Matthew 4:9 - Bible Ni Thothup

⁹ Me ga’ar fare mo’onyan’ ngak, “Fa’an ga ra ragbug nga but’ ngam tayfag mu gu pi’ e pin’ey ni urngin ngom.”

Matthew 4:9 Σταυροειδείς Αναφορές

Psalms 72:11

Urngin e pilung e bay ur siro’gad ngak; urngin e pi nam ni bay ur pigpiggad ngak!

Proverbs 8:15

Gu ma ayuweg e pi pilung ngu’ur gagiyeggad nge pi’in ma gagiyeg ngu’ur ngongliyed e motochiyel ni bfel’.

Daniel 4:32

Bay ni tulufem ngam chuw u fithik’ e girdi’ ma ga yan mpar nga fithik’ e gamanman ni malboch. Ma medlip e duw ni bay um par ni ga be kay e pan ni bod ba garbaw. Ma aram e bay mu nang ni Got ni Ir e Th’abi Tolang e ma gagiyegnag e pi gagiyeg ni be tay e pi pilung nu fayleng, mrayag rok ni nge gagiyegnag nge pilung be’ ni ir e ke duwgiliy.”

Matthew 26:15

me ga’ar, “Fa’anra gu yagnag Jesus ngomed ma mang e gimed ra pi’ ngog?” Ma aram miyad theeg guyey e salpiy ni wasey nib silber ngar pi’ed ngak.

Matthew 4:10

Me fulweg Jesus ngak ni ga’ar, “Satan, mman ngam chuw! Ya babyor nib thothup e be ga’ar, Mu tay fan Somol ni Got rom ma yigo ir e ngam pigpig ngak!”

John 12:31

Chiney e aram e kan turguy e gechig ko fayleng; chiney e bay nluf pa’ e en ni ir e be gagiyegnag e girdi’ nu fayleng.

John 13:3

Ma manang Jesus ni en ni Chitamangiy e ke pag fan urngin ban’en ngak; ma manang ni yib rok Got ma bay sul ngak Got.

John 14:30

Dabkiyag ni ngu’ud nonod, ya en ni be gagiyegnag e girdi’ nu roy u fayleng e be yib. Dariy gelngin ni nge gagiyeg nigeg,

John 16:11

nge rogon nma turguy Got e gechig, ya en ni be gagiyegnag e girdi’ u roy u fayleng e ke mu’ Got i duwgiliy e gechig rok.

2 Korinth 4:4

Der mich u wun’rad ni bochan e fare kan nib kireb nu roy u fayleng e ke tay lanin’rad u fithik’ e lumor. Ya ke ta’rad ndab ra guyed ram’en fare tamilang ni be mat nga dakenrad, ni fare tamilang ni be yib ko fare Thin Ni Bfel’ ni murung’agen e fla’ab rok Kristus, ni Kristus ni ir e ri ta’reb rogorow Got.

1 Timothy 3:6

Ma thangri dabi yan i aw ni ir be’ ni kafini pig kemang reb i girdi’en Kristus ndawori n’uw nap’an; ya richey nge uf nge turguy Got e gechig rok ni bod ni rin’ ngak fare mo’onyan’.

Revelation 19:10

Mu gu paraw nga but’ u to’oben rifrifen ay nggu siro’ ngak, machane me ga’ar ngog, “Dab mu rin’ ni errogon! Ya gag reb e tapigpig ni bod gur nge pi walagem, ni urngin fa pi’in yad be fol ko fapi thin nib riyul’ ni fa’ani yib i yog Jesus ngan nang. Ere mu tayfan Got ma ga meybil ngak!” Ya tin nib riyul’ ni yib i yog Jesus ngan nang e ireram fapi thin ni yib i yog e Kan Nthothup rok Got u l’ugun e pi profet.

Revelation 19:16

Ma daken e mad rok nge daken ay e kan yoloy fare ngachal ngay ni ga’ar, “Pilung ko pi pilung nge Somol ko pi somol.”