Matthew 24:31 - Bible Ni Thothup

³¹ Ma fare rappa ni ba ga’ lungun e bay non, ma aram e bayi l’oeg e engel rok ko fa aningeg yangi n’en u fayleng nma thow e nifeng riy, ma aram miyad kunuy e girdi’ rok nike mel’egrad u baraba’ e fayleng nge yan i mada’ nga baraba’.

Matthew 24:31 Σταυροειδείς Αναφορές

Psalms 22:27

Gubin e nam ni bay ra leam niged SOMOL. Gubin yang u roy u fayleng ni bay ra sulod ngak; gubin e girdi’ nu fayleng ni bay ra liyorgad ngak.

Psalms 67:7

Got e ke fal’eg waathdad; mang e yigi liyor gubin e girdi’ u gubin yang ngak.

Psalms 81:3

Mu thoyed e rappa ni fan ko fare madnom, ko rofen ni m’ug e pul nge rofen ni ngo’on.

Exodus 19:16

Me kadbul ko rofen ni man e dalip ngay mi i chub e dirra’ ma be mat e uluch u daken e re burey nem, ma ke m’ag bangi manileng nib dib’ag daken, ma be yan laman ba yabul ni yibe thoy ni ba ga’ laman. Ma urngin e girdi’ ni yad bay u rom e ur t’on gad ko marus.

Isaiah 11:12

I Somol e bay i n’uf bang i flak ngalang ni nge dag ko pi nam ni be kunkunuy bayay nga ta’bang fapi girdi’ nu Israel ngu Judah nra werwergad ko fa aningeg i tabthung ko fayleng.

Isaiah 13:5

Yad be yib u bogi nam nib palog u tungun e fayleng. SOMOL e be yib u fithik’ e damumuw rok ni nge gathay e nam ni ga’ngin.

Isaiah 27:13

Ra taw ko rofen nem, ma bay ni thoy e rapa ni nge pining nge sul gubin e girdi’ nu Israel ni yad ba kalbus u lan yu Assyria ngu Egypt. Ma aram e bay rabad ngar liyorgad ngak SOMOL u lan yu Jerusalem, ko fare burey rok nib thothup.

Isaiah 42:10

Mon’ed ba tang nib be’ech ngak SOMOL; fayleng ni polo’, mu tanggad ni gimed be pining e sorok ngak! Gimed e pi’in gimed be milekag u lan e day, mpininged e sorok ngak; gimed urngin e yafos nu maday, mpininged e sorok ngak! Gimed e pi nam ni gimed bmal’af nge girdi’ ni be par riy e ngam tanggad!

Isaiah 43:6

Bay gog ko lel’och ni nge pagrad, mu gog ngak e yimuch ni nge dabi telrad. Ya pi nam nib orel e nge sul e girdi’ rog riy, ni gubin yang u fayleng ni ngar sulod riy.

Isaiah 45:22

“Gimed e girdi’ nu fayleng ni ga’ngin, mu sulod ngog mu gu ayuwegmed! Ya kemus ni gag e ta’are Got ni bay.

Isaiah 49:18

Mu sap i yan nga mu guy e n’en ni yibe rin’. Girdi’ rom e yad be mu’ulung ni ngar sulod nga taferad. Rogon feni riyul’ ni Gag fare Got ni gu be par ni gub fos, e aram rogon feni riyul’ ni bay mu felfelan’ ngak e girdi’ rom, bay mu felfelan’ ni bod gelngin e felfelan’ ni tay be’ ni bpin ko nunuw rok nnap’an ni nge mabgol!

Isaiah 60:4

Mu sap u to’obem i yan ngam guy e pin’en ni yibe rin’: Be mu’ulung e girdi’ rom ni ngar sulod nga taferad! Pifakam ni pumo’on e bay rabad u mal’af, Pifakam ni ppin e bay ni fekrad i yib nrogon e bitir ni yima fek.

Daniel 7:2

ni tin ni gguy u malik’ay e re nep’ i n’em. I thow e nifeng nge yib u gubin yang nge pug e day,

Zekariah 14:5

Gimed ra mil ngam thumur gad u lan e re loway ney nike ki’eg fare burey ni l’agruw guruy. Gimed ra mil ni bod e pi chitamangimed kakrom u nap’an ni yib fare durru’ fa ngiyal ni Uzziah e Pilung nu Judah. I SOMOL ni Got rog e bay yib nike un urngin e pi engel ngak.

Zekariah 2:6

I ga’ar SOMOL ko girdi’ rok, “Gu werweregmed u gubin yang. Machane chiney e gimed e pi kalbus e kam thay gad u Babylon kam sulod nga Jerusalem.

Zekariah 6:5

Me ga’ar, “Irera’ fa aningeg yang i nifeng; ni kafin ra chuwgad u p’eowchen fare SOMOL ko fayleng ni polo’.”

Zekariah 9:10

Be ga’ar SOMOL, “Bay gu chuweg e pi chariot ni fan ko mael u Israel, mu gu chuweg e pi os ni bay u Jerusalem; ma pi gat’ing ni yibe fanay ko mael e bay ni kirebnag. Pilung romed e bayi gagiyeg nge aw e gapas u thilin e pi nam; bayi gagiyeg u bang e day nge mada’ nga bang, me tabab ko lul’ ni Eufrates nge yan i mada’ ko yungi n’en ni mus e fayleng riy.”

Zekariah 9:14

I SOMOL e bay yib i m’ug u puluwon e girdi’ rok ngalang; me yin’ gan e gat’ing rok ni bod e uluch ni mat. I SOMOL ni Th’abi Tolang e bayi thoy e rappa; bayi yib u lan e yimuch u fithik’ e yoko’.

Matthew 13:41

en ni Fak e Girdi’ e bayi l’oeg e pi engel rok ngar kunuyed urngin e pi’in yad be waliy e girdi’ ngar denengad, nge urngin e pi’in yad be ngongliy e kireb ni kar maathukgad nga fithik’ e pi’in Got e be gagiyeg nagrad,

Matthew 24:22

Machane ke lichnag Got e pi rran nem; ya fa’an mang e dabi rin’ ni aram rogon, ma dariy be’ nra fos. Machane bayi lichnag Got e pi rran nem ni bochan e pi’in girdi’en nike mel’egrad.

Matthew 24:24

Ya bayi m’ug boch e Messiah nge profet ni yigo’o bogi ban’en; ma bay ur ngongliyed e maang’ang nge bogi n’en ni yira ngat ngay, ni bochan e fa’an mang e rayag miyad bannag e pi’in girdi’en Got ni Got e ke mel’egrad.

Matthew 24:32

“Ba’aray ban’en ni ngam nanged rok e gek’iy ni fig. Ngiyal’ nra galunglung papa’ngin ma ke mirerey me tabab yuwan ko puf, ma aram e kam nanged nike chugur ni nge taw ngal’an e gowel.

Matthew 25:31

“Ngiyal’ nra yib e en ni Fak e Girdi’ riy nike pilung, nike un urngin e pi engel ngak, e bayi par nga tagil’ nib pilung,

Matthew 28:18

Me chuchugur Jesus ngorad me ga’ar ngorad, “Kan pag fan urngin ban’en ngog u tharmiy ngu but’.

Mark 13:27

Ma bayi l’oeg e pi engel rok ngar kunuyed girdi’en Got nike mel’eg Got u lan e aningeg yangi n’en u fayleng ni ir e ma thow e nifeng riy u baraba’ e fayleng nge yan i mada’ nga baraba’.”

Luke 24:47

mu fithingan e ngan machibnag riy e thin rok Got ni murung’agen ni ngan kolngan’uy nga ni pi’ keruuy ko denen, me n’ag Got fan, ni thingar ni machibnag ngak urngin e pi nam, ni ngan tabab ngay u lan yu Jerusalem.

John 11:52

ni gathi kemus ni go’ yad e fan ngorad, machane ku fan e ngan ta’ab girdi’nag urngin pifak Got ni yad ba wear u fayleng.)

Roma 10:18

Machane nggu fith ni nge lungug: Gur riyul’ ndar rung’aged e re thin rok Got nem? Rrung’aged — ni bod ni be yog e babyor nib thothup ni be ga’ar: “Lamrad e wear nga urngin yang u daken e fayleng, thin rorad e ke taw ko gin ni mus e fayleng riy.”

1 Korinth 15:52

ni bod machregin lan mit be’ ni talab, ko ngiyal’ ni bay non e bin tomur e rappa riy. Ya nap’an nra non, mi ni faseg e yam’ mra ngal’gad ni girdi’ ndab ki yim’ bi’id, ma gadad gubin ni bay nthiliyeg dowdad.

Efesus 1:10

N’en nike mu’ i leamnag rok Got ni nge rin’ e bay fini taw nga nap’an me libguy, ni aram e nge kunuy urngin e tin ni sunumeg ban’en nga ta’bang, ni urngin ban’en ni bay u tharmiy ngu but’, me par Kristus ni ir e llug riy.

Deuteronomy 30:4

Ni yug aram rogon ni weregmed ko yungin th’abi orel u fayleng, me SOMOL ni Got romed e bayi kunuymed nge fulwegmed,

Deuteronomy 4:32

“Mu sulod ngam gayed murung’agen e kakrom, ni tin ba’aram e rran ndawor ni gargelegmed, ni tabab ko fa ngiyal’ ni ba’aram ni sunumeg Got e girdi’ u daken e fayleng; mu gayed u ga’ngin yang e fayleng. Ka’a m’ug ban’en ni yira ngat ngay ni aram rogon? Ka e rung’ag be’ murung’agen ban’en ni ara’ rogon?

1 Thessalonika 4:16

Bay nrung’ag ba lam ni ba ga’, min rung’ag laman pilungen e engel, min rung’ag laman e rappa rok Got, ma aram me yib Somol u tharmiy nga but’! Ma pi’in karm’ad nib mich Jesus u wun’rad e bay ni fasegrad ko yam’ ni som’on;

2 Thessalonika 2:1

Ere rogon e wub nra tay e Somol rodad i Jesus Kristus nge rogon ni yira ulunguydad ngak e gu be wenignag ngomed, pi walageg ni girdi’en Kristus,

Hebrews 12:19

lingan ba rappa, nge ba lam ni non. Ma fa’ani rung’ag e girdi’ e re lam nem ni non miyad wenig ni nge dab kur rung’aged bbug e thin,

Revelation 1:20

Ba’aray e n’en nda nnang fan mi murung’agen fa medlip i t’uf ni ba’aray ni ga be guy u lan e ba’ ni mat’aw i pa’ag, nge fa medlip ley i tagil’ e magal ni ba’aray ni kan ngongliy ko gol: re medlip i t’uf ney e ireray fa medlip i engel ko fa medlip i galesiya, ma medlip ley i tagil’ e magal ney e fa medlip i galesiya.”

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”

Revelation 7:1

Ma fa’ani mu’ e biney mu gguy aningeg i engel ni yad ba sak’iy ko fa aningeg i tabthung nu fayleng, ni kar taleged fa aningeg i nifeng nu fayleng, ni bochan e nge dabki thow e nifeng u daken e fayleng, ara u daken e day, ara nga daken ba ke gek’iy.

Revelation 8:2

Mu gguy fa medlip i engel ni yad ba sak’iy u p’eowchen Got; ni medlip e rappa ni kan pi’ ngorad.