Matthew 6:32 - Bible Ni Thothup

³² (Ireray e pin’en ni gubin ngiyal’ ma be nameg e pi’in yugu boch e kan e yad be meybil ngorad.) Chitamangimed ni bay u tharmiy e manang ni pin’ey ni urngin e dabisiy ni nge yag ngomed.

Matthew 6:32 Σταυροειδείς Αναφορές

1 Kings 19:6

Me chachangar Elijah me guy ba flowa nge ba rume’ i ran ni bay u to’oben lolugen. Me abich me garbod, me sul nge pag ir nga but’ nge mol.

Psalms 103:13

Rogon feni gol ba matam ngak pifak, e aram rogon feni gol SOMOL ngak e pi’in bay madgun u wun’rad.

Psalms 17:14

mu ayuwegneg u pa’ e pi’in nib yoor ban’en rograd ko biney e tamilang. Mu gechig nagrad ko pi gafgow ni ka mu cha’riy ni fan ngorad; mang e yugu ra gaman gad pifakrad riy miki aw boch ni fen pifak pifakrad!

Jeremiah 45:5

Mog ga be guy rogon ni gur e ngan rin’ ban’en ngom ni yugub thil ko girdi’? Dab mu rin’ ni arrogon. Ya nggu fek e riya’ nga daken gubin e girdi’, ma gur e gu ra aywegem ko yam’ u gubin yang ni ga ra yan riy. I Gag SOMOL e kugog e pi thin ney.”

Matthew 6:8

Dab mboded yad; ya Got ni Chitamangimed e manang e n’en nthingari yag ngomed u m’on ndawor mu ninged ngak.

Luke 12:30

(Ya girdi’ nu roy u fayleng ni pi’in yugu boch e kan e yad be meybil ngorad e gubin ngiyal’ ni yad be gayiy urngin e pin’ey.) Ya Chitamangimed e manang ndabisiy ni nge yag e pin’ey ngomed.

Efesus 4:17

U fithingan Somol e nggog e re bugithin ni ba’aray riy ma ri gu be ning chiylen ngomed ni be lungug: dab ku um ngongolgad ni bod rogon e pi’in ndar nanged Got, ni tin yad be leamnag e dabi yib fan,

Filippi 4:19

Ma Got rog ni pire’ ban’en rok e bayi pi’ ngomed u daken Jesus Kristus urngin e tin ni gimed be gafgow riy.

1 Thessalonika 4:5

ma gathi bochan e ar’ar rok, ni bod e pi’in ndar nanged Got.