Matthew 9:38 - Bible Ni Thothup

³⁸ Mu meybilgad ngak e en ni ir e suwon e re woldug nem ngki pi’ boch girdi’en e maruwel ngar muruwliyed e re woldug rok nem nge thap nga naun.”

Matthew 9:38 Σταυροειδείς Αναφορές

Psalms 68:11

I Somol e yog e n’en ni ngan rin’, ma bo’or e ppin nra welyed i yan:

Psalms 68:18

Me yan ngalang ko gin nth’abi tolang, nike fek e pi’in ni kolrad me pi’ e pi tatogopluw e tow’ath ngak, I SOMOL ni Got e ra par u rom.

Jeremiah 3:15

Bay gu pi’ boch e tayugang’ ngomed nma fol rog, ni bay ra gagiyeg niged gimed ko gonop nge tamilngan’.

Mikah 5:7

Girdi’ nu Israel nra magachgad ni dar m’ad e bay ra boded e wa’angachal niki kakling bayay ni SOMOL e ke l’oeg ni fan nga bokum e nam, ni bod e n’uw nga daken e woldug ni be ilal. Bay ra toergad ngak Got ma gathi girdi’.

Matthew 9:37

Ma aram me ga’ar ngak pi gachalpen, “Woldug ni ngan kunuy ngan tay nga naun e ba ga’ ni ba ga’ yang, machane pi’in ngar muruwliyed nge thap nga naun e ba lich.

John 20:21

Me ga’ar Jesus ngorad bayay, “Nge yib e gapas ngomed. Rogon nike l’oegeg e en ni Chitamangiy e aram rogon ni nggu l’oegmed.”

John 4:35

“Bay bbugithin ni gimed ma yog nma lungumed, ‘Ka aningeg e pul me taw ko ngiyal’ nike el e woldug riy ni aram e ngan t’ar wom’ngin e woldug.’ Ma nggog ngomed ni ngam fal’eged i yaliy e yungi woldug: ya woldug ni bay riy e ke el nike taw nga nap’an ni ngan t’ar!

Acts 13:2

Nap’an ni yad be pigpig ngak Somol ma yad be pag e abich, me ga’ar fare Kan Nthothup ngorad, “Mu faled Barnabas nge Saul ngabang, ni nge mil farow ngog nge mang yow e ra ngongliyew e maruwel ni kug piningrow ni ngar muruwliyew.”

Acts 8:4

Ma fa picha’ nike mich Jesus u wun’rad nni weregrad e ranod nga gubin yang ni yad be machibnag ngak e girdi’ fare Thin Ni Bfel’ ni yib rok Got.

1 Korinth 12:28

I Got e urngin e girdi’ nra be’ ma ke fek ke tay ko gin ntagil’ ko galesiya ni ba’aray rogon: som’on e pi apostel, me migid e pi profet, me migid ma pi tamchib; me migid ma pi’in yad ma ngongliy e maang’ang, me migid ma pi’in ke pi’ Got gelngirad ni ngar golniged e liliy, ara ngar ayuweged boch e girdi’, ara ra pow’iyed yad, ara ra welthingad nthin ndawor nrung’ag ma da nnang fan.

Efesus 4:11

I ir e en ni “tow’athnag e girdi’ ”, nra be’ ma n’en nib salap riy, me turguy boch ni ngar manged apostel, ma boch e turguy ni ngar manged profet, ma boch e turguy ni ngar machib niged ngak e girdi’ fare Thin Ni Bfel’, ma boch e turguy ni ngar manged pastor ma ngar filed fan e thin rok Got ngak e girdi’.

2 Thessalonika 3:1

Pi walageg ni girdi’en Kristus, mpi’ed e meybil romad nge yag ni i wear e re thin rok Somol ney nib machreg, me gilbuguwan ni bod rogon ni wear u fithik’med.