Matthew 24:47 - Bible Ni Thothup

⁴⁷ Nggog ngomed nrib muduwgil nra tay fare masta fare tapigpig ni ir e nge milfan urngin ban’en rok ngak.

Matthew 24:47 Σταυροειδείς Αναφορές

Proverbs 14:35

Pi pilung e ma felfelan’ ko tapigpig rok nib salap; machane yad ma gechignag e pi’in der yag e maruwel rorad.

Daniel 12:3

Ma pi’in yad ba gonop e bayi gal rama’enrad ni bod ram’en lanelang. Ma pi’in ni ur filed ngak bo’or e girdi’ ni ngu’ur rin’ed e tin nib mat’aw e bay ur pired ni be gal rama’enrad ni dariy n’umngin nap’an ni bod e pi t’uf.”

Matthew 24:46

Rib ga’ ba felfelan’ nra tay e re tapigpig nem ni fa’anra sul e masta rok nga tabinaw me pir’eg ni ireray e n’en ni be rin’!

Matthew 24:48

Ma fa’anra ir reb e tapigpig nib kireb, mra ga’ar u wan’, ‘Masta rog e kab n’uw nap’an mfini sul,’

Matthew 25:21

Me ga’ar e masta rok ngak, ‘Ri gab manigil, ye gur reb e tapigpig ni gab fel’ ma gab yul’yul’! Ya kam yul’yul’ u rogon e maruwel ni mu tay ko salpiy nib lich, ere bay gu tem ni gur e nge milfan pire’ ban’en ngom. Ere moy ngam un ngog ko felfelan’!

Matthew 25:23

Me ga’ar e masta rok ngak, ‘Ri gab manigil, gur reb e tapigpig ni gab fel’ ma gab yul’yul’! Ya kam yul’yul’ u rogon e maruwel ni mu tay ko salpiy nib lich, ere bay gu tinem ni gur e nge milfan pire’ ban’en ngom. Ere moy ngam un ngog ko felfelan’!’

Luke 12:37

Ri ra felfelan’ e pi tapigpig nem ni sul e masta rorad me pir’egrad ni yad be od ni kar fal’eged rogorad! Nggog ngomed ni ra chichi’iy e luod rok ni aram e ke fal’eg rogon ni nge pigpig ngorad, me yog ngorad ngar pired nga tebel, me mang ir e i yibnag e ggan ngorad.

Luke 12:44

Nggog ngomed nrib muduwgil nra tay fare masta fare tapigpig ni ir e nge milfan urngin ban’en rok ngak.

Luke 19:17

Me ga’ar, ‘Bfel’ e maruwel ni kam tay; i gur reb e tapigpig ni gab fel’! Bochan e kam yul’yul’ ko tin ni ba’achig ban’en, ma aram e nggu tiyem ni ragag e binaw e nge milfan ngom ngu’um gagiyegnag.’

John 12:26

En ni ba’adag ni nge pigpig ngog e thangri un ngog, ya en ni tapigpig rog e bay i par rog ko gin ni gu bay riy. Ya Chitamag e ra tayfan e cha’ nma pigpig ngog.”

2 Timothy 2:12

Ma fa’anra ud k’adan’dad i yan, ma ku errogon ni gadad ra un ngak ko gagiyeg, ma fa’anra dogned nda da nanged ir, ma ku errogon ir nra yog nde nangdad.

1 Peter 5:4

Ya nge yib i m’ug e Cha’ ni ir Pilungen e pi’in yad ma gafaliy e saf me yag ngomed fare te’eliyaw ko fla’ab ni dabi math ram’en bi’id.

Revelation 21:7

En nra gel nde pag ir ko kireb e ba’aray e n’en gu ra pi’ ngak: gu ra mang Got rok, ma gu ra fakay.

Revelation 3:21

Pi’in yad ra gel ndar paged yad ko kireb e gu ra pi’ mat’awrad ni ngar pired nga but’ u to’obeg u tagil’ig, ni bod rogon ni kug gel ngak e kireb, me ere chiney e kug par nga but’ u to’oben e Chitamag u tagil’.