Matthew 7:7 - Bible Ni Thothup

⁷ “Mu ninged, me yag ngomed; mu gayed mi gimed pir’eg; mu tugtuguyed e mab, min bing e mab ngomed.

Matthew 7:7 Σταυροειδείς Αναφορές

Genesis 26:32

Kre rran nem me yib e pi tapigpig rok Isak nga rogned ngak murung’agen fare luwed ni kar kired. Ra ga’argad ngak, “Kug patgad ko ran.”

1 Kings 3:5

U rom u Gibeon e yib i m’ug SOMOL ngak Solomon u malik’ay nnep’; me ga’ar ngak, “Mang e ga ba’adag ni nggu pi’ ngom?”

Psalms 10:17

SOMOL, bay mmotoyil ko meybil rok e pi’in ba sobut’; bay mpi’ e athamgil nga lanin’rad.

Psalms 10:4

Pi’in kireb e dariy fan SOMOL u wan’rad; mu fithik’ e tolngan’ rorad e yad ma leamnag ni dariy rogon Got.

Psalms 119:12

A SOMOL, gu be pining e sorok ngom; mu fil ngog e pi kanawo’ rom.

Psalms 27:8

Ke lungum, “Moy ngog.” Ere bay gub ngom, SOMOL;

Psalms 34:4

Gu meybil ngak SOMOL me fulweg taban e meybil rog; i chuweg urngin e marus rog.

Psalms 37:4

Mu gay e felfelan’ rom rok SOMOL, me pi’ ngom e tin ir e kari t’uf rom.

Psalms 50:15

Mu piningedgag ko ngiyal’ nra yib e oloboch; mu gu lufmed riy, ma bay mu pininged e sorok ngog.”

Psalms 69:32

Ra guy e pi’in ni gafgow ni aray rogon miyad felfelan’; mra pi’ e athamgil nga laniyan’ e pi’in yad ma meybil ngak Got.

Psalms 70:4

Mang e yigi felan’ me uf e pi’in yad be yib ngom, ngar pired nri yad ba felfelan’! Mang e yigi fel’ u wan’ gubin e girdi’ ni ka mu mat’aw nagrad ngom nge gubin ngiyal’ ni nge lungurad, “Ngu’un mathangeluwolnag Got!”

Psalms 86:5

Gur e gab gol ngomad ma ga ma n’agfan u wun’um e kireb romad, ma gubin e pi’in yad ma meybil ngom e yad ba sug ko fare t’ufeg rom ni dabimus.

Proverbs 8:17

Ba t’uf rog e pi’in gu bt’uf rorad; en nra gayeg e ra piri’egeg.

Tang Ko Pitang 3:2

Ug mogow u lan e binaw i yan, u gu th’ab e yupa’ i kanawo’ ni ba ga’ nge kanawo’ ni achig. Ni gu be sapnag e cha’ ni gu ba’adag. Ug changar i yan, ma da gu pir’eg.

Isaiah 30:19

Gimed e girdi’ ni gimed ma par u Jerusalem e bay mu pired ndab kum yorgad. Ya SOMOL e rib wurngan’, nap’an ni gimed ra yornag e ayuw ngak, ma ra fulweg taban e meybil romed.

Jeremiah 33:3

“Mu piningeg mu gu fulweg lungum; gu ra yog ngom boch ban’en nib manigil ma bfel’ ni damnang murung’agen.

Amos 5:4

Be ga’ar SOMOL ngak piyu Israel, “Mired ngog, mi gimed fos.

Matthew 18:19

“Ma ba’aray ban’en ni ngku gog ngomed: fa’anra ta’reban’ l’agruw i gimed nga ban’en u roy u but’ miyow pi’ e meybil riy, mra rin’ e Chitamag nu tharmiy ngorow.

Matthew 21:22

Fa’anra bmich Got u wun’med ma demturug e n’en ni gimed ra ning ngak ko meybil romed mrayag ngomed.”

Matthew 6:33

Ere ngam m’oneged u wun’med e gagiyeg rok Got nge tin nib m’agan’ ngay ni ngam rin’ed, ma arame urngin e pin’ey nra pi’ ngomed.

Matthew 7:11

Yugu ireyer fanmed kireb, ma gimed manang rogon ni ngam pi’ed e tin ni bfel’ ban’en ngak pifakmed. Ere Chitamangimed ni bay u tharmiy e rira pi’ e tin ni bfel’ ban’en ngak e pi’in yad ra ning ngak!

Matthew 7:8

Ya urngin e pi’in yad ra ning e ra yag ngorad, ma en nra gay e ra pir’eg, ma mab e yira bing ngak e en nra tugtuguy.

Mark 11:24

Aram fan ni gu be yog ngomed, ni ngiyal’ ni gimed ra meybil ni kam ninged ban’en ni ngan pi’ ngomed, me pagan’med ngay nike yag ngomed, ma aram e urngin fa pin’em ni yira pi’ ngomed.

Luke 13:25

“Ya cha’ ni ir e masta ko fare naun e ra sak’iy nge ning e mab; ma fa’an mu sak’iygad u wuru’ e mab mi gimed tabab i tugtuguy e mab me lungumed, Mbing e mab ngomad! ma bayi fulweg ni ga’ar, Da gu nang e gin kambad riy.

Luke 18:1

Ma aram me yog Jesus ngorad e re fanathin ni ba’aray ni be fil ngorad ni gubin ngiyal’ ma ngu’ur meybilgad ma ri dabi ngochngochan’rad.

John 15:16

Gathi gimed e mmel’eged gag; ya gag e kug mel’egmed kug turguymed ni ngam marod nge yib wom’engimed ni pire’ ni fa mit i wom’ngin nma par ni dabi kireb bi’id. Ma en ni Chitamangiy e demturug e n’en ni gimed ra ning ngak u fithingag mra pi’ ngomed.

John 15:7

Fa’anra mpired u fithik’ag, me par e thin rog u fithik’ i lanin’med, ma aram e gimed ra ning e tin ni gimed ba’adag, min pi’ ngomed.

John 4:10

Me fulweg Jesus ni ga’ar, “Fa’an mang e ga manang e n’en nma pi’ Got nge en ni be ning e ran ngom ni nge unum, ma kam wenig ngak ke pi’ e ran ngom nma pi’ e yafos.”

Roma 2:7

Boch e girdi’ e kar pired ni yad be rin’ e tin ni bfel’ ni yad be nameg e fla’ab rok Got, nge tayfan ni bayi tay Got ngorad, nge reb e tamilang ndab ku nim’ riy: ireram e picha’ ni bayi pi’ Got e yafos ndariy n’umngin nap’an ngorad.

Roma 3:11

dariy ta’abe’ nib tamilangan’, ara be gayiy Got.

Hebrews 11:6

Dariy be’ nra fel’ u wan’ Got ni fa’anra de mich Got u wan’. Ya en nra yib ngak Got e thingari mich u wan’ ni bay Got mra tow’athnag e pi’in yad be gay Got.

James 5:15

Re meybil ney ni yira tay u fithik’ e michan’ ngak Got e ra golnag fare m’ar; i Somol e ra chuweg e m’ar rok, ma pi denen nike ngongliy e ra n’ag Got fan.

1 John 3:22

Demturug e n’en ni gadad ra ning ngak mma pi’ ngodad, ni bochan e gadad be fol ko tin keyog ngodad ma gadad be rin’ e tin nib m’agan’ ngay.