Matthew 20:22 - Bible Ni Thothup

²² Me fulweg Jesus ngorow ni ga’ar, “Da mu nangew e n’en ni gimew be wenignag. Rayag romew ni ngam unumew e n’en ni bay ko fare kap nike chugur ni nggu unum?” Miyow fulweg ni lungurow, “Rayag romew.”

Matthew 20:22 Σταυροειδείς Αναφορές

Psalms 75:3

Urngin e pin’en ni bay e yafos riy nra durru’ ma fayleng e ra rur, machane bay gu duwgiliy e pi duga’ ko fayleng nib muyluy.

Proverbs 16:18

Tolngan’ e be sor i yan ko riya’, ma ufanthin e be sor i yan ko gin yira mul riy.

Isaiah 51:17

Jerusalem, mu od! Mu sak’iy! Ka mu unum fare kap ko gechig ni fithik’ e damumuw rok SOMOL e ke pi’ riy ngom ni ngam unum; kam unum kem’ay, ga be thigthig.

Isaiah 51:22

I SOMOL ni Got romed ni be n’ufegmed e be ga’ar, “I gag e nggu chuweg fare kap ni gu pi’ ngomed u fithik’ e damumuw rog. Bayi dab kum unumed fare wayin nma thigthig nagmed.

Jeremiah 49:12

“Fa’anra mus ngak e pi’in dariy rogon ni ngan gechignag ma dabisiy ni ngar unumed e n’en ni bay ko fare kap ko gechig, ma gimed be leamnag ni gimed ra thay ko gechig? Danga’, thingar mu unumed e n’en ni bay ko fare kap!

Matthew 26:35

Me fulweg Peter ni ga’ar, “Mus ni fa’anra nggu un ngom ko yam’, ma ri dab gog nda gu nangem!” Ma urngin pi gachalpen Jesus nrogned ni aram rogon.

Matthew 26:39

Me yan bochu’uw nga orel, me yan i paraw nga but’, me meybil ni ga’ar, “Chitamag, fa’anra yag ma ga fek e re kap ney ngam chuweg rog! Machane gathi tin ni gu ba’adag e ngam rin’ ya tin ni gab adag.”

Matthew 26:42

Miki yan Jesus ko yay ni gaman e l’agruw ngay nge yan i meybil ni ga’ar, “Chitamag, fa’anra dab mu chuweg e re kap ney rog ya thingar gu unum, me ere mu rin’ e tin nib m’agan’um ngay.”

Matthew 26:56

Machane urngin e pin’ey ma ke yodoroy ya nge m’ug nriyul’ e tin ke yoloy e profet u lan e babyor nib thothup.” Ma urngin fa pi’in gachalpen nra paged ngar milgad rok.

Mark 14:36

Me meybil ni ga’ar, “Chitamag! Urngin ban’en mrayag rom. Mu chuweg e re kap ney rog. Machane gathi tin nib m’agan’ug ngay e ngam rin’, ya tin nib m’agan’um ngay e ngam rin’.”

Luke 12:50

Bay ba tawfe ni ngan tawfe nigeg ngay nri bay i amith lanin’ug riy nge yan i mada’ ko ngiyal’ nike mu’!

Luke 22:42

Me ga’ar, “Chitamag, fa’anra mm’agan’um ngay ma ga fek e re kap ney ngam chuweg rog. Machane gathi tin nib m’agan’ug ngay e ngam rin’, ya tin nib m’agan’um ngay.”

John 18:11

Me ga’ar Jesus ngak Peter, “Mu sulweg e saydon rom nga tafen! Ga be finey ndab ku gu unum e n’en ni bay ko fare kap ni aram e gafgow nike pi’ e Chitamag ngog?”

Roma 8:26

Ere ku errogon fare Kan Nthothup nma yib i ayuwegdad ko me’waer rodad. Ya ra dab da nanged e yu bugithin ni ngdogned nge yag nda meybilgad nrogon, ma fare Kan Nthothup e ir e ma weliy ngak Got e n’en ni gadad be wenignag ni rrogon ndabiyag i weliy ko thin.

James 4:3

Ma fa’an gimed ra ning ngak ma der pi’ ngomed ni bochan e ba kireb e tin ni gimed be finey ngay; ma gimed be ning bogi n’en ngak ni ngam fanayed ko tin nib kireb ni ir e gimed be yim’ ni bochan.