Matthew 7:28 - Bible Ni Thothup

²⁸ Fa’ani yog Jesus e pin’ey nge mu’, me gin fapi girdi’ ni aram urngirad ngarogon e machib nike tay.

Matthew 7:28 Σταυροειδείς Αναφορές

Psalms 45:2

Gur e th’abi picho’ay u fithik’ e pumo’on; ma ri ga ba salap ko welthin. Gubin ngiyal’ ni be tow’ath nigem Got.

Matthew 11:1

Fa’ani yog Jesus e pin’ey ngak fa ragag nge l’agruw i gachalpen nge mu’, me chuw u rom, nge yan ni nge fil e thin rok Got ngak e girdi’ me machib u lan e pi binaw nib chugur ko gin’em.

Matthew 19:1

Fa’ani mu’ Jesus i yog e pin’ey, me chuw u Galile nge sul ko nug nu Judea, ni bay nga ba’nem e lul’ ni Jordan.

Matthew 22:33

Ma fa’ani rung’ag fapi girdi’ ni aram urngirad e re bugithin nem miyad ngat ngak ngarogon e machib nike tay.

Matthew 26:1

Fa’ani mu’ Jesus i machibnag urngin e pin’ey, me ga’ar ngak pi gachalpen,

Matthew 7:27

Me aw e n’uw, nge sugubur e lul’ nge yib nga daken e binaw, me yib e nifeng nib gel i aw ko fare naun me puth. Nrib ga’ lingan ni puth!”

Matthew 7:29

Ya gathi bod e tamchib rorad ko Motochiyel; ya i machib ni bay gelngin e thin rok.

Mark 1:22

Ma pi’in ur motoyilgad ko thin rok e ra gin gad ngarogon e machib ni tay. Ya gathi ta’reb rogon ngak e pi’in tamchib ko Motochiyel; ya be machib ni bod be’ ni bay gelngin e thin rok.

Mark 11:18

Me rung’ag e pi tolang ko prist nge pi tamchib ko Motochiyel murung’agen e n’en ke rin’ u Tempel, ma aram miyad gay kanawo’en e n’en nra rin’ min li’ Jesus ngem’. Ya ra tamdaggad ngak ni bochan e gubin fapi girdi’ ni aram urngirad ni kar gin gad ngarogon e machib ni be tay.

Mark 6:2

Ma nap’an ni taw ko Sabbath me tabab ko machib u lan tafen e mu’ulung. Ma bo’or e girdi’ ni ur moyed u rom, ma fa’an rrung’aged e machib rok miyad gin ngak ni yad gubin. Miyad fithrad ni lungurad, “U uw e nang e cha’ney urngin e pin’ey riy? U uw e fek e gonop rok riy? Ma uw rogon ni be ngongliy e pi maang’ang nem?

Luke 19:48

machane de pat ngorad rogon ni ngar rin’ed, ya urngin e girdi’ ni kar pired ni yad be motoyil ngak Jesus, ndaburad ni nge yan ta’ab bugithin nike yog ndar rung’aged.

Luke 2:47

Ma urngin e girdi’ ni ur motoyilgad ngak e ra gin gad nga feni llowan’ ko thin ni ur fithed ngak ngi i fulweg.

Luke 4:22

Ma gubin e girdi’ ni immoy u rom e rogned e sorok ngak, miyad gin ko pi thin nem ni bfel’ nike weliy ngorad. Me lungurad, “Gathi ireray fa’anem ni fak Josef?”

Luke 4:32

Ma yad gubin nra gin gad ngarogon e machib ni tay, ya thin rok e bay gelngin.

Luke 7:1

Ma nap’an ni weliy Jesus e pi thin nem ni gubin ngak e girdi’ nge mu’, me yan nga Kapernaum.

John 7:15

Me ri gin e pi tolang ko Jew ngak, miyad yog ni lungurad, “I di’in me nang e re mo’on ney e pin’ey ni ireray urngin ndawori un nga sukul bi’id?”

John 7:46

Me fulweg fapi girdi’en e matanag ni lungurad, “Dariy be’ ni ka’a welthin ni bod rogon e re mo’on nem!”