Matthew 25:46 - Bible Ni Thothup

⁴⁶ Ere picha’ ney e bay ni pi’rad ko gechig ndariy n’umngin nap’an; ma pi’in yad bmat’aw e bay ranod ko yafos ndariy n’umngin nap’an.”

Matthew 25:46 Σταυροειδείς Αναφορές

Daniel 12:2

Ma pire’ e pi’in karm’ad ni bay ra fosgad ko yam’. Bochi yad e bay i par nib felfelan’ ndariy n’umngin nap’an, ma bochi yad e bay ur pired ndariy n’umngin nap’an ni yad be tamra’ ma dakuriy farad.

Matthew 13:43

Ma tirok’ Got e girdi’ e bayi gal rama’erad ni bod e yal’ ko gin ni Chitamangirad e be gagiyegnag. Ere mmotoyilgad ni fa’anra bay telmed!

Matthew 19:16

Bay ba ngiyal’ ni yib be’ nib mo’on ngak Jesus me fith ni ga’ar, “Tamchib, mang e ren’en ni bfel’ nthingar gu rin’ me yag e yafos ndariy n’umngin nap’an ngog?”

Matthew 19:29

Ma urngin e girdi’ ni kar paged e tabinaw rorad, ara pi walagrad ni pumo’on, ara pi walagrad ni ppin, ara matam, ara matin, ara bitir, ara yungi binaw ni taferad ni bochag, e ra’ay yay e pin’ey ni bayi mun ngorad, ma yira pi’ e yafos ndariy n’umngin nap’an ngorad.

Matthew 25:41

“Ma bayi ga’ar ko pi’in yad bay u ba’ ni gilay’ rok: ‘Gimed e picha’ ni be’er nike kirebnag Got wa’athmed, mmarod ngam chuwgad rog! Mmarod ko fare nifiy ni dabi math bi’id ni kan ngongliy rogon kan tay ni fan ngak mo’onyan’ nge pi engel rok!

Matthew 25:45

Ma bay fulweg fare pilung ngorad ni ga’ar, ‘Ngari gog ngomed, ni gubin ngiyal’ ni mogned ndab mu ayuweged bagayad e pi cha’ney nth’abi sobut’ e kam siyegned ni ngam ayuweged gag.’

Luke 16:26

Ma ku errogon ni bay bangi ban’en u thildad nib to’ar, ni pi’in yad ba’adag ni ngarbad u roy ngom e dabiyag, ara be’ ni nge yib u wur ngaray.’

John 17:2

Ya kam pi’ gelngin ni nge gagiyegnag urngin e girdi’, ni bochan e nge yag ni pi’ e yafos ndariy n’umngin nap’an ngak e pi’in kam pi’rad ngak.

John 3:36

En nra mich u wan’ e en ni Fak Got e aram e keyag e yafos ndariy n’umngin nap’an ngak; ma en ni dabi fol rok e en ni Fak Got e dabiyag e yafos ngak, machane be par e damumuw rok Got u daken ndariy n’umngin nap’an.

John 4:14

machane en nra unum e ran ni gu ra pi’ ngak e dabki sul e belel ngak bayay. Ya ran ni gu ra pi’ ngak e ra ngal’ ni ba alublub u fithik’ i dow, ni ir e bay i pi’ e ran ngak nma pi’ e yafos, me pi’ e yafos ngak ndariy n’umngin nap’an.”

John 5:24

“Nggog e tin riyul’ ngomed: en nra rung’ag e thin rog me mich u wan’ e en ni ir e l’oegeg ku gub e ke yag e yafos ndariy n’umngin nap’an ngak, ni aram e dab kun pufthinnag, machane ke chuw ko yam’ ke thap ko yafos.

John 5:29

miyad yib u lan e low rorad nga wuru’, ma pi’in ni bfel’ e tin ni ur ngongliyed e bay ni fasegrad mu ur pired ni yad ba fos, ma pi’in nib kireb e n’en ni ur rin’ed e bay ni fasegrad ko yam’ mi ni gechig nagrad.”

