Matthew 27:44 - Bible Ni Thothup

⁴⁴ Me mus ngak fa gali moro’ro’ ntacham ni fa’an nni unegrow ngak ngan kuruth nagrad ni ku aram rogon e thin nib kireb nrognew ngak.

Matthew 27:44 Σταυροειδείς Αναφορές

Psalms 35:15

Machane nap’an ni l’ag e oloboch ngog, ma go’ ra felan’gad miyad mu’ulung ngu’ur minmingad ngog; be pirdi’iyeg e pi’in dagnang owcharad ni dariy e toffan.

Matthew 27:38

Miyad richibiy l’agruw i moro’ro’ ntacham nga l’agruw i kuruth, ni bagayow nga ba’ ni mat’aw rok Jesus ma bagayow nga ba’ ni gilay’ rok.

Mark 15:32

Mmarow ngad guyed fare Messiah ni ir e pilung nu Israel ni nge luw u kuruth nga but’ e chiney, me michan’dad ngak!” Ma ku errogon fa gali cha’ nni chagiyrow ngak Jesus ngan kuruthnagrow ni rognew e thin nib kireb ngak Jesus.

Roma 15:3

Ya Kristus e de yan nga laniyan’, machane yan i aw ni bod nike yog e babyor nib thothup ni be ga’ar, “Thin nib morug ni kani rugoy ngom e gag e ke aw ngog.”

James 1:5

Machane fa’anra dariy e gonop rok bigimed, ma nge wenignag ngak Got, ye ir e ra pi’ ngak; yi Got e ba gol ngak urngin e girdi’.