Matthew 18:28 - Bible Ni Thothup

²⁸ “Me yan fare mo’on nga wean me mada’nag reb e tapigpig ko fare masta rok ni bod ir, ni bay in e dollar ni malfith rok fa’anem ngak. Me thiy pa’ ngak nge dun’uf k’angan ni be ga’ar, ‘Mu fulweg ngog e salpiy ni mfek rog ni malfith!’

Matthew 18:28 Σταυροειδείς Αναφορές

Nehemiah 10:31

Fa’anra fek e girdi’ nu boch e nam e pi wom’ngin e grain fa demturug e mit i n’en ni ngar pi’ed ngomad ni chuway’ ko Sabbath ara demturug e re rran nreb e rran nib thothup, ma dab gu chuw’iyed rorad. Gubin e medlip e duw nra m’ay ma dab gu milay’ niged e but’, ma gamad ra n’ag babyoren gubin e pi malfith ni bay.

Nehemiah 5:7

mu gu turguy u wun’ug ni nggu rin’ ban’en. Mu gup’ e kireb rok e pi’in ma yog e thin nge pi tolang rok fapi girdi’ nga owcherad ni lungug, “Gimed be gafgownag e pi’in gimed!” Mu gog ngak e girdi’ ni gubin ni ngan mu’ulung ni fan ko re oloboch ney

Proverbs 28:3

Be’ nma gagiyeg nma gafgownag e pi’in gafgow e bod e n’uw nib gel nma gathay e woldug.

Isaiah 58:3

Girdi’ e fith ni ga’ar, “Mang ni ngad paged e abich ni SOMOL ma dar guy? Mangfan ni dab kud ked ban’en ndar yaliy e n’en ni gadad be rin’?” Be ga’ar SOMOL ngorad, “Bin riyul’, e nap’an ni gimed ra pag e abich, ma tin gimed ba’adag e ir e gimed be leamnag, mi gimed gafgownag e pi’in yad be maruwel romed.

Ezekiel 45:9

I SOMOL ni Th’abi Tolang e ga’ar, “Kaygi n’uw nap’an ni kam denengad, gimed e pi tagagiyeg nu Israel! Mu taleged e ma’ngach nge kireb romed. Mu rin’ed e tin ni bfel’ mab mat’aw. Thangri dab kum tulfed e girdi’ rog u daken taferad bayay. I Gag SOMOL ni Th’abi Tolang e gu be yog e pi thin ney ngomed.

Matthew 18:27

Me kireban’ fare masta rok ngak, me n’ag fan u wan’ fare malfith rok fa’anem ngak me pag fa’anem nge yan.

Matthew 18:29

Me ragbug fare tapigpig ni yow u p’eowchen nga but’ nge wenig ngak ni ga’ar, ‘Mu gum’an’ nigem rog, ya bay gu fulweg e salpiy rom!’

Matthew 20:2

Me ta’reban’rad ngay ni nge pi’ puluwrad, nrogon ni yibe pi’ puluwon e girdi’ nra reb e rran ma reb e salpiy nsilber, me pi’rad ngranod ni ngar maruwelgad u fithik’ fa gi grape ni fi’in.

Mark 14:5

Ya rayag ni ngan pi’ ni chuway’ nge yib puluwon nib pag dalip mir’ay e salpiy ni waser nib silber riy mi ni wereg u pa’ e pi’in gafgow!” Miyad puwan’ ngak fare pin.

Mark 6:37

Me fulweg Jesus ni ga’ar ngorad, “Gimed e mpi’ed ban’en ngorad ngar ked.” Me lungurad ngak, “Gab adag ni gamad ra yan gu chuw’iyed urngin e flowa nrayag u l’agruw mir’ay yang e salpiy ni wasey nib silber nggu pi’ed ngorad ngar ked?”

Luke 10:35

Me yan ni reb e rran riy me fek l’agruw e salpiy ni silber, nge pi’ ngak e en ni ir e bmil suwon fare naun ntafen e milekag ngak. Me ga’ar ngak, ‘Mu ayuweg e cha’ney ya bay gu sul mu gu fulweg ngom e salpiy ni kam n’ag nga puluwon.’ ”

Luke 7:41

Me tabab Jesus ngay ni ga’ar, “Immoy l’agruw i mo’on nra tew e malfith ni salpiy ngak be’ nma pi’ e salpiy ko girdi’ ngan maruwel ngay nge mu’ mi ni fulweg: bagayow e lal mir’ay e salpiy ni wasey nib silber e tay ngak ni malfith ma bagayow e wugem.

John 6:7

Me fulweg Filip ni ga’ar, “Urngin e pi girdi’ ney ni fa’anra nge bagayad me kay bochu’uw, ma flowa ni yira chuw’iy e ra pag l’agruw mir’ay e salpiy ni wasey ni silber puluwon.”

Deuteronomy 15:2

Ba’aray rogon ni ngan rin’. En ke pi’ e salpiy ni malfith ngak reb e girdi’ nu Israel e nge pag fare malfith; dabki guy rogon ni nge fulweg fare salpiy rok fa’anem; ni bochan e SOMOL e ir rok e keyog nike math fare malfith.