Matthew 5:28 - Bible Ni Thothup

²⁸ Machane nggog ngomed e chiney, ni en nra sap ngak be’ ni bpin me finey ni manga yugu ra pirew, e ke kireb e rok, ni fan e kar pirew u fithik’ i laniyan’.

Matthew 5:28 Σταυροειδείς Αναφορές

Genesis 34:2

Nap’an ni guy Shechem, nib pagel ni fak Hamor ni ir e ba ga’ lungun ko Hivite, Dinah me yan i kol nge moleg u gelngin.

2 Samuel 11:2

Me reb e rran nike yan i gonowrug me od David ya i mol ni rran, nge yan ngalang nga daken e chigiy ko naun rok ntafen e pilung. Be yan u daken e chigiy, me changar me guy be’ ni ppin ni be maluk. Ma re pin nem e be’ nrib pidorang.

BABYOR NI JOB 31:1

Ku gu t’ar u wun’ug ndariy bingyal’ ni nggu changar i darngal ngak be’ ni bpin.

BABYOR NI JOB 31:9

Fa’anra ke gabalan’ug nga le’engin be’ ni gamow bbuguliyoror, kug mith u wuru’ e mab rok ngu’ug sonnag,

Psalms 119:96

Kugnang ni urngin ban’en ma bay folen; machane motochiyel rom e dariy thibngin.

Exodus 20:17

“Dab mu chogownag e naun rok be’, ara le’engin’, ara sib rok, garbaw rok, dongki rok; ara ara tin bay rok.”

Proverbs 6:25

Dabi unan’um ko pidorang rorad; dab mmul ni bochan e dawol u owcharad ngom.

Ezekiel 23:16

Nap’an e yigi guy fapi ya’an e pumo’on, me suguy e darngar lanyan’ me pi e mal’og nge yan ngak fapi pumo’on nga Babylon.

Levitikus 18:20

Dab mu pirew le’engin yug reb e pumo’on; ya ga ra ta’ay.

Matthew 15:19

Ya laniyan’ be’ e ma yib e leam nib kireb riy ni ir e ma pingeg fa’anem nge li’ be’ ngem’, fa ra pirew be’ ni gathi mabgol rok, ma be rin’ yugu boch ban’en ni aram e ngongol ko darngal; me moro’ro’ u fithik’ e yargel, me lifith l’ugun, me t’ar e thin nga daken e girdi’.

Matthew 5:22

Machane gu be yog ngomed e chiney, ni en nra damumuw ngak be’ ni walagen e yira fek i yan nga p’eowchen e en nma puf oloboch; ma en nra ga’ar ngak walagen, ‘Gur e dariy ban’en ni gab fel’ ngay!’ e yira fek ngalan e sobol ko mu’ulung; ma en nra ga’ar ngak walagen, ‘Dariy fam i gur e re balyang nir!’ e rayag ni nge yan nga fithik’ e nifiy ni dabi math bi’id.

Matthew 5:39

Machane nggog ngomed e chiney ni nge lungug, Dab mu fulweged taban e kireb ngak e en nike rin’ e kireb ngomed. Fa’anra batnag be’ e ba’ ni mat’aw i linglingim, ma ga pag ngki batnag e ba’ ni gilay’ i linglingim.

Roma 7:14

Gadad manang ni fare Motochiyel e yib rok Got; machane gag e gub girdi’ ni gu ra yim’, ni kan pi’eg ni chuway’ ngak e denen ni bod rogon ba sib.

Deuteronomy 22:22

“Fa’an yira pir’eg be’ nib mo’on ni yow be par le’engin yug reb e pumo’on, ma yow l’agruw ni yira thang e pogofan rorow. Irera’ kanawo’en mi gimed chuweg e mitney e kireb u fithik’med.

2 Peter 2:14

Dariy ban’en ni yad ba’adag ni ngar changargad ngay ya kemus ni ppin nib darngal e yad ba’adag ni ngar changargad ngorad; ma ar’ar rorad ko denen e der tal. Ma yad ma waliy e pi’in ni me’waer e leam rorad ngar awgad ko wup rorad. Ma lanin’rad e ke ilal nga fithik’ e chogow. Ma yad be par ni yad bay u tan e gechig rok Got!

1 John 2:16

Gubin ban’en nib milfan ngaray nga fayleng — ni aram e tin kireb ban’en ni yima ar’arnag, ni tin nra guy e girdi’ ma yad ba’adag ni nge yag ngodad, nge urngin ban’en ni bay u roy u fayleng nri ma uf e girdi’ ngay dariy reb e pin’ey ni yib rok e en ni Chitamangiy; ya urngin me yib rok e fayleng.