Matthew 2:5 - Bible Ni Thothup

⁵ Miyad fulweg ngak ni lungurad, “U lan e binaw nu Bethlehem, ni bay u lan yu Judea. Ba’aray e tin ni yoloy e profet ni ga’ar:

Matthew 2:5 Σταυροειδείς Αναφορές

Genesis 35:19

Nap’an ni yim’ Rachel min k’eyag nib chuchugur ko kanawo’ ni sor nga Efrath, ni aram yu Bethlehem e chiney.

Matthew 2:1

I Jesus e ni gargeleg u lan e binaw nu Bethlehem, ni bay u lan e nug nu Judea, ko ngiyal’ ni Herod e pilung. De n’uw nap’an ni kan gargeleg Jesus me yib boch e girdi’ u ngek nga Jerusalem, ni girdi’ ni manang murung’agen e t’uf, miyad fith ni be lungurad,

Matthew 2:4

Me ulunguy Herod urngin e pi tolang ko prist nge pi tamchib ko Motochiyel nge fithrad ni ga’ar, “U uw e yira gargeleg fare Messiah riy?”

John 7:42

Ya be yog fare babyor nib thothup ni fare Messiah e be’ ni owchen e ganong rok David, ma yira gargeleg u lan yu Bethlehem, ni fare binaw ni i par David riy.”

Joshua 19:15

Nib mu’un yu Kattath ngay, Nahalal, Shimron, Idalah, nge Bethlehem: ragag nge l’agruw e binaw u gubin nib mu’un e yuchi binaw nib liyeg e pi binaw ney ngay.

Judges 17:7

Ma ku ngiyal’nem ma immoy be’ nu Levi ni kab pagel ni i par ko fachi binaw nu Bethlehem u lan yu Judah.

Ruth 1:1

Pi rran nem ni pi’in tapuf oloboch e be gagiyegnag yu Israel e yib ba uyongol ko re nam nem. Mu Bethlehem, ni bay u lan e nam nu Judah, e yan be’ nib mo’on riy ko nam nu Moab ni nge par u rom ni bay n’umngin nap’an; me un le’engin nge l’agruw i pumo’on ni fak ngak ngranod.

Ruth 1:19

Miyow yan ngar mada’gow nga Bethlehem. Ma fa’anra tawgow me yo’or lanyan’ e girdi’ u ga’ngin fare binaw, me ga’ar e pi’in ni ppin, “Gur fa’anem i Naomi eray?”

Ruth 2:4

Me taw Boaz ni aram e ke yib u Bethlehem. Me ga’ar ngak fapi girdi’en e maruwel, “I SOMOL e ngi i par romed!” Miyad fulweg ni lungurad, “I SOMOL e nge ayuwegnem!”

Ruth 4:11

Pi’in yad ma yog e thin nge girdi’ ni yad bay u rom e ra ga’argad, “Errpgpm. gamad e kug manged mich riy. Mang e yigi ayuwegh SOMOL le’engim nge bod Roachel nge Leah, nra diyen nigew bo’or e bitir ku Jakob. Mang e yigi yo’or ban’en rom u lan fare ke girdi’ rok Efrath me gilbugwam u lan yu Bethlehem.

1 Samuel 16:1

Me ga’ar SOMOL ngak Samuel, “Uw n’umngin nap’an ni ngam par ni be kireban’um ngak Saul? Kug chuweg ko pilung ndab kimang pilung nu Israel. Mfek boch e gapgep ko olive, ya nggu l’ugem ngam man nga Bethlehem ngak be’ nib mo’on ni Jesse fithingan, ya kug turguy reb e pagel ni fak ni ir e nge mang pilung.”