Matthew 3:1 - Bible Ni Thothup

¹ Ngiyal’ nem e yib John nma tawfe me tabab ko machib u daken e ted u Judea,

Matthew 3:1 Σταυροειδείς Αναφορές

1 Kings 2:34

Ma aram me yan Benayah ko fare Tent u p’eowchen SOMOL nge li’ Joab nge yim’, min k’eyag u tafen u daken e tfal’fel’.

Matthew 11:11

Dab mpaged talin e re bugithin ney. John ni i tawfe e ba ga’ ngak urngin e girdi’ ni kar pired u roy u fayleng. Machane en ni ir e th’abi sobut’ u lan e gagiyeg nu tharmiy e ka ba ga’ ngak.

Matthew 11:7

Ma nap’an ni be sul pi gachalpen John, me weliy Jesus murung’agen John ngak fapi girdi’ ni aram urngirad ni ga’ar, “Fa’an mmarod ngak John nga daken e ted ma mang e mfineyed ni bay mu guyed? Ba gaf i pan ni be buguy e nifeng?

Matthew 16:14

Miyad fulweg ni lungurad, “Be ga’ar boch e girdi’ e John ni i tawfe, ma boch e girdi’ e be ga’ar e Elijah, ma boch e girdi’ e be ga’ar e Jeremiah, fa reb fapi profet.”

Matthew 21:32

Ya John ni i tawfe e yib ngomed ngi i dag ngomed e kanawo’ nib mat’aw ni ngam marod riy, machane de mich u wun’med e thin rok; machane pi’in ntamukun tax nge pi’in ni ppin ni yad ma chuway’ ngorad e mich u wun’rad e thin rok, ni mus ko ngiyal’ ni ba’aram ni mu guyed yad nike mich u wun’rad ma ku da mpiliyeged lanin’med nga tomuren nge mich u wun’med e thin rok.”

Matthew 3:8

Mu rin’ed e ngongol ni ir e nge dag ni kam piliyeged pangimed.

Mark 1:15

ni be ga’ar, “Ke taw nga nap’an nnog, ma gagiyeg rok Got e ke chugur! Mpi’ed keru’med ko denen ni gimed be rin’ nge mich u wun’med e Thin Ni Bfel’ ni yib rok Got!”

Mark 1:2

ni tabab ni bod rogon ni ba’aray ni yoloy Isaiah ni profet: “Ke ga’ar Got, ‘Ba’aray e mol’og rog, ni bay gu l’oeg nge m’on rom nge bing e kanawo’ rom.’

Luke 1:76

I gur, fakag, e bay nognem ni gur ba profet rok Got, ni Got ni Th’abi Tolang. Bay mm’on rok Somol ngam ngongliy e kanawo’ rok,

Luke 7:24

Ma fa’ani sul fa gali cha’ ni l’oegrow John, me weliy Jesus murung’agen John ngak fapi girdi’ ni aram urngirad ni ga’ar, “Fa’an mmarod ngak John nga daken e ted, ma mang e mfineyed ni bay mu guyed? Ba gaf i pan ni be buguy e nifeng?

Joshua 14:10

Machane chiney e amuguy. Ke gaman e aningeg i ragag nge lal e duw n’umngin nap’an ni yog SOMOL e ran’ey ngak Moses. Ngiyal’nem e nap’an ni ka be yan yu Israel u daken e desert, i SOMOL, e rogon ni micheg e ke teg ni kugub fos ke mada’ ko chiney. Mu changar ngog! Ke gaman e meruk i ragag nge lal e duw yangreg

Judges 1:16

Pi’in owchen e chitamngin e bpin rok Moses, ni aram e piyu Keni, e ra uned ngak e girdi’ rok Judah u Jeriko, ni fare binaw ko gek’iy ni palm, ngranod nga daken bangi ted ni bay ko yimuch u Arad u lan yu Judah. Miyad par u rom u fithik’ e piyu Amalek.