Matthew 10:37 - Bible Ni Thothup

³⁷ “En ni kab t’uf rok e chitamangin ara chitiningin ngog e dariy rogon ni nge mang be’ rog; en ni kab t’uf rok fak ni pumo’on ara fak ni bpin ngog e dariy rogon ni nge mang be’ rog.

Matthew 10:37 Σταυροειδείς Αναφορές

Genesis 21:11

Ri gafgow laniyan’ Abraham riy, ya Ishmael e kub pagel ni fak.

Zekariah 13:3

Ma fa’anra m’ug be’ ni be ga’ar e ku ir reb e profet, ma chitamngin nge chitinngin e bay rogew ngak ni aram e thingar nli’ ngem’, ni bochan e be yog ni be weliy e thin rok SOMOL, machane go’ ban e be weliy. Ma nap’an nra yi’iynag ban’en ma chitamngin nge chitinngin e yow ra yip’ ko sarey nge yim’.

Matthew 22:37

Me fulweg Jesus ni ga’ar, “ ‘Thangri t’uf rom Somol ni ir e Got rom u polo’ i gum’ircha’em, ngu polo’ i lanin’um, ngu polo’ i leam rom.’

Matthew 22:8

Me pining e pi tapigpig rok me ga’ar ngorad, Ke m’ay i fal’eg rogon e madnom ko mabgol ke par, machane fapi girdi’ nike taw e pong rog ngorad ni ngarbad e ke m’ayfan e pong ntay ngorad.

Luke 14:26

“En nra yib ngog e dabiyag ni nge mang reb i gachalpeg ni fa’anra dabi m’onegeg rok e chitamngin nge chitiningin, nge leengin nge pifak, nge pi walagen ni pumo’on nge pi walagen ni ppin, ma ku errogon ir.

Luke 20:35

machane pumo’on nge ppin ni pi’in bay rogorad ni ngan fasegrad ko yam’ ngu’ur pired ko bin ni bay yib e tamilang e dab kur mabgolgad.

Luke 21:36

Um pired ni kam fal’eged rogomed ma gimed be meybil ni gubin ngiyal’ nge yib gelngimed nge yag ni mmarod u fithik’ urngin e pin’ey ni bayi m’ug ni dabi buch ban’en romed mi gimed yan mu sak’iygad nga p’eowchen e en ni Fak e Girdi’.”

John 5:23

ya nge gubin e girdi’ me liyor ngak e en ni Fak Got ni bod rogon ni yad ma liyor ngak e en ni Chitamangiy. Ma en nder liyor ngak e en ni Fak Got e der liyor ngak e en ni Chitamangiy ni ir e l’oeg nge yib.

Deuteronomy 33:9

Yul’yul’ ni ur ted ngom e kab gel ko yul’yul’ ni ur ted ngak e gallabthir rorad, nge ngak pi walagrad ara pifakrad. Ur folgad ko thin rom ma ur pired ni yad ba yul’yul’ ko m’ag rom.

Revelation 3:4

Machane ri gimed in u wur u lan yu Sardis e dawor mu alit niged e mad romed. Bay um uned ngog ni kamon’ed e mad nib wechwech, ya bay rogomed ni ngam rin’ed ni aram rogon.

1 Samuel 2:29

Ere mangfan ni gimed be chogownag e pi maligach nge pin’en ni yibe pi’ ngog ni gag e gog ni nga ni pi’? Eli, mangfan ni kam m’oneg fa gal pumo’on ni fakam rog kam pagrow kar sugsuggow ko yu ngin nth’abi fel’ ko pi maligach ni be pi’ e girdi’ rog ngog?