Matthew 1:18 - Bible Ni Thothup

¹⁸ Ba’aray rogon nni gargeleg Jesus Kristus. I Maria ni chitiningin Jesus e nduwgiliy ni ngi i par ma yow ra mabgol Josef ba ngiyal’, machane dawor ra mabgolgow me pir’eg Maria rok nike diyen u gelngin fare Kan Nthothup.

Matthew 1:18 Σταυροειδείς Αναφορές

Genesis 3:15

I gur nge fare pin e bay mpirew ni gimew ba to’ogor; ma ku er rogon pifak nge pifakam ni bay ur pired ni yad ba to’ogor. Ma be’ nib mo’on ni fak fare pin e bayi bilbilig lolugem’ mi gur e bay mu k’ad wurilen ay.”

BABYOR NI JOB 14:4

Dariy ban’en nib be’ech nrayag ni yib rok ban’en ni bod feni alit e girdi’.

BABYOR NI JOB 15:14

Rayag ni nge par ba girdi’ nib machalbog? Rayag ni nge mat’aw be’ ngak Got?

Matthew 1:1

Ireray babyoren e pi ga’ rok Jesus Kristus, ni be’ ni owchen David, me David e be’ ni owchen Abraham.

Matthew 12:46

Ka be non Jesus ngak fapi girdi’ me taw e chitiningin nge pi walagen. Miyad sak’iy u wuru’ e naun, miyad yog ni yad ba’adag ni ngar nonod Jesus.

Matthew 2:11

Miyad chuw nga naun miyad guy fachi tir ni bay rok Maria ni chitiningin. Miyad ragbug ngar siro’gad ngak; miyad bing e tutuw rorad miyad tow’athnag ko gol, nge frankincense, nge myrrh.

Luke 1:25

Mi i yog ni be ga’ar, “Rib gol Somol ngog, ya tamra’ ni ug gafgow riy e ke chuweg!”

Luke 2:5

I sul ngaram ni ngan tay fithingrow Maria nga babyor, ni cha’nem i Maria e kanog ngak Josef ni yow ra mabgol. Ma re ngiyal’ i n’em ma aram e ke diyen Maria,

Deuteronomy 22:23

“Fa’an yira kol be’ ni pumo’on u lan binaw ni yow be par be’ ni bpin ni kan m’ag e mabgol rok.

Hebrews 10:5

Ireray fan ni fa’ani chugur ni nge yib Kristus ngaray nga fayleng me ga’ar ngak Got: “Dabum e maligach nge gamanman ni yibe pi’ ngom, machane kam ngongliy rogon ba dowef ni fenag.

Hebrews 7:26

Ere Jesus e ir fare Prist ni Th’abi Ga’ ni ir e rayag ni nge ayuwegdad u urngin ban’en! Ya ir e ba thothup; ni dariy thibngin ma dariy e denen rok; ke fal Got ngabang ni gathi ir reb e pi tadenen ma ke tay ni ir e th’abi tolang u tharmiy.