane gafgow nib gel e marus riy e ke yib.

Jeremiah 8:15

U da namaged e gapas nge ngiyal’ ni ngad golgad, machane de yag; marus e yib.

Amos 3:6

Gur rayag ni yan lingan e yabul ko mael u lan binaw ni dabi rus e girdi’? Gur rayag ni nge aw e riya’ ngab binaw ni gathi SOMOL e pag nge yib?

Mikah 1:9

Ya maad’ad nike tay yu Samaria e dabkiyag ni nge fos. Yu Judah e aram e nge yib e mit i maad’ad nem ngorad; ma mogothgoth e ke taw ko pi garog nu Jerusalem, ni aram e gin be par e girdi’ rog riy.”

Ruth 1:20

Me fulweg ni ga’ar, “Dab mu pininged ngachaleg ni Naomi, mu pininged Marah ngog,” ni bochan e Got ni Gubin ma Rayag Rok e ke tay e yafos rog nike mo’oy.

1 Samuel 4:13

Ma bay Eli nike par nga chiya rok u to’oben e kanawo’ nike lik’ath. Ya kari magafan’ ko fare Kahol ko M’ag rok SOMOL. Me weliy e re mo’on nem fapi thin u lan binaw, ma urngin e girdi’ nra paged lamrad ngalang u fithik’ e marus.