Matthew 5:47 - Bible Ni Thothup

⁴⁷ Fa’anra kemus ni pi tafager romed e ngu’um nonod ngorad, ma gur kam rin’ed ban’en ni yugu ba thil ko tin ni kayi ma rin’? Mus ngak e pi’in yad ma meybil ngak yugu boch e kan ma ku ireyer e pin’en ni yad ma rin’!

Matthew 5:47 Σταυροειδείς Αναφορές

Matthew 10:12

Ma fa’an gimed ra yan ngalan reb e naun me lungumed ngorad, ‘Nge yib e gapas ngomed.’

Matthew 5:20

Ere gu be yog ngomed nrayag ni ngam marod ko gagiyeg nu tharmiy ni kemus ni fa’anra kab gel e yul’yul’ romed, rok e pi’in tamchib ko Motochiyel nge pi Farise u rogon ni gimed be rin’ e tin nib m’agan’ Got ngay ni nge rin’ e girdi’.

Matthew 5:46

Ere mang ni gimed be finey nra fulweg Got labgen ngomed ni fa’anra kemus ni pi’in gimed ba t’uf rorad e yad ba t’uf romed? Ya mus ngak e pi’in yad ma kunuy e tax ma ireyer e n’en ni yad ma rin’!

Matthew 5:48

Ere thingar mpired ni gimed ba yal’uw — ni bod e Chitamangimed ni bay u tharmiy nib yal’uw!

Luke 6:32

“Fa’anra kemus ni girdi’ ni gimed ba t’uf rorad e yad ba t’uf romed, ma mang ni gimed be finey nra fal’eg Got wa’athmed riy? Ya mus ngak e pi’in yad ba tadenen ma ba t’uf rorad e pi’in yad ba t’uf rorad!

Kolose 4:14

I togta Luke nrib t’uf rodad, nge Demas e be lungurow e nge felan’ Got ngomed.

Kolose 4:15

Mogned ngak e pi’in ni walagdad ni girdi’en Kristus ni yad ma par u Laodicea nge fare pin i Nimfa nge girdi’en e galesiya ni yad ma mu’ulung nga naun rok ni be lungumad e nge felan’ Got ngorad.

1 Peter 2:20

Ya mang puluwon nra yib ngomed ni fa’anra mu k’adan’med ko dumow ni bay tapgin ni nge aw ngomed ni fan e kam rin’ed ban’en nib kireb? Machane fa’anra mu k’adan’med ko gafgow ni mus ko ngiyal’ nib mat’aw e tin ni kam ngongliyed, ma ra fal’eg Got wa’athmed riy.