Matthew 17:24 - Bible Ni Thothup

²⁴ Ma fa’ani yib Jesus nge pi gachalpen nga Kapernaum, me yib e pi’in yad ma kunuy e tax ko Tempel ngak Peter ngar fithed ni lungurad, “Ma pi’ e tamchib romed e tax nu Tempel fa danga’?”

Matthew 17:24 Σταυροειδείς Αναφορές

Nehemiah 10:32

Gubin e duw ma ra bagmad me pi’ in e silber nib ayuw nga puluwon e tin nib t’uf ko maruwel u Tempel.

Exodus 30:13

Gubin e girdi’ ni kan the’egrad e thingar ra pi’ed e salpiy ni oren ni kanog, ni bod tomalngin ni kan turguy ni ngan pi’. Gubin e girdi’ nthingar ra pi’ed e salpiy ni aram e kar og niged ngog.

Exodus 38:26

Re matha’eg ney e aram urngin ni mokun u pa’ urngin e girdi’ ni kan the’egrad, ra bagyad me pi’ oren ni kanog, ni bod tomalngin ni kan duwgiliy ko thabthabel e ngiyal’nem. Urngin e pumo’on ni rriliw e duw yangren ngalang ko fare mathe’eg girdi’ e 603,550 urungrad.

Matthew 5:46

Ere mang ni gimed be finey nra fulweg Got labgen ngomed ni fa’anra kemus ni pi’in gimed ba t’uf rorad e yad ba t’uf romed? Ya mus ngak e pi’in yad ma kunuy e tax ma ireyer e n’en ni yad ma rin’!

Mark 9:33

Me ere rabad nga Kapernaum, ma nap’an nranod nga naun me fith Jesus fa pi’in gachalpen ni ga’ar, “Mang e um tugthin niged u kanawo’?”