Matthew 13:44 - Bible Ni Thothup

⁴⁴ “Gagiyeg nu tharmiy e bod ban’en nrib t’uf ma rib tolang puluwon nni k’eyag u daken bangi milay’ ni aram e kan mithag. Me pir’eg be’ nib mo’on, miki tharey bayay. Me ri gel e felfelan’ ngak me yan nge pi’ ni chuway’ urngin ban’en ni bay rok, me sul nge chuw’iy fa gi milay’.

Matthew 13:44 Σταυροειδείς Αναφορές

BABYOR NI JOB 28:13

Gonop e dab ni pir’eg u fithik’ e girdi; dariy be’ ni manang e bin rriyul’ i fal’ngin.

Proverbs 16:16

Rib fel’ nrib pag feni fel’ ni nge yag e gonop nge llowan’ ko bin nge yag e gol nge silber.

Proverbs 17:16

Dariy gam’ingin ngak be’ nib balyang ni nge n’ag e salpiy ko sukul, ya dariy e nangan’ rok.

Proverbs 18:1

Girdi’ nda rir m’aged yad ndak boch e girdi’ e go’ yad e yad ma leam nagedyad; ma der ma m’ag u wan’rad e tin go’ yimnang ni bfel’.

Proverbs 23:23

Tin nriyul’, gonop, fanow nge tamilangan’, irera’ e pin’en ni bay rogon ni ngan chuw’iy, ma ri dab mu pi’ ni chuway’.

Isaiah 55:1

Be ga’ar SOMOL, “Mired, ni gimed gubin e pi’in ke yib e belel ngomed, ba’aray e ran! Mired e pi’in ndariy e salpiy romed, mu chuw’iyed e grain ngam koyed! Mired, mu chuw’iyed e wayin nge milik, dariy puluwon ni ngam pi’ed!

Matthew 13:24

Miki yog Jesus reb e fanathin ngorad ni ga’ar: “Gagiyeg nu tharmiy e bod be’ nib mo’on ni wereg awochngin e woldug ni bfel’ u milay’ rok.

Matthew 13:46

Ma fa’ani pir’eg reb nrib fel’ me yan i pi’ ni chuway’ urngin ban’en ni bay rok, me fek e salpiy riy nge chuw’iy fare churuwo’ ngay.

Matthew 13:47

“Ma ku errogon ni gagiyeg nu tharmiy e bod ba nug nni yan ni pag u lan e lipath, ni urngin mit e nig mra aw ngay.

Matthew 19:21

Me ga’ar Jesus ngak, “Fa’anra gab adag ni ngam yal’uw me ere mman ngam pi’ ni chuway’ urngin ban’en ni bay rom ma ga fek e salpiy riy ngam pi’ ngak e pi’in yad ba gafgow, ma aram e ke yag e fla’ab ngom u tharmiy; ma ga yib ngam un ngog.”

Matthew 19:27

Me non Peter ni ga’ar, “A mu guy, kug paged gubin ban’en kug uned ngom. Ere mang e bayi yag ngomad.”

Matthew 19:29

Ma urngin e girdi’ ni kar paged e tabinaw rorad, ara pi walagrad ni pumo’on, ara pi walagrad ni ppin, ara matam, ara matin, ara bitir, ara yungi binaw ni taferad ni bochag, e ra’ay yay e pin’ey ni bayi mun ngorad, ma yira pi’ e yafos ndariy n’umngin nap’an ngorad.

Matthew 6:21

Ya lanin’med e gubin ngiyal’ ni bay i par ko gin ni bay e fla’ab romed riy.

Luke 14:33

Me ga’ar, “Ere ku aray rogon ndariy bigimed nra mang gachalpeg ni fa’anra dabi pag urngin e tin ni bay rok ban’en.”

John 6:35

Me yog Jesus ngorad ni ga’ar, “I gag fare ggan nma pi’ e yafos. En nra yib ngog e dabki yib e bilig ngak bi’id; ma en nra gu mich u wan’ e dabki yib e belel ngak bi’id.

Roma 15:4

Ya urngin ban’en nni yoloy ngalan e babyor nib thothup e ni yoloy ni nge fonow nagdad, ni bochan e nge yag e l’agan’ ngodad u fithik’ e gumaen’ nge athamgil laniyan’ ni be pi’ e thin ko babyor nib thothup ngodad.

Kolose 2:3

Ya ir fare kiy nma bing urngin e pin’en ni bfel’ nike tay Got nib mith, ni aram e gonop rok nge llowan’ rok.

Kolose 3:16

Thin ni ir e bth’ab feni fel’, ni weliy Kristus e thangri i par ni polo’ u lanin’med. Um filed ngomed ma gimed be fonow nagmed ngay u fithik’ e gonop. Umon’ed e tang ni thin rok Got ni bay ko Psalm, nge tang ni machib, nge tang ni murung’agen Got; um tang niged Got ni gimed be pining e magaer ngak Got u wun’med.

Hebrews 10:34

Mu uned ko gafgow ni i tay e pi’in ka nin’rad nga kalbus, ma fa’an nni fek urngin e chugum romed u fithik’ e yargel mi gimed k’adan’med ko chugum romed ni kan fek, ma gimed ba felfelan’ ngay, ya gimed manang ni kabay ban’en romed ni kabfel’ ngay, ni bayi par ni dabi m’ay bi’id.

Revelation 3:18

Gu be fonow nigem ni ngam chuw’iy rog e gol, ni gol ni de ma’athuk ban’en ngay, ni bochan e nge yag ni fel’ rogom. Ma ka ga chuw’iy e mad nib wechwech ngam chuw ngay ngam upunguyem ngay ni kam par u tamilang nib tamra’ u sum. Ma ka ga chuw’iy boch e flay ngam tay ngalan owchem nge yag ni mu guy ban’en.