Matthew 24:34 - Bible Ni Thothup

³⁴ Mu ted fanmediyan ko re bugithin ney! Bay yib urngin e pin’ey u m’on ko ngiyal’ ndawori yim’ urngin e girdi’ ni yad bay e chiney ni yad ba fos.

Matthew 24:34 Σταυροειδείς Αναφορές

Matthew 10:23

Ma ngiyal’ ni yad ra gafgow nagmed riy u reb e binaw, e ngam milgad nga reb e binaw. Ya nggog ngomed, ndabiyag ni gimed ra mu’nag e maruwel romed u lan gubin e binaw nu Israel u m’on ko ngiyal’ nra yib e en ni Fak e Girdi’ riy.

Matthew 12:45

Me sul nge yan i pining medlip e mo’onyan’ ni kab gel e kireb rorad ngak ngarbad ra pired ko fare naun. Ma aram me yan i par fa’anem ni kari gel e kireb u pangin ko som’on. Ireray e n’en ni bayi rin’ e pi’in nib kireb e bin daba’ e rran.”

Matthew 16:28

Mu ted fanmediyan ko re bugithin ni ba’aray! Bay boch e girdi’ u roy ndab ra m’ad me yan i taw ko ngiyal’ ni bay ra guyed e en ni Fak e Girdi’ nike yib ni ir e pilung.”

Matthew 23:36

Riyul’ ni gu be yog ngomed, ni gechig ni bochan e pin’ey e bay yib ngak e girdi’ ko bin daba’ e rran!

Luke 11:50

Girdi’ ko ngiyal’ney e bay ni gechig nagrad ni bochan urngin fapi profet ni kan li’rad ni ka nap’an e ngiyal’ nsunumiy e fayleng riy,