John 6:27

Dab mmaruwelgad ni fan ko ggan ni bay n’en me kireb; machane mmaruwelgad ni fan ko fare ggan nra par ni dabi kireb nge mada’ ko yafos ndariy n’umngin nap’an. Re ggan nem e en ni Fak e Girdi’ e bayi pi’ ngomed, ya Got ni Chitamangiy e ke pi’ mat’wun.”

John 6:40

Ya ba’aray e n’en ni ba’adag e Chitamag: ba’adag ni urngin e pi’in yad ra guy e en ni Fak me mich u wun’rad e aram e ke yag e yafos ndariy n’umngin nap’an ngorad; ma chirofen ni tomur ko rran e bay gu fasegrad ko yam’.”

Acts 13:46

Machane fin aram e welthin Paul nge Barnabas ndar rusgow ni be lungurow, “Ri dabisiy ni gimed e som’on ni ngan weliy e thin rok Got ngomed. Machane fa’anra kam n’iged, ma damur fineyed ni bay rogomed ni nge yag e yafos ndariy n’umngin nap’an ngomed, ma bay gu pagew gimed nggu warow ngak e pi’in gathi yad piyu Israel.

Acts 13:48

Ma fa’ani rung’ag e pi’in gathi yad piyu Israel e re bugithin ney miyad felfelan’ ngrogned ni bfel’ e re thin rok Somol nem; ma pi’in ke mel’egrad Got ni nge yag e yafos ndariy n’umngin nap’an ngorad e mich Jesus u wun’rad.

Acts 24:15

Ma ta’reb rogon e l’agan’ ni gu be tay ngak Got ko l’agan’ ni be tay e pi cha’ney ngak, ni aram e be l’agan’mad ngak Got ni bayi faseg urngin e girdi’ ko yam’, ni tin ni bfel’ nge tin nib kireb.

Roma 5:21

Ere rogon ni i gagiyeg e denen u daken e yam’, e ku eram rogon e runguy rok Got ni be gagiyeg u daken e mat’aw ni be tay ngodad, be fekdad i yan ko yafos ni dariy n’umngin nap’an u daken Jesus Kristus ni ir e Somol rodad.

Roma 6:23

Ya denen e ma pi’ puluwoy — ni yam’; machane tow’ath rok Got ngodad ndariy puluwon e yafos ndariy n’umngin nap’an nra pi’ u daken e ta’ab girdi’ ni kad ted e Somol rodad i Jesus Kristus.

Galatia 6:8

Fa’anra yung be’ ban’en nga daken e milay’ ni aram e tin nib kireb ni be ar’arnag, ma wom’ngin nra yib riy ngak e yam’; ma fa’anra yung be’ ban’en ni fan ngak fare Kan Nthothup, ma wom’ngin nra yib riy ngak ni Kan Nthothup e ke yib rok e yafos ndariy n’umngin nap’an.

2 Thessalonika 1:9

Bay ra gafgowgad ko gechig ni ngan pi’ ngorad ni aram e gafgow ni ngar ted ndariy n’umngin nap’an, ma kan tayrad ngabang ndab ra uned ko gin ni bay Somol riy ma dab ra guyed gelngin Got nib th’abi fel’,

1 John 2:25

Ma ba’aray e n’en ni yog Kristus nra pi’ ngodad — ni aram e yafos ndariy n’umngin nap’an.

Jude 1:21

um pired ni gimed bt’uf rok Got, ma gimed be sonnag e Somol rodad i Jesus Kristus ni nge pi’ e yafos ndariy n’umngin nap’an ngomed ni bochan e be runguymed.

Revelation 20:10

Ma fare Mo’onyan’ ni ban nagrad e nin’ ngalan fare lipath i nifiy nge sulfur, ni ir e ka nin’ fare gamanman ngay nge fare profet ni yugu ban’en; ma aram e bay ni gafgow nagrad ni rran nge neap’ ndariy n’umngin nap’an.

Revelation 20:15

En nda immoy fithingan ni kan yoloy ngalan babyoren e pi’in ni kar fosgad e nin’ ngalan fare lipath i nifiy.

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”