Matthew 26:74 - Bible Ni Thothup

⁷⁴ Me ga’ar Peter, “I Got e nge gechig nigeg ni fa’anra dagur yog e tin riyul’! Ya da gu nang e re mo’on nem!” Kachingiyal’ nem me chochol ba nimen,

Matthew 26:74 Σταυροειδείς Αναφορές

Matthew 10:28

Dab mu tamdaggad ngak e pi’in yad ra li’ e dowef ngem’ machane dabiyag ni ngar li’ed lanin’uy ngem’; mu tamdaggad ngak Got, ya ir e rayag ni nge kirebnag dowey nge lanin’uy u fithik’ e nifiy.

Matthew 26:34

Me ga’ar Jesus ngak Peter, “Mu tay fanamiyan ko re bugithin ni ba’aray! Ra dawori chochol e nimen e neap’ ney ma dalip yay ni bay mog nda mu nangeg.”

Matthew 26:73

Ma fa’ani n’uw boch nap’an me yib fapi pumo’on ni yad be sasak’iy u rom ngak Peter me lungurad ngak, “Ri gur bagayad fa pi’inem, ya rogon e ton rom ko thin e be m’ug riy ni gur bagayad!”

Matthew 26:75

me yib ngan’ Peter e n’en ni yog Jesus ngak ni ga’ar, “Ra dawori chochol e nimen ma dalip yay ni bay mog nda mu nangeg.” Me yan nga wuru’ e yoror ngi i yor ni kari kireban’.

Matthew 27:25

Me fulweg fapi girdi’ ni aram urngirad ni lungurad, “Gechig ni bay yib ni bochan e yam’ ni nge tay e bay yib nga dakenmad nge nga daken pifakmad!”

Mark 14:30

Me ga’ar Jesus ngak Peter, “Mu tay fanamiyan ko re bugithin ney! Neap’ ney ndawori chochol e nimen nl’agruw yay, ma dalip yay ni bay mog nda mu nangeg.”

Mark 14:68

Me fulweg ni ga’ar, “Danga’, da gu nang, da gu nang fan e n’en ni ga be yog.” Me yan Peter nga langan e garog. Ka chingiyal’ nem me chochol e nimen.

Luke 22:60

Machane me fulweg Peter ngak facha’ ni ga’ar, “Da gu nang e n’en ni ga be weliy murung’agen.” Ka chingiyal’ nem ni ka be welthin, me chochol ba nimen.

John 18:27

Miki ga’ar Peter bayay, “Danga’ ” — ma ka chingiyal’nem me chochol ba nimen.

Roma 9:3

Fa’an mang e ra gu pi’eg ngan gechig nigeg ma gamow dar Kristus ma aram miyad thap ngak Got ma kug rin’.

1 Korinth 16:22

Cha’ nde t’uf Somol rok e nge buch wa’athan! Maranatha— Somol romad, moy!

Revelation 3:19

Gu ma puwan’ ma gu ma gechignag urngin e pi’in yad ba t’uf rog. Ere mu tiyan’um ngam pi’ keruum ko denen ni ga be rin’.

Judges 17:2

Me ga’ar ngak e chitiningin, “Nap’an nni iring be’ fa ragag nge ta’reb yang i silber rom, mag yibley e buch wa’athan nga daken e re moro’ro’ nem. Gu rung’ag ni mu rin’. Amsap, ba’aray fapi salpiy rog. I gag e cha’ ni gu fek.” Me ga’ar e chitiningin, “Nge fal’eg SOMOL wa’atham, i gur fakag!”

Judges 21:18

machane dabiyag ni ngad pagedyad ngar le’engiyed e ppin ni pifakdad, ni bochan e kad bucheged wa’athan e en nra pag reb e Benjamin nge le’engiy reb i pifak ni bpin.”