Matthew 23:38 - Bible Ni Thothup

³⁸ Ere chiney e bay nn’ag e tabinaw rom.

Matthew 23:38 Σταυροειδείς Αναφορές

1 Kings 9:7

ma aram e nggu chuweg yu Israel ni girdi’ rog ko re nam ney ni gag e kug pi’ ngorad. Ma kug ra n’ag e re Tempel ney ni gag e kug thothupnag ni aram e gin ni ngu’un liyor ngog riy, ma girdi’ u gubin yang e bay ur moninggad ngak yu Israel ma yad be darifan nagrad.

Psalms 69:24

Mu pu’og e damumuw rom nge dakenrad; damumuw rom nib gel e nge kolrad!

Psalms 69:25

Mang e yugun n’ag e yungi n’en ni yad ma par riy nge par ni dakriy be’ riy; mang e par e pi tent rorad ni ndakuriy be’ riy ni kabfos!

Isaiah 5:9

Ku gu rung’ag lungun SOMOL ni Gubin ma Rayag Rok ni be ga’ar, “Urngin e pi naun ney nib ga’ ma ba manigil e ra par nike mogoth ni dakriy gathon.

Jeremiah 22:5

Machane fa’anra dab mu folgad ko n’en kugog, ma aram e gu be micheg ngomed ni re tafen e pilung ney e bayi puth nga but’ nge mogothgoth. I Gag SOMOL e kugog e pi thin ney.

Daniel 9:26

Ma bayi m’ay e ngiyal’nem ni Got e ke turguy ma bay ni thang e pogofan rok fa en ni turguy Got ni nge gagiyeg, ndariy ban’en nike bucheg. Re binaw nem nge fare Tempel ni bay riy e bay yib e salthaw rok ba pilung nib gel gelngin ngar buthuged. Ma tomur riy e yib ni bod e lul’ ni sugubur nge yib e ran riy i tharey e binaw nib tomgin nike fek e mael nge mogothgoth i yib ni Got e ke tiriggiliy.

Zefaniah 3:6

Be ga’ar SOMOL, “Kug thirif e pi nam ni polo’ u but’; ma kug gathay e pi binaw rorad ke par e pi yoror nge pi tafen e damit riy ni dakriy woton u but’. Fapi binaw e dakriy be’ riy; ma yupa’ i kanawo’ e dakriy be’ ni be yan riy, ya dariy be’ ni magach.

Zekariah 11:6

I SOMOL e ga’ar, “Bay dab kug runguy be’ u daken e fayleng. I gag e bay gu tay gubin e girdi’ nga tan gelngin e pi’in yad ma gagiyeg nagrad. Pi tagagiyeg ney e bay ra kireb niged e fayleng, ma dab gu ayweg e fayleng u pa’rad.”)

Matthew 24:2

Me ga’ar Jesus, “Bfel’ ni ngam fal’eged i yaliy e pi naun ney. Ba’aray bbugithin ni nggog ngomed: dariy ta’reb e malang u roy ni yira pag u tagil’, ya gubin ni bay nin’ nga but’.”

Mark 13:14

“Bay mu guyed e N’en ni Th’abi Dabuy nike sak’iy ko gin nsusun e dabi sak’iy ngay.” (En nra poy e re bugithin ney e ngari tiyan’ ngay nge nang fan!) “Ma aram e pi’in yad bay u Judea e thingar rmilgad nga daken e pi burey;

Luke 13:35

Ere chiney e bay nn’ag e tabinaw rom. Ma nggog ngom ni bay dab kum guyeg nge yan i mada’ ko ngiyal’ ni bay mog ni lungum, I Got e nge ayuweg e en nike yib ni owchen Somol.”

Luke 21:20

“Fa’anra mu guyed yu Jerusalem nike longobiy yu raba’ i salthaw, ma aram e kam nanged ndab ki n’uw nap’an min kirebnag.

Luke 21:24

Ma bay nthang e fan rorad ko saydon, min fekrad ni kalbus nga urngin e nam, ma pi’in gathi yad piyu Israel e bay ur yot’ed daken yu Jerusalem nge mada’ ko ngiyal’ ni ngar musgad riy.”

Luke 21:6

“Urngin e pin’ey ni gimed be guy e bay taw nga ba ngiyal’ ndariy ta’reb e malang u roy ni yira pag u tagil’, ya gubin ni bay nin’ nga but’.”