Matthew 4:8 - Bible Ni Thothup

⁸ Me ere fek fare mo’onyan’ Jesus nga daken bburey nrib tolang nge dag urngin e nam nu fayleng nge fel’ngin ngak.

Matthew 4:8 Σταυροειδείς Αναφορές

Ester 1:4

Ma ba polo’ nel’ e pul ni i dag ni be uf uf nga feni yo’or talin nge feni gamog tafen nge feni fla’ab.

Ester 5:11

Me par ngi i ufan sorok nga feni fel’ rogon, nge feni yo’or e pagel ni fak, nge rogon nike tolangnag e en pilung ko liw rok, nge feni rib ga’ fan u fithik’ urngin e pi tolang u tan pa’ e en pilung.

Daniel 4:30

me ga’ar, “Kari gilbuguwan yu Babylon! I gag e gu muruwliy ni nge par ni ir e ba ga’ u fithik’ e pi binaw rog ni ngi i dag gelngin nge rogon e gagiyeg ni gu be tay, nge feni sorog nge fanag pilung.”

Numbers 23:3

Me ga’ar Balaam ngak Balak, “Mpar u roy u to’oben e maligach rom ni mo’oruf, mu gu wan ngug guy ko ra yib SOMOL ni nggu mada’gow fa dabi yib. Bay gu weliy ngom e tin bayi yog ngog.” Me yan ni go’ ir nga daken p’ebgul bochi burey,

Matthew 16:26

Be mang e ra fel’ rogon be’ riy ni fa’anra yag ngak e re fayleng ney ni polo’, machane me thay e bin riyul’ e yafos u pa’? Bmuduwgil ndariy! Dariy ban’en nrayag ni nge pi’ be’ ngki sul e yafos rok ngak.

Matthew 4:5

Me fek fare mo’onyan’ Jesus ngalan fare binaw nib thothup, nge yan i tay nga daken e gin’en nth’abi tolang ko fare Tempel,

John 5:20

Ya en ni Chitamangiy e ba t’uf e en ni Fak rok ma be dag ngak urngin e tin ni be rin’. Ma bayi dag ngak Fak boch ban’en ni nge rin’ ni ka ba ga’ ko biney, ma gimed gubin ni bay mu gin gad ngay.

1 Peter 1:24

ni bod rogon ni be yog e babyor nib thothup ni be ga’ar: “Girdi’ ni gubin e yad bod e pan, ma urngin fel’ngirad e bod rogon e floras ko pan. Bay yim’ e pan, me mul e floras riy,

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”