Mark 9:32 - Bible Ni Thothup

³² Ma dar nanged fan e re bugithin nem ni yog ngorad, machane ra tamdaggad ni ngar fithed ngak.

Mark 9:32 Σταυροειδείς Αναφορές

Mark 16:14

Me tomur riy me m’ug Jesus ngak fa ragag nge ta’reb i gachalpen ko ngiyal’ ni yad be abich; me puwan’ ngorad ni bochan e de pagan’rad ko thin ni yog, nge bochan e kayigi gel e gelan’ rorad nde riyul’ u wun’rad e tin ni yog e pi’in nra guyed Jesus nike fos.

Mark 7:18

Me ga’ar Jesus ngorad, “Gimed e gathi yugu ba tamilang boch an’med ngak yugu boch e girdi’. Mogned, dawor mu nanged fan? Dariy ban’en nra yan u wuru’ i downgin be’ nga fithik’ i downgin nge alitnag facha’,

Mark 8:33

Machane me cheal Jesus u luwan, me changar ngak pi gachalpen, me puwan’ ngak Peter ni ga’ar, “Satan, mu chuw rog. Ya leam ni ga be tay e rogon e leam nma tay e girdi’, ma gathi rogon e leam nma tay Got!”

Mark 9:10

Miyad fol ko tin keyog Jesus ngorad, machane miyad tabab i weliy rorad e re bugithin nem ni be lungurad, “Mangfan e re bugithin nem nike yag ni ngan faseg ko yam’?”

Luke 18:34

Ma dariy bochu’uw e pin’ey ni nang pi gachalpen fan; ya kan mithag fan e pi thin nem rorad, ma de yag nra nanged fan e n’en ni be weliy Jesus.

Luke 2:50

Machane dar nangew fan e re bugithin nem nike yog ngorow.

Luke 24:45

Ma aram me tamilangnag an’rad ngar nanged fan e pin’em ni bay u lan e babyor nib thothup,

Luke 9:45

Machane dar nanged fan e re bugithin nem nike yog. Ya kan mithag fan rorad ni nge dab ra nanged fan, ma yad be tamdag ni ngar fithed fan e re bugithin nem ngak.

John 12:16

Ma re ngiyal’ i nem e de nang pi gachalpen fan e pi thin nem; machane nap’an ni faseg Got Jesus ko yam’ me yan Jesus ko fla’ab nga tharmiy, ma aram me yib ngan’rad nike yog e babyor nib thothup e re bugithin ney ni murung’agen, ma kar rin’ed e ren’em ni fan ngak.

John 16:19

Me nang Jesus ni yad ba’adag ni ngar fithed, ma aram me ga’ar ngorad, “Ke lungug dabki n’uw nap’an ma dab kum guyed gag, ma aram e bayi n’uw nap’an boch nga tomuren mikigimed guyeg. Ireray e n’en ni gimed be fithmed riy fa?

John 4:27

Ka ngiyal’nem me sul pi gachalpen Jesus; miyad gin ngak ni kar pir’eged ni be welthin ngak be’ ni bpin. Machane dariy bagayad ni ga’ar ngak fare pin, “Mang e nge yag ngom?” ara ra fithed Jesus ni lungurad, “Mangfan ni ga be welthin ngak e re pin nir?”