Matthew 13:55 - Bible Ni Thothup

⁵⁵ Gathi ir fa’anem ni fare dayksang e chitamngin? Gathi Maria faram e chitiningin, mi James, nge Josef, nge Simon, nge Judas e pi walagen ni pumo’on?

Matthew 13:55 Σταυροειδείς Αναφορές

Psalms 22:6

Machane gathi ka gag ba girdi’, ya kug par ni gu ba ololay, ndakuriy fag u wan’ urngin e girdi’ ma yad be moning nigeg!

Isaiah 49:7

Got rok yu Israel nib thothup ni ir e ke biyuliyrad e be ga’ar ngak fa’anem nri yibe darifannag, ma be fanenikay e pi nam daken, me ir e tapigpig rok e pi pilung: “Pi pilung e bay ra guyed gur ndakuriy be’ ni ga bay u tan pa’ miyad yib ngar ted fam; ku er rogon e pi’in yad ma gagiyeg ni bay ra guyed miyad paraw nga but’ ngar ted fam.” Bayi yodoro’ ya SOMOL e ke mel’eg fare tapigpig rok; ma Got rok yu Israel nib thothup e ma tay e thin rok u gil’.

Matthew 27:56

Mu fithik’rad e immoy Maria Magdalene riy, nge Maria ni chitiningin James nge Josef, nge chitiningin fa gali pagel ni fak Zebede.

Mark 15:40

Ma ku errogon bogi ppin ni ur moyed u rom ni yad be changar u orel ngaram, ni bay Salome nge Maria Magdalene, nge Maria ni chitiningin e bin bitir e James, nge Joses u fithik’rad,

Mark 15:47

I Maria Magdalene nge Maria ni chitiningin Joses e ra guyew e gin nni yan ntay downgin Jesus ngay.

Mark 6:3

Gathi ir fare daiksang ni fak Maria, ma walagen James, nge Joses, nge Judas, nge Simon? Ma gathi ma par pi walagen ni ppin u roy?” Ma aram mra dabuyed ni ngar motoyilgad ngak.

Luke 1:27

Ni bay bbugithin ni nge yog ngak be’ ni bpin ni kanog ni ngar mabgolgow be’ nib mo’on ni Josef fithingan, ni ir reb i owchen David ni pilung, ni Maria fithingan e re pin nem.

Luke 24:10

Ma pi ppin nem e Maria Magdalene, nge Joanna, nge Maria ni chitiningin James; ni yad nge ku boch e ppin ni un ngorad e ra weliyed e pin’ey ngak fapi apostel.

Luke 3:23

Gonap’an e guyey e duw yangren Jesus me tabab ko maruwel rok; mi Josef e chitamngin, ni girdi’ e leamnag ni aram rogon, mi Heli e chitamngin Josef,

Luke 4:22

Ma gubin e girdi’ ni immoy u rom e rogned e sorok ngak, miyad gin ko pi thin nem ni bfel’ nike weliy ngorad. Me lungurad, “Gathi ireray fa’anem ni fak Josef?”

Luke 8:20

Ma aram me ga’ar be’ ngak Jesus, “Ba sak’iy e chitinam nge pi walagem ni pumo’on u wean ni yad be guyem.”

John 19:25

Ma pi’in yad ba chugur ko kuruth ku Jesus ni kar sak’iygad, e en ni chitiningin, nge be’ ni bpin ni walagen e chitiningin, nge Maria ni ir e leengin Klopas, nge Maria Magdalene.

John 6:42

Ma aram me lungurad, “Gathi re mo’on ney e fa’anem i Jesus ni fak Josef? Gadad manang e chitamngin nge chitiningin. Ere uw rogon ma keyog e chiney ni yib u tharmiy nga but’?”

John 9:29

Gamad manang ni welthin Got ngak Moses; ma re mo’on nem e mus ko gin ni yib riy ma da gu nanged!”

Galatia 1:19

Ma da kug guy yugu reb e apostel, kemus ni James e gguy, ni ir e walagen Somol.

Jude 1:1

Re babyor ney e yib rok Jude ni ir reb e tapigpig rok Jesus Kristus, ni be’ nib mo’on ni walagen James — Ngak e pi’in nike piningrad Got, ni yad be par ni yad bt’uf rok Got, ni ir e Chitamangiy, ma be yororiyrad Jesus Kristus: