Matthew 9:17 - Bible Ni Thothup

¹⁷ Ma ku errogon ndariy be’ nma ngal’uweg e wayin nib be’ech ngalan e tutuw ni keru’ e gamanman ntafen e wayin nike kaday. Ya ra rin’ ni aram rogon, me pil fapi tutuw ni keru’ e gamanman, nge map’ e wayin riy nga but’ me kireb fapi tutuw ni keru’ e gamanman. Ere n’en ni ngan rin’ e ngan ngal’uweg e wayin nib be’ech ngalan e tutuw nib be’ech ni keru’ e gamanman, ma aram e l’agruw nra par ni bfel’ rogon.”

Matthew 9:17 Σταυροειδείς Αναφορές

BABYOR NI JOB 32:19

Fa’anra dab ni pageg nggu non, ma bay gu po’ ni bod ba tafen e wayin nike sug e wayin ni be’ech riy.

Psalms 119:83

Dakriy ban’en ni gu bfel’ ngay kug bod ba tafen e wayin ni kann’ag; ni yug aram rogon ma dawor gu pagtalin e tin kamog ni ngan rin’.

Matthew 9:16

“Dariy be’ nra fek bangi mad ni kab be’ech nge thufeg nga ba mad nike kaday; ya fa gi mad nib be’ech e ra girengiy ir me mogchoth rok fare mad ni kanip’ nga daken, nge ngongliy reb e chabol ni ka ba ga’ boch.

Matthew 9:18

Nap’an ni be yog Jesus e re bugithin ney ngorad, me yib be’ ngak, nib tolang ko Jew, ngeb i ragbug nga but’ u p’eowchen Jesus, me ga’ar, “Ka fini aw e fan rok bochi pin ni fakag; ere mu’un ngog ngam tay pa’am nga daken nge fos.”

Mark 2:22

Ma ku errogon ndariy be’ nma ngal’uweg e wayin nib be’ech ngalan e tutuw ni keru’ e gamanman ni tafen e wayin nike kaday. Ya ra rin’ ni aram rogon, mra bilig e wayin fapi tutuw ni kaday ni keru’ e gamanman, me maadab e wayin nge fapi tutuw. Tutuw ni keru’ e gamanman ni kab be’ech e nge mang tafen e wayin ni kab be’ech!”

Luke 5:37

Ma ku errogon ndariy be’ nma ngal’uweg e wayin nib be’ech ngalan e tutuw ni keru’ e gamanman ntafen e wayin nike kaday. Ya fa’anra rin’ ni aram rogon, ma fare wayin nib be’ech e ra bilig fapi tutuw, me map’ e wayin nga but’ me kireb fapi tutuw.

Luke 5:38

Danga’! Wayin nib be’ech e ngan ngal’uweg ngalan e tutuw nib be’ech ni keru’ e gamanman!

Joshua 9:4

Ma aram miyad leamnag ni ngar ban niged Joshua. Ere ranod ngar feked boch e ggan ngar sugyed daken e dongki rorad nga bogi tutuw nike kaday nge pi tutuw ko wayin ni kanip’ e yungin ke mogchoth riy.