Matthew 13:20 - Bible Ni Thothup

²⁰ Ma awoch ni wear nga daken bochi thal i but’ ni bay u daken e war e be yip’ fan e pi’in nrung’aged e thin rok Got nnog ngorad miyad fol riy ni kar felfelan’gad.

Matthew 13:20 Σταυροειδείς Αναφορές

2 Kronicles 24:14

Nap’an nmu’ i ngongliy e yungin ke kireb, ma tin ni aw e gol nge silber e ni pi’ ngak fare pilung nge Jehoyada, min ngongliy yochi dabiy riy nge ku boch ban’en ni mam’en fare Tempel. N’umngin nap’an nib fos Jehoyada, ma un pi’ e maligach u Tempel ni gubin ngiyal’.

2 Kronicles 24:2

I rin’ e tin nib m’agan’ SOMOL ngay u n’umngin nap’an ni i par Jehoyada ni prist nib fos.

2 Kronicles 24:6

ma aram me pining Jehoyada ni ir e be gagiyeg nagrad ni nge yib i guy, me non ngak nib gel e thin rok ni ga’ar, “Mangfan ndamur guy rogon ni nge kunuy e pi Levite e tax rok yu Judah ngu Jerusalem ni yog Moses, ni fare tapigpig rok SOMOL ni ban’en nthingari pi’ e girdi’ ni ngan ayuweg i pi’ pulwon e tin ngan pi’ pulwon ko fare Tent u p’eowchen SOMOL?” (

Isaiah 58:2

Yad be meybil ngog ni gubin e rran, ma yad be yog ni yad be fol ko pi motochiyel rog ma yad be rin’ e tin nib mat’aw. Kar weniggad ngog ni nggu fal’eg wa’athrad mu gu pi’ e motochiyel nib yal’uw ngorad.”

Matthew 13:19

Pi’in nrung’aged e thin rok Got ni murung’agen e gagiyeg rok ma de yag nra nanged fan e yad bod awochngin e woldug ni wear nga daken marichlen e kanawo’ u milay’. Me yib Fa’anem nib Kireb nge leag e n’en ni kan wereg nga fithik’ i lanin’rad.

Matthew 13:21

Machane ri de rich nga fithik’ i lanin’rad, ma aram me de par e thin rok Got u lanin’rad nib n’uw nap’an. Ma fa’ani yib e gafgow fa togopluw ni bochan e re thin rok Got nem, mra paged yad ni ka chingiyal’ nem.

Matthew 7:8

Ya urngin e pi’in yad ra ning e ra yag ngorad, ma en nra gay e ra pir’eg, ma mab e yira bing ngak e en nra tugtuguy.

Mark 6:20

Mi Herod e be tamdag ngak John, ya manang ni John e be’ ni bfel’ ma ba thothup, ma aram me tay ndab nli’ ngem’. Ba’adag Herod nma motoyil ngak John, ni yugu aram rogon ni gubin ngiyal’ nra motoyil ko tin ni be weliy John me yib e marus ngak.

John 5:35

I John e immoy ni bod ba magal ni i mat ngi i gal ram’en, ma ba ngoch nap’an ni mpired nib m’agan’med nga ram’en.

Acts 8:13

Mi Simon e ku errogon ni mich Jesus u wan’; ma fa’an nni mu’ i tawfenag me m’ag ir ngak Filip, ma fa’ani guy e pin’en nike ngongliy gelngin Got nge pi maang’ang ni be ngongliy Got u pa’ Filip, me ngat ngay.