Matthew 11:29 - Bible Ni Thothup

²⁹ Mfeked e mat’ rog ngam ted nga pomed, mi gimed folwok rog, ya gub munguy ma gub sobut’an’; mi gimed pir’eg e toffan.

Matthew 11:29 Σταυροειδείς Αναφορές

2 Kronicles 10:11

Mog ngorad ni ngam ga’ar, ‘Chitamag e pi’ e maruwel ngomed nib gel; ma maruwel ni gu ra pi’ e kabgel boch ngay. I toymed ko dimow, me gag e bay gu pirdi’iymed ko dimow ni fen e garbaw ni pumo’on!’”

Psalms 116:7

Lanin’ug, nge pagan’um, ya SOMOL e rib manigil e tin ke rin’ ngog.

Psalms 131:1

SOMOL, kug pag e tolangan’ rog ma ku gu pag e ufanthin. Dak gur leamnag e tin ban’en ni kaygi ga’ ara kaygi mo’maw’ ngog.

Proverbs 3:17

Gonop e ra i tayem ni ga bfelfelan’ ko biney e tamilang, mi i pow’iyem riy ndariy ban’en nra buch rom.

Isaiah 28:12

Ba’adag ni nge pi’ e toffan ngomed me fal’eg lanin’med ni gimed gubin, machane dabumed ni ngam telmed ngak.

Isaiah 29:19

Pi’in gafgow nge pi’in sobutan’ e yad ra pir’eg fare felfelan’ bayay nma pi’ SOMOL, ni fare Got nib thothup nu Israel.

Jeremiah 6:16

I SOMOL e ga’ar ngak e girdi’ rok, “Mu sak’iygad ko mdardar ko kanawo’ ngam sapgad; ngam fithed fa yu pa’ i kanawo’ ni kakrom, mfithed e gin bay fare kanawo’ riy ni bfel’. Marod riy nge yag e gapas ngomed.” Machane ke lungurad, “Dab gu warod riy!”

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

Numbers 12:3

Mi Moses e be’ nrib sobut’an’, ni ir e th’abi sobut’an’ u fithik’ e girdi’ nu fayleng.

Matthew 17:5

Ma nap’an ni be non me yib bangi manileng nib galgal ram’en nga dakenrad, me non ba lam u fithik’ fa gi manileng ni ga’ar, “Ireray Fakag nrib t’uf rog, ni kari felan’ug ngak — ere mu telmed ngak!”

Matthew 21:5

“Mogned ko binaw nu Zion ni nge lungumed: Chiney e be yib e pilung rom, ir be’ nib munguy nike af nga daken ba dongki, ke af nga daken ba fak e dongki.”

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Matthew 7:24

“Ere gubin e girdi’ ni rung’ag e pi thin rog ney miyad fol riy e yad bod be’ nib gonop ni toy e naun rok nge daken e war.

Luke 8:35

Me yan e girdi’ ngranod ra guyed e n’en nike buch. Ma fa’an rabad ngak Jesus miyad pir’eg fare mo’on ni fa’ani chuw fapi mo’onyan’ rok nike par nga but’ u to’oben i ay Jesus, nike yin’ e mad, ma ke sul laniyan’ ngak, ma aram me yib e tamdag ngorad ni yad gubin.

John 13:15

Ya kug dag ngomed e n’en ni ngu’um rin’ed ngomed, ya nge yag ni mrin’ed nri bod rogon e n’en ni ka fini gu rin’ ngomed.

John 13:17

Re bugithin ney nib riyul’ e kam nanged e chiney, fa’an gimed ra maruwel ngay mra um pired ni gimed ba felfelan’!

Acts 7:37

I ir fare Moses ni yog ngak piyu Israel ni ga’ar, I Got e bayi pi’ ba profet nge yib ngomed, ni be’ ni bayi sum romed ni bod rogog ni pi’eg nggub ngomed.

1 Korinth 9:21

Ere ku aram rogon ni ngiyal’ ni gu bay rok e pi’in gathi yad piyu Israel e gu be par ni gu bod bagayad, ni gu bay u wuru’ e Motochiyel rok piyu Israel, ni bochan e nggu yagnag e pi’in gathi yad piyu Israel ngak Kristus. Ren’ey e gathi aram e dagur fol ko motochiyel rok Got, ya gag e riyul’ ni gu bay u tan e motochiyel rok Kristus.

2 Korinth 10:1

I gag Paul e gu be wenig ngomed — i gag fa’anem ni kanog nib sobut’an’ug ma gub gol ko ngiyal’ ni gu bay romed, machane dagur tamdag ni nggu non ngomed nib gel ko ngiyal’ ni gub mal’af romed. Gu be wenig ngomed ni bod feni munguy nge feni gol Kristus ni be lungug:

2 Korinth 10:5

ma kug buthuged urngin e leam nib tolang ni yibe togopluwnag ko tin ni kan nang ni murung’agen Got; gamad be fek urngin e leam ni bod ni yima kol e girdi’ ko mael nggu pingeged nge fol rok Kristus.

Filippi 2:5

Rogon e leam nge pangin ni nge yag ngomed e fare leam nge fare pangin ni immoy rok Kristus Jesus ni ba’aray:

1 Thessalonika 4:2

Ya gimed manang rogon e fonow ni gu ted ngomed u mat’awmad nike pi’ Somol Jesus ngomad.

2 Thessalonika 1:8

nge nifiy ni be daramram, ni nge gechignag e pi’in nde t’uf rorad ni ngar nanged murung’agen Got nge pi’in ndarir folgad ko fare Thin Ni Bfel’ ni murung’agen e Somol rodad i Jesus.

Hebrews 5:9

Ma fa’ani yan i par ni kari fel’ rogon ni bochan e gafgow ni tay, me par ni ir e be thapeg e girdi’ ngak Got ngar pired rok ndariy n’umngin nap’an, ni urngin e pi’in yad be fol rok,

1 John 2:6

Ma en nra ga’ar e be par u fithik’ Got e susun e ngi i par e wok rok ni bod rogon ni i rin’ Jesus Kristus.