Matthew 20:16 - Bible Ni Thothup

¹⁶ Me ul ul Jesus ngay nge ga’ar, “Ere pi’in yad ba tomur e bay ra m’onod, ma pi’in yad mm’on, e bay ra tomurgad.”

Matthew 20:16 Σταυροειδείς Αναφορές

Matthew 19:30

Machane bo’or e girdi’ ni yad bm’on e chiney ni bay ra tomurgad, ma bo’or e girdi’ ni yad ba tomur e chiney ni bay ra m’on gad.

Matthew 21:31

Ere mini’ rok fa gal i nem e rin’ e tin ni ba’adag e chitamngin?” Miyad fulweg ngak ni lungurad, “Fa bin ba ilal.” Me ga’ar Jesus ngorad, “Ba’aray ban’en ni nggog ngomed ni nge lungug, pi’in ntamukun tax nge pi’in ni ppin ni yad ma chuway’ ngorad e yad be un ko gagiyeg rok Got ni kar m’onod romed.

Matthew 22:14

Me museg Jesus u rom me ga’ar, “Ya bo’or e girdi’ ni kan piningrad, machane ba lich e kan mel’eg.”

Matthew 7:13

“Marod ko bin nib wen’in e garog, ya ba ga’ langan e garog ko nifiy, ma kanawo’ ni yan ngay e bmom, ma bo’or e girdi’ ni be yan u daken.

Mark 10:31

Machane bo’or e girdi’ ni yad mm’on e chiney ni bay ra tomurgad, ma bo’or e girdi’ ni yad ba tomur e chiney ni bay ra m’ongad.”

Luke 14:24

Nggog ngomed ni gimed gubin, ndariy bagayad fa pi’in nni piningrad ko som’on nra ri’ e ggan rog!’ ”

Luke 15:7

Ere nggog ngomed ni ku ireray rogon ni ba ga’ e felfelan’ ni yira tay u tharmiy ni bochan ta’reb e tadenen nike pi’ keru’ ko kireb ni be ngongliy, ko felfelan’ ni yira tay ni bochan mereb i ragag nge mereb e girdi’ ni yad ba yal’uw ni dariy rogon ni ngar pi’ed keru’rad ko denen.”

Luke 7:47

Ere nggog ngom ni gelngin nri gub t’uf rok nike dag e ir e ke micheg ni denen rok nib pire’ e ke m’ayfan. Machane cha’ ni bochu’uw e denen rok ni ke m’ayfan, e ri bochu’uw e t’ufeg ni be dag.”

Roma 5:20

Motochiyel e ni pi’ ni fan e nge yib i m’ug gelngin e kireb ni yibe ngongliy i yan; machane fa’ani yo’or e denen, miki yo’or e runguy rok Got.

Roma 8:30

Ere Got e ke pining e pi’in ir e ke falrad ngabang; gathi kemus nike piningrad, ya ku errogon nike mat’aw nagrad ngak; gathi kemus nike mat’aw nagrad ngak, ya ku errogon ni ngar uned ngak ko fla’ab rok.

Roma 9:30

Ere mang e nga dogned? Nga dogned ni pi’in gathi yad piyu Israel ni bogni’ nda ur guyed rogon ni ngar mat’awniged yad ngak Got e mat’awnagrad Got ngak u daken e michan’ rorad ngak Jesus Kristus;

1 Thessalonika 2:13

Ma ku ba’aray reb i fan ni gubin ngiyal’, ma gamad be pining e magaer ngak Got, bochan e gu feked e thin rok Got i yib ngomed mi gimed rung’ag nge mu’ mi gimed fol riy, ma da mu leam niged ni thin rok e girdi’, ya mu leam niged ni thin rok Got, ni er e bin ni ir, ya ri ir e thin rok. Ya Got e be maruwel u fithik’med e pi’in ke mich Got u wun’med.