Matthew 15:22 - Bible Ni Thothup

²² Me yib be’ ni bpin u Kanaan ngak nma par ko gi nug nem. Me pining ni ga’ar, “Fak David, mu runguyeg! Bochi pin ni fakag e ke ying ba mo’onyan’ ngak, ni kari ubchiya’.”

Matthew 15:22 Σταυροειδείς Αναφορές

Psalms 4:1

Mu fulweg taban e meybil rog, A Got, ni gur e rungrung rog! Nap’an ni ug moy u fithik’ e oloboch, ma gur e mu aywegeg. Mu gol ngog e chiney ma ga rung’ag e meybil rog.

Psalms 45:12

Girdi’ nu Tyre e bay ra feked e tow’ath rom i yib; girdi’ ni yo’or ban’en rorad e bay ra guyed rogon ni ngam adag dakenrad.

Psalms 6:2

SOMOL, kem’ay gelngig; ere wurengan’um ngog! Mu pi’ gelngig; ya kri thowparwog

Ezekiel 3:6

Ya fa’an mang e nggu l’oegem ngam man ngak e pi nam ni ba ga’ mab mo’maw’ e thin rorad ma yad ra non ma dab mu nang fan lungurad, ma yad ra motoyil ngom.

Matthew 1:1

Ireray babyoren e pi ga’ rok Jesus Kristus, ni be’ ni owchen David, me David e be’ ni owchen Abraham.

Matthew 15:23

Machane de yog Jesus ta’ab bugithin ngak. Me yib pi gachalpen ngak ni yad be wenig ngak ni be lungurad, “Mog ngak e re pin nir nge yan; ya yugu be lekdad nike mada’ laman ngalang!”

Matthew 17:15

me ga’ar ngak, “Somol, mu runguy fakag! Ya ma yib e m’ar ni epilepsy ngak nib gel nra yib ngak me thay nga mit e nifiy fa nga fithik’ e ran.

Matthew 4:24

Me wear murung’agen u daken e nam nu Syria ni ga’ngin, ma aram mi i fek e girdi’ i yib ngak urngin e pi’in bay e liliy rorad ni gubin mit, nge pi’in kar gafgowgad u urngin mit e gafgow; ni girdi’ nike ying e mo’onyan’ ngorad, nge girdi’ ni bay e m’ar rorad ni epilepsy, nge pi’in ndariy gelngin bang u dowrad, ma yigo’ gol nagrad Jesus ko liliy ni yad gubin.

Matthew 9:27

Me chuw Jesus u rom, ma nap’an ni be yan me yib l’agruw ni’ ni yow bmalmit, ni yow be lek. Me lungurow ni yow be tolul, “Mu runguymow, i gur Fak David!”

Luke 17:13

ngar tolulgad ni lungurad, “Jesus! Masta! Mu runguymad!”

Luke 18:13

Machane fa’anem nib tamukun tax e par nib orel boch me mus ni nge pug owchen ngalang ma de rin’, machane me gad pa’ nga daken ngorongoren me ga’ar, Got, mu runguyeg, i gag e re tadenen ney!”

Luke 6:18

ni karbad ni ngar motoyilgad ngak me chuweg e liliy rorad. Ma pi’in be gafgow nagrad e mo’onyan’ e ku rabad ngak nge gol nagrad.