Matthew 26:31 - Bible Ni Thothup

³¹ Me ere ga’ar Jesus ngorad, “Neap’ ney e gimed gubin ni bay mmilgad ngam paged gag, ya ke ga’ar e babyor nib thothup, ‘Bayi li’ Got e en nma gafaliy e saf ngem’ ma bayi wear e saf.’

Matthew 26:31 Σταυροειδείς Αναφορές

Psalms 38:11

Pi fager rog nge pi’in gamad buguliyoror e dakrir chugurgad ngog, ni bochan e malad rog; mus ngak chon e tabnaw rog ni ka ra pired u orel rog.

Psalms 69:20

Thin ni kireb ni yibe yog ngog e ke kireban’ug ngay, ma kug par ndabiyag ni gu ayuwegneg. Kug finey ni mang e runguyeg be’, ma dariy be’ nike runguyeg; ara be’ ni nge fal’eg lanin’ug, ma da gur pir’eg be’ nra rin’.

Psalms 88:18

Mus ko pi fager rog th’abi chuchugur ma kam gagiyegnag e kar n’igedgag, kemang lumor e ku gu chagil gow.

Isaiah 53:10

Be ga’ar SOMOL, “I gag e gu turguy ni nge gafgow; yam’ ni tay e ba maligach ni fan e nggu n’ag fan e denen ko girdi’. Ere bayi guy e pi’in owchen; bayi par nib n’uw nap’an, ma tin kem’ay i leamnag rog e bayi yan i aw nga rogon u daken.

Lamentations 1:19

“Gu pining e pi’in gamad nga bang, miyad siyeg ni ngar ayuwegedgag. Pi prist nge pi tayugang’ e karm’ad u lan e kanawo’ u lan binaw, Ko ngiyal’ ni yad be changarnag e ggan ni nge yag nra pired ni yad bfos.

Zekariah 13:7

I SOMOL ni Gubin ma Rayag Rok e ga’ar, “Saydon, mu od ngam cham ngak fare tagafaliy e saf nma maruwel rog! Mu li’ ngem’, nge wagey fapi saf. Bay gu cham ngak pi girdi’eg,

Matthew 11:6

Rib felan’ e en ndagur maruwar u wan’!”

Matthew 26:24

Ya en ni Fak e Girdi’ e bay yim’ ni bod rogon nike yog e babyor nib thothup murung’agen, machane kari gafgow e re mo’on nem ni ir e bay yagnag e en ni Fak e Girdi’! Ya fa’an manga da ni gargelnag ma kabfel’!”

Matthew 26:56

Machane urngin e pin’ey ma ke yodoroy ya nge m’ug nriyul’ e tin ke yoloy e profet u lan e babyor nib thothup.” Ma urngin fa pi’in gachalpen nra paged ngar milgad rok.

John 16:32

Bay ba ngiyal’ ni bay yib, nike taw e chiney, ni ireram e ngiyal’ ni bay mu wergad, nge bigimed me yan nga tafen, mi gimed pageg nggu par ni go’ gag. Machane gathi go’ gag ni bay gu wan gu par, ya en ni Chitamangiy e bay rog.