Matthew 14:13 - Bible Ni Thothup

¹³ Ma fa’ani rung’ag Jesus e re thin nem, me af nga bowoch nge chuw u rom nge yan ngabang ni go ir ndariy be’ riy. Me rung’ag e girdi’ murung’agen, miyad digey e binaw rorad ngar leked u arow.

Matthew 14:13 Σταυροειδείς Αναφορές

Matthew 10:23

Ma ngiyal’ ni yad ra gafgow nagmed riy u reb e binaw, e ngam milgad nga reb e binaw. Ya nggog ngomed, ndabiyag ni gimed ra mu’nag e maruwel romed u lan gubin e binaw nu Israel u m’on ko ngiyal’ nra yib e en ni Fak e Girdi’ riy.

Matthew 12:15

Ma fa’ani rung’ag Jesus murung’agen ni kan puruy’nag ni ngan li’ ngem’, me yan nge chuw u rom; me un e girdi’ ngak ni pire’. Me golnag urngin e pi’in bay e liliy rorad,

Matthew 14:12

Me yib pi gachalpen John ngar feked downgin ngar k’eyged; miyad yan ngar weliyed ngak Jesus.

Mark 1:35

Tanirran ni kab neap’ me od Jesus nge yan nga wuru’ e binaw, me yan ngabangi n’en ndariy e girdi’ riy, me par u rom nge meybil.

Luke 4:42

Ma nap’an ni be puf e woch me chuw Jesus u lan binaw nge yan ngabangi n’en ndariy e girdi’ riy. Me tabab e girdi’ i changarnag, ma fa’anra pir’eged miyad guy rogon ni ngar taled ni nge dabki yan